Monday, February 19

Sondag ...sport en selgroep

Die week het met 'n slag weggespring en die moee ou seuns, na die naweek se veeleisende toernooi moes alweer 'n wedstryd speel. Almal kon sien dat die manne gewillig was, maar dat die bene nie altyd wou saamwerk nie. Die arme afrigter het net 1 reserwe gehad wat kon aflos, want van die spelers sit met beserings en daar is selfs een of twee wat weens swak akademiese prestasies nie mag speel nie. (Ja, dit was rapporte tyd en die ma is baie tevrede). Wat gewoonlik 'n maklike wedstryd vir die seuns is, het uitgeloop op 'n verloorwedstryd...Die telling AISA 34 - Choueifat (nie 'n spelfout nie) 37.

Voor die wedstryd en die tellinghouers lyk nog baie ontspanne. Weet nie wat maak Nelmari met die bal op haar skoot nie.
Die wedstryd begin en William wag vir die opskiet.
'n Strafgooi vir Will en hy wag vir die skeidsregter om klaar te verduidelik en die bal vir hom te gee. (Kyk die Choueifat speler se interessante van. Hy is defnitief nie 'n "oudstryder" nie, hy het AISA hoofbrekings besorg)

En hy skiet die bal ....(lyk soos een of ander geheime saluut)
Op die randjie .... in of nie?? Gelukkig vir ons IN.

Nie baie toeskouers vandag nie, maar almal vasgevang in die wedtsryd.
Die week lĂȘ daar nog drie wedstryde voor en vanaf Donderdag die toernooi in Cairo.
Ons het ook omgeegroep gehad vanaand. Na die groep het ons lekker gekuier met Sharyn se plaatkoekies.
Party maak drinkgoed en ander wag vir die plaatkoekies.
Anelda help vir Ewert met die kaneelsuiker
Die Van der Lindes.
Mooi week vir julle almal.

5 comments:

Anonymous said...

Wil nou nie snaaks wees nie, maar julle hou darem lekker tee partytjies!!! Honger word julle seker nie. Geniet dit. Lalie

Sandra said...

Jy is snaaks. Lees die opskrif dis 'n groep nie 'n teepartytjie nie. Jy jaloers?

Anonymous said...

Ja, want dit lyk regtig baie lekker!! Enjoy!!

Sandra said...

Jy sal maar moet kom kuier om saam te tee en koek

Anonymous said...

Dis van tee en koek wat ek lyk soos ek lyk. x