Sunday, October 31

Saam met die “predikante” in Dubai – deel 1

Met Willem se besoek hier was Dubai ook op die "wys" lysie en wat ek gedink het 'n maklike uitstappie gaan wees - om twee "predikante" te neem was nie so maklik nie. Ek het al my grysstof nodig gehad om hulle te beheer en uit die moeilikheid te hou ;-). Dit was behoorlik 'n mall-hopping dag.

Page1

Eerste aan die beurt was die Ibn Battuta mall waar daar alles weer beloer en bekyk is. As julle meer oor die mall wil sien kyk op die label-skakels onder.

. Page2

Daar is ernstig vir die vrou en dogters by die huis geshop ... ek sal nie se wie wat kry nie ... die verrassing is Woensdag. Gekskeer was ook hoog op die lys. Elriza weer het 'n rokbelegging gemaak wat nog lank in die nageslag gebruik sal word.

Page3

Toe met die metro-trein na die volgende winkelsentrum, mall of the Emirates (kyk labels vir meer foto's daarvan).

Page4

Ons derde winkelsentrum van die dag was die Dubai mall waar ons die akwarium besoek het. Weer kon ek die versoeking om die visse af te neem nie weerstaan nie. En natuurlik moes ek nog beheer ook uitoefen

. Page5

Mens kry net nie genoeg van die visse nie.


Page6

Verskillende soorte visse en ook 'n "Willem-vis"


'Page7

Die dag het te lank begin word en ek het al my dae gehad om die twee op die tou brug en spinnekopweb in toom te hou.

Page8

Die pikkewyne was 'n hoogtepunt want hulle het behoorlik vir ons 'n vertoning gegee. Lyk asof die ou vir Elriza vra vir 'n koppie-krap.


Page9

Hierdie twee lyk asof hulle vassit in die vaas. Enige iemand wat wil raai wat die diere op die ander twee prentjies is?

Dubai was nog nie klaar vir die twee nie, maar ek vertel later weer.

Liefde

Wednesday, October 27

Besoeker leer die dorp ken

Ek het julle mos alreeds gese dat dit bietjie dol in die Holloway huishouding gaan. Met al die aktiwiteite vertrek Nelmari ook vandag Doha toe vir 'n volleyball toernooi en word daar rondgeskarrel daarvoor. Eerskomende naweek word daar 'n beradingskursus vir jeugleiers aangebied en Willem Semmelink by wie ek jare terug die kursus gedoen het, is in Abu Dhabi om dit hier te doen. Lekker bederf vir ons mense hier. Natuurlik moet daar tussen al die werk wat ons vir hom uitgedink het ook 'n bietjie dorp gewys word.

Die wat al lank my blog volg het die plekke al gesien en sal selfs die nuwe uitbreiding kan raakkyk en daarom gaan ek nie teveel foto's van die plekke sit nie, maar vir Rina, Marianne, Tani en Righardi, Willem se vier vrouens in Suid-Afrika wil ek bietjie wys wat hy hier in die UAE aanvang.

Page1

Die eerste dag het ons net 'n bietjie gekyk hoe Abu Dhabi lyk en gou-gou vir teetyd by die hoe toring restaurant gaan ietsie drink. Willem het kansgekry om die dorp van hoog te beloer en baie foto's te neem.

Page2

Aandete het ons hom na 'n restaurant geneem wat van die plaaslike kosse het. Julle sal op elke foto sien hoe het die kos meer en meer geword soos ons hom al die disse laat proe het. Elriza "krap" so onder die brood vir nog vleis :-).

Page3

Heeltemal oorhoeks geeet moes ons dit afstap langs die Cornish. Dan neem mens altyd die besoekers deur die duikweg waar die mooiste mosiak prentjies is. Elriza wil he Nelmari moet die hare-dans saam met haar doen en Willem met 'n harem vroue in die oase.

Page4

Die weer raak regtig nou al lekker om saans bietjie te stap en in die agtergrond kan julle die winkelsentrum sien. In daai toring het ons die middag iets gedrink. Elriza en Willem gaan voel die water wat nou nie meer die jaar kokend is nie, net lou warm.

Page6

Die Emirates Palace Hotel word ook besoek. Agter Willem is een van die groot handgeweefde muurbehangsels van die hotel.

Page7

Nog prentjies van die hotel en van Willem wat besig is om vir Rina te sms.

Page8

Gou-gou deur die waterfontein loop om die voete nat te maak.

Daar is nog baie stories van ander besoeke en shopping ...

Lekker week vir almal.

Saturday, October 23

Bietjie nuus van hier af

Ek is seker baie van julle sal verstaan as ek se dat ek besig is maar niks het om op die blog daarvoor te wys nie :-). Die volgende paar dae en maand beloof om net nog besiger te raak, maar met heelwat geleenthede om foto's te neem. Ek gaan dit geniet!

Nelmari saam met 'n klomp tieners van ons tienergroep was Donderdagaand deel van 'n byeenkoms van ander Christen tieners in die UAE. Was so lekker om oor die 200 jongmense te sien saam sing, dans en ernstig raak.

Hulle het ook 'n "lofdans-item" gelewer. Kyk bietjie hierna. Ons is baie trots op ons groep tieners. As julle meer oor die aand wil lees of na nog foto's loer, gaan kyk gerus hier

Lekker naweek vir julle!

Thursday, October 14

Groter, beter en nou vinniger

Julle weet mos in hierdie land wil die een beter wees as die ander en die geboue moet groter en hoer wees as enige plek ter wereld. Hulle gaan nie vir die "klein" rekords nie, dis grotes wat hulle wil hou. So in die dorp is daar groot opgewondenheid oor 'n nuwe "Park" wat die einde van die maand oopmaak.

Ferrari-world-theme-park

As mens dink aan Ferrari is die eerste woorde wat opkom, motor, vinnig, rooi. Vir 'n geruime tyd word daar ernstig gebou aan die Ferrari World. Vir 'n naam wat daarvan hou om eerste te wees, is die binneshuise temapark van Ferrari die grootste in die wereld.

ferrari-world-theme-park-abu-dhabi-12

Op die eerste foto is die middelpunt van die park en hierbo is die onderdag van die park - ontwerp dat dit soos 'n plat Ferrari GT lyk.

abudhabiferari_23_portrait

Vermaak vir die hele familie met 20 verskillende ritte en die storie van Ferrari sal almal die heeldag besig kan hou. En natuurlik is Italie ook deel van die uitleg ...

abudhabiferari_24_portrait

Al die ritte, hetsy vir klein of groot word in skaalmodel Ferrari motors gedoen.


ferrari-gt-roller-coaster-468x312

Die kersie op die koek van die ritte, is die vinnigste "rollercoaster" ter wereld.

st-image-of-a-new-roller-coaster-that-races-two-sets-of-passengers-against-each-other-on-parallel-tracks-the-gt-roller-coaster-uses-carriages-of-four-indiv

Natuurlik word die rit in 'n Ferrari wat anders gemaak.

montagne-russe-ferrari-468x392

Een van die toetsritte van die rollercoaster voor die opening ...

-image-of-a-new-roller-coaster-that-races-two-sets-of-passengers-against-each-other-on-parallel-tracks-the-gt-roller-coaster-uses-carriages-of-four-indiv_0

Kan julle sien hoekom almal nie kan wag vir die 27ste nie? Dis die geleentheid vir oud en jonk wat nog altyd met 'n Ferrari wou ry, om 'n kans te kry. Nie net in die grootste ter wereld park nie, maar ook op die vinnigste rollercoaster. Ek sal dalkies net wag totdat die duisende mense minder geword het, voor ons gaan kyk - as dit gaan minder word.

Lekker naweek julle en mag die beste spanne wen .

Sunday, October 10

Waterdrake

‘n Chinese digter was die rede vir die begin van die dragon boot tradisie. Nadat hy baie jare gelede weens protes teen politieke korrupsie in die ou China in die rivier Mi Lo selfmoord gepleeg het, het sy volgelinge elke jaar ‘n bootresies ter nagedagtenis van hom gehou. Hierdie tipe resies het soos ‘n veldbrand oor die wereld versprei en dis vandag een van die mees populere spansporte wat daar is. Ok ek weet, ek het ook eers maar hier daarvan geleer

DSC_0107

Soos in die vroeer jare is die boot nog steeds ‘n baie dun roeiboot wat 20 roeiers en ‘n kaptein hou. Vandag se bote is meer kleurvol en het ook almal het ‘n kleurvolle draakkop op die punt.

DSC_0140

Die naweek s’n in Abu Dhabi is by die see by een van die groot hotelle gehou en baie spanne, univ en skole het deelgeneem. Net by die kyk daarna het ‘n mens die potensiaal van “spanbou” vir ‘n besigheid, skool of sportspan kon sien.

DSC_0104

Dis nie sommer iets wat mens sonder oefening of elkeen vir homself kan doen nie. Daar is vaardigheid, tegniek en saamwerk nodig. Ek dink daar moes ook heelwat ure geoefen word om die roei aksie perfek te laat saamwerk.

DSC_0109

Soos die spanne in hulle uitdunne geroep is, het hulle na die wegspringplek geroei. Baie het gelyk asof hulle “oefen” terwyl ander met kort, vinnige, inpas hale geroei het.

DSC_0115

Die see was amper spieelglad terwyl die beamptes se boot by die eindpunt wag met die groot moskee op die agtergrond.

DSC_0120

En dan spring hulle weg ….


DSC_0135

Een van die besighede wat nie onder die wenners was nie, kom terug by die eindpunt, en daar word foto’s geneem. Lekker glimlagte op almal se gesig en vandag wat die eerste werkdag van ons week is, sal hulle selfs in hulle seerspiere ‘n “span” by die werk wees.

Nota aan myself – volgende jaar moet ons ‘n tienerspan inskryf ….

Lekker week vir julle!


Tuesday, October 5

Lekker uitdaging

Kyk daar is baie dinge wat ek mis by die huis en elke jaar as ons begin beplan aan die jeugkamp, dan verlaaaaaang ek na die keuses van kampterreine by die huis. Die bome, koeltes, geriewe, ens. ens. Vanjaar wou ons afskop vir iets anders en soos dit altyd is, stuur Pa vir ons op die regte tyd in die regte rigting. Met al die kampgoetertjies so rondom my, maak ek epos oop en daar is 'n brief of te vertel van 'n nuwe terrein wat hierdie maand oopmaak.

DSC_0171

Natuurlik moes ons gaan kyk. Wat ons heel eerste amper kan laat vergeet van die hitte is die "oases" met die bome en die kamele wat so rustig staan en eet en kuier. Klim mens uit, dan voel jy natuurlik die hitte, maar een van die kamele is hans en nuuskierig en kom loer gou wat ons maak.

DSC_0173

Met die gras wat so droog lyk, kan mens sommer die hitte op die foto voel. Orals is sulke lampe wat hang en ons begin opgewonde raak oor die prentjie in die aand.

DSC_0182

Hier is nog oorspronklike bouwerk (deel van 'n hekwag) tussen die duine.

DSC_0179

En heeltyd word mens dopgehou ...

DSC_0183

Hierdie geboue is 'n tyd terug gebou vir een of ander rede, gebruik en die laaste twee jaar staan dit ongebruik - totdat iemand die blink idee gekry het om die terrein te ontwikkel vir oa kampe.

DSC_0186

Daar is ook plaasdiere soos eende, bokke en donkies wat meer as gelukkig is om hope aandag en koppie krappe te kry. Ek kan net dink hoe die kleiner kinders en grotes dit gaan geniet om met die diere te kuier

. DSC_0188

Orals tussen die oase is die watervoortjies en hierdie hond wys dat in die hitte is dit eintlik die plek om te loop.

DSC_0187

Wanneer ons stilstaan en gesels, wag hy ook maar liewers in die water dat sy pote nie brand nie.

DSC_0190

Ons het sommer half besluit dat die stukkie gras die plek is waar ons sal tente opslaan. DSC_0201

Die kinders soek 'n bietjie tentkamp en hulle het gese dit maak nie saak van geriewe nie, maar 'n spoeltoilet of ses en warm water gaan darem help om die sand uit die ore en voete te kry.

DSC_0204

Die binnekant van die gebou wat nog steeds ook buitekant is. :-)

DSC_0207

Hier kan julle sien wat ek bedoel, mens gaan binne deur die deur om buite te wees

DSC_0209

Die klein eetkamer waar ek seker is daar lekker gekuier gaan word. Hier is 'n groot toegeruste kombuis met yslike stowe wat die laaste paar jaar nog in plastiek staan. Kan julle gou dat hulle so geld kan mors.

DSC_0210

En hope perde .... deel van die kamp gaan ook 'n sonsopkoms en ondergang perderit wees. Daar is ook nog behalwe baie duine en sand 'n heerlike beskutte kampvuurarea waar daar lekker gekuier en gesing gaan word.

DSC_0212

Nou nie die geriewe wat ons by die huis het nie, maar beslis 'n kamp vir 'n nuwe avontuur. Sal julle na die kamp in November bietjie wys hoe lyk die terrein met jongmense op!

Mooi bly