Sunday, May 30

So vir oulaas die jaar …

Julle ken daai einde November begin Desember gevoel .... hier voel ons dit net einde Mei begin Junie. Alles sluit af sonder om regtig af te sluit en 'n ander besig word begin. Met die eksamens wat volgende week begin het die skoolsport ook gestop maar verlede Donderdag wat eintlik ons Vrydag is het die spanne teen die onderwysers hulle jaarlikse wedstryd gehad. Hierdie jaar het al drie die Holloway'tjies gespeel.

Page1

James as 'n amptelike onnie en William wat nou hier kuier (lekker!) het uitgehelp in die onnie-span. Vir die eerste keer in baie jare het die twee weer saam in die skoolgym gespeel. Alhoewel hulle goed gespeel het, het die fikser Varsity span hulle oortuigend gewen.

Page2

In die tweede wedstryd het ons vir die Varsity meisies geskree waarin Nelmari gespeel het. Die meisies het niks simpatie vir die juffrouens gehad nie en sirkels om hulle gehardloop.

Page3

Op die einde moes die onderwyseresse ander maatreels toepas. Soos julle op die foto's kan sien is Nelmari en ander vasgehou en afgetrek om te kyk of dit nie die wedstryd kan stadig maak nie :-). Groot pret vir almal en selfs nie die skeidsregter se beslissings kon die onnies nie laat wen nie.

Nog 'n tikkie af ... nou is dit net die eksamens.

Geniet julle laaste daggie van die naweek en sterkte vir die week wat voorle.

Tuesday, May 25

Ons diere se aanpassing tussen die duine

Soos ons moes aanpas en nog steeds doen in die erge sand, was dit die diere in die huishouding wat ook moes aanpas in die nuwe blyplek. Het hulle dieselfde probleme as ons mense? Oordeel maar self ....

photo 1

Daar is besluit om die twee straatbabas waarvan ek al vertel het maar saam te bring want wie anders sal vir hulle nou by 'n lee huis kosgee ~ en die twee se oorskakel van straat na huis was smoooootth. Kyk hoe tuis en rustig word daar geslaap en gebad.

DSC_0013

Die mannetjie "Waffles" is 'n pragtige groot kat en so liefdevol. Hy gee net heeltyd liefies en drukkies of jy nou wil of nie en van die straat af, is dit nou sy nuwe uitkykplek in die studeerkamer. Aan daai pens en lyf kan mens sien dis nou nie meer straatkos nie.

DSC_0151

Dawn moes skielik haar plek met twee ander deel en sy het besluit ounooi se wit teddie is vertroosting. Die teddie is elke keer wanneer ek in die studeerkamer kom op 'n ander plek, op die bank of rak of waar sy voel dis veilig van die ander.

photo 4

So bly dat daar nie meer 'n mamma kat is wat haar kleintjies op ons stoep aflaai nie .... totdat iemand (dit kan nie 'n mens wees nie) 'n baba katjie in die drom voor ons kompleks kom aflaai. Hierdie dingetjie kon nie ouer as 'n paar daggies wees nie en Nelmari was in haar element. Daar is probeer om die kleintjie bottel te gee sodat hy darem kon kossies inkry en die klein vegtertjie het tot die volgende dag survive.

DSCF0039

Elriza het toe besluit sy wil hom/haar he en ek was bly vir 'n goeie huis en tog nie nog een in die huis nie. Daar is al honderde foto'tjies van die klein dingetjie geneem en hoe sy vorder en mylpale bereik - ek hoop net daai maatjie van my gaan vinnig daaroor blog voordat die kleintjie groot is.

Page2

Luie was intussen in 'n gastehuis totdat daar 'n muur vir hom gebou kon word en eintlik hierdie week het die ou terugkom na 'n nuwe huis met grasperk spesiaal vir hom. Dankie Tremblay familie dat julle so mooi na hom gekyk het. Soos julle op die foto's sien is hy heel in sy skik met sy nuwe blyplek.

Laat ek nie vergeet om te noem daar is nog Nelmari se baie sensitiewe kat wat volgens die seuns anti-sosiaal is :-) en ek sal anderdag 'n foto van haar ook moet wys. Sy's geniet ook die nuwe blyplek solank sy by haar mens-ma is.

Stem julle saam dat anders as ek wat oa met die nuwe blyplek se sandstorms sukkel, het die diere geen aanpassingsprobleme nie.

Geniet julle week en die aanloop na die eindstryd die naweek .... Hoop julle oefen solank om vir die regte span te skree. Blou met 'n titseltjie wit :-)

Thursday, May 20

Lekker in die woestyn

Dis nou 3 maande vandat ons diep in die woestyn ingetrek het, en om verskeie redes is baie dinge in die huis nog nie klaar nie. Om die waarheid te se ek weet nie of dit ooit gaan wees. As ek gedink het na al die jare is ek gewoond aan die dorp, het ek nou te doen met 'n heeltemal nuwe kant van Abu Dhabi en dit is die woestyn deel. Ek het mos al vir julle die groen en see en indrukwekkende geboue gewys - kyk nou hierna dis in dieselfde dorp en verseker hoe die ontwikkelde deel vroeer gelyk het.

photo 4

Vandat ons hier bly is daar bykans elke tweede dag een of ander sandstorm wat deur die spesifieke area waai en my blou karretjie voel al soos 'n kameel as hy sy liggies so moet toeknyp om al die sand uit te hou. Die foto'tjies is almal hierdie week sommer met die foon oppad skooltoe geneem en hierdie was Sondag se klein stormpie.

photo

Dis 'n nuwe area en die paaie is gebou en sypaadjies word mooi met siersteen gedoen, maar sodra die sand gaan le, kan mens sien dat die sand eintlik die area wil terughe. As hulle nie gereeld die plek "vee" nie, was hierdie dorpie seker binne 'n maand weer 'n woestyn.

photo 1

Hierdie ouens so drie blokke van ons af is besig om hulle eie sandduin agter die huis te bou, maar ek voorsien dat daai muur nie lank sal hou as hulle dit so los nie.

DSC_0013

En dis die sandplakkers. Ek weet nie presies wat hulle doen nie, maar van die padwerkers bly sommer naby as hulle aan 'n projek bou en dis so 'n klein houtboksie op stelte.

DSCF0042

Van naby dat julle beter kan sien :-).

DSC_0038

En dan kom mens by die huis na die storm en jy kry nie stof nie .... nee .... ons eie sandduintjie besig om te vorm aan die binnekant by die voordeur.

Dit lyk en voel asof ek nou die woestyndeel van my lewe binnegaan :-) en ek hooop nie dit vat veertig jaar nie.

Lekker week en mag die beste span weer die naweek wen!

Saturday, May 15

Leer om slim te wees

Maak nuwe ontwikkelings kinders van vandag slimmer as wat ons was toe ons jonk was? Of was ons ook "slim" met die tegnologie wat toe beskikbaar was? Ek staan gisteraand en luister by die kindergroep hoe drie 9-jariges praat. "Ek ken daai website ... het jy al na hierdie een toe gegaan?" Jinne ek het nie eers geweet van internet nie en is maar vandag steeds dom met nuwe tegnologie. Is dit al die "dinge/goeters" wat dit vir mens makliker maak om "slimmer" te wees in vandag se lewe?

Page1

Verlede naweek het ek 'n kursus oor Immergroen Ouerskap bygewoon. Al is al my kindertjies groot, werk ons nog steeds moet kinders en het ons gedink om bietjie "tips" te gaan vang en sommer te kyk of ons reg gemaak het in die proses om ons kinders groot te kry. Daar was heelwat jongmamma's met baba's wat die twee potensiele oumas net wou laat vashou het. Is dit nie 'n blessing dat hulle die geleentheid het om te leer/hoor wat die beste manier van kinders hanteer kan wees nie?

Page2

Maar eers moes ons as ouers onsself vind en was dit nou interessant. Om ons kinders te verstaan moet ons onsself verstaan en Jean ons kursusleidster van SA het hopies met karaktereinskappe uitgepak en almal moes hulle self gaan soek het. Party het hulleself sommer gou gekry en ander het maar ernstig rondbeweeg.


Page3

Na die tyd is die kenmerke van die verskillende "bome" bespreek en hoe ons meestal optree. En ons kon nie eers se dis verkeerd nie want meeste van die tyd was dit 100% in die kol. Praatjies en besprekings het gevolg en ons het ook ons eie kinders geidentifiseer en wat die beste manier is om hulle te hanteer. Dit was darem lekker om te sien dat ons "ouer" mammas ook baie keer die regte besluite geneem het sonder werkswinkels en boeke.

Page4

Aan die einde van die kursus kry elkeen wat wil ook die kansie om 'n kersie aan te steek waarin ons 'n belofte maak dat ons ons kinders volgens God se woord sal grootmaak vir Sy koninkryk.

Julle kan gerus by hulle webblad hier gaan inloer - daar is oulike praatjies, boeke en raad ook vir tuisskoling.

Lekker naweek en ek hoop die beste span wen!

Monday, May 10

Jongmense kuier lekker

So twaalf jaar terug het ons begin met 'n kinderbediening hier in Abu Dhabi omdat daar 'n behoefte was vir ons kinders om iewers in te skakel, saam met SA maats en meer van Jesus te leer. So het die kinders ook groter geword en meer en meer jong volwassenes het hier kom werk en 'n nuwe behoefte ontstaan. Iets vir ons snr tieners en jong volwassenes. Soos altyd is Vader getrou en kon ons vir Elriza kry om hier met die groepie te kom werk. Die ou tannies weet wanneer dit hulle tyd is om terug te staan en agter die skerms te werk want ons kan maak wat ons wil, maar daar is geen manier hoe ons met 'n jong cool pastoor kan meeding nie :-). Nodeloos om te se dat na die eerste maand het hierdie bediening alreeds gegroei in 'n studie groep vir snr tieners, en twee groepe vir jong volwassenes met baie uitreik na ander tussen-in.

Page1_1

Die snr tieners het net so voor die winter regtig inskop bietjie gaan kayak en agterna baie stories te vertelle gehad. Die begin van die oornag-trip en almal is nog vol geesdrif, glimlaggies en skoon.

DSC_0040

Arme ekke want daar gaan hulle en dis sover ek my kamera kan gebruik. Opdragte is gegee van wat en wie hulle moet afneem, maar of hulle dit gaan uitvoer is 'n ander saak ... en op hierdie stadium kan ek niks daaraan doen nie :-).

012_12

Die eiland waar hulle oorgeslaap het. Tente is wel opgeslaan, maar volgens die stories het net die "ouer" drie wel in tente geslaap - die ander het sommer so langs die vuur geplak.

DSCF0202

James en Leane moes saam met Elriza die volwasse toesig wees :-).

DSCF0187

Met die heerlike warm water en Abu Dhabi ver op die agtergrond kon almal lekker laat swem. Ek hoor stories van musical kayaks ens. maar het geen idee hoe hulle dit gespeel het nie. Aandete was heerlike vleisbraai en daar is ook lekker rondom die vuur gesing en gesels.

DSCF0223

Die volgende dag se terugvaar. Kyk net hoe kalm is die oopsee hier en gelukkig windstil, maar dit kom met ander probleme.

036_36

Mens kan sommer in die middel van die see 'n sandbank slaan en dan moet jy jou kayak vir walkies vat tot jy diepwater kry.

. DSCF0233

Swem en kuiertyd net so voor mens weer in die woeste gejaag van die dorp terug is.

017_17

Ek was natuurlik angstig om die foto's terug te kry en hierdie een het my aan die raai gehad. Die "dominee" se klere en kamera aan 'n boomtak by die water ...... waar is sy?


DSC_0055

Moeg (as mens net twee uur geslaap het), taai en vuil aan die einde van 'n suksesvolle uitstappie. Wie dink julle is die blyste dat die vaart verby is? :-)

Lekker week vir julle almal

Wednesday, May 5

Skooljaar se einde en toekennings

Die "laaste" maand van skool vir die kinders hier in die duine voor die eindeksamen en drie maande skoolvakansie aanbreek.

Page1

Voor die sporttoekennings week is daar 'n "spirit" week gehou - ons het dit sommer op skool "groot brag" genoem. Vir die hele week het die kinders aangetrek volgens dag-temas. Die laaste dag was pajama-dag en Nelmari se dit was baie lekker om in haar slaapklere en pantoffels skool toe te gaan.

Page1

Met die sporttoekennings het dit goedgegaan en die Varsity basketbal, varsity volleyball en nr 25 het medaljes en sertifikate gekry. Weereens het ons SA kinders uitstekend gedoen en was daar baie op die verhoog wat toekennings gekry het.

DSC_0207

Geluk Nelmari ons is baie trots op jou! Nou is dit net daai IB eksamen wat voorle.