Monday, September 28

Eerste indrukke

Ek het julle al honderd kere vertel van hoe die dorpie waar ons bly ontwikkel. Die naweek op die trein in Dubai het ek baie foto's geneem van al Dubai se aanbouings en die geboue is verseker indrukkend, maar Abu Dhabi staan geen tree agteruit nie. Daar is ongelooflike gebou ontwerpe aan die gang en ek sal julle nog graag wil wys, maar 4 wat die laaste tyd my aandag getrek het met die baie rond ryery en die feit dat hulle nou amper klaar is, is hierdie klompe.
DSC_0115
Soos julle weet is Abu Dhabi 'n eiland wat op twee plekke "ingegaan" kan word dmv brue. Nog op die "vasteland" naby die lughawe het ek die laaste tyd reeds van ver af hierdie snaakse skewe ding gesien.
Abu_dhabi_tower
By nadere ondersoek sien ek dat as hy klaar is, dit so gaan lyk en die nuwe lugbeheertoring van die AD lughawe gaan wees.
img1006p
Wel dis ampertjies klaar en omdat dit in die woestyn staan wil mens amper vra waar is die vliegtuie, maar binnekort sal die nuwe lughawe ook klaar wees. Kan julle dink hoe lank dit vir die werkers gaan vat om by die werk te kom?
P1050285
Op 'n ander deel van die "vasteland" by die naaste brug, het ons tydens 'n besoek aan die Al Raha strand in 2007/2008 hierdie gebou op die agtergrond gesien. Ek het natuurlik toe op die blog verkondig dit gaan 'n gebou in die vorm van 'n seilskip wees ..... dit het tog so gelyk.
aldar_hq_web
Die ontwerpers en kunstenaars het nie 'n seilskip in gedagte gehad nie en dus hoe hulle die eindresultate gesien het.
img5246
In die werklike prentjie, is hierdie hoofkantore van 'n groot ontwikkelaarsmaatskappy nou ampertjies klaar en kan ook van veraf gesien word - hoe dan anders met so 'n sirkel gebou. asymptote_yas_hotel_02
Net voor die gebou is die nuwe formule 1 baan gebou. Julle weet seker dat daai karretjies in November vanjaar hier gaan kom jaag. Dit dat daar ook nader blyplek moet wees, want die ander hotelle is meestal op die eiland en 'n entjie se ry. Die ontwerp is toe vir die hotel gekies. asymptote_yas_hotel_06
Hierdie foto is so 'n maand of wat terug geneem, maar die hotel is klaar en reg vir die groot klomp mense wat die wedren gaan kom kyk.
asymptote_yas_hotel_07
Aan watter dier laat hierdie prentjie julle dink?
capital-gate
Dan op die eiland, die gebou wat elke elke oggend sien as ek die kinders by die skool gaan aflaai. Met sy beplanning was dit die eindprentjie wat hulle ingedagte gehad het.
custom_1243605933096_2095542795_capital-gate-at-halfway-mark
Die gebou het nog 'n entjie om te gaan voordat dit klaar is, maar mens wil dit net regop tel voordat dit omval as mens dit sien.
DSC_0120
Dis ongelukkig al wat ek uit die motorvenster kon inkry, maar dit laat my half aan die toring van Babel dink en met al die nasionaliteite in hierdie land baie toepaslik. Soos die kinders van die kindergroepie gese het, toe elkeen sy eie taal begin praat het, het mens gesoek na iemand wat dieselfde as jy babbel .....
Gelukkig vir ons, is hier baie mense wat in Afrikaans babbel!

Thursday, September 24

Wat sal dit wees, trein of motor ….

Die afgelope paar vakansiedae is Dubai verseker oorval met mense uit ander emirate om die nuwe "in ding" uit te probeer .... die Dubai trein. Dis nie net ons wat daar was nie, want ek sien op die Sandvlooie se blog hulle het net so lekker gery en ook Lynette hulle. En ja, dis die derde keer dat ek al hieroor blog, so verduur maar. As julle na die begin projek wil loer en natuurlik die opening kliek net op die woorde. Vir ons ondervinding, hier is die foto's.

1

Al die stasies is nog nie oop nie, en daar word besluit om die trein vanaf die Mall of the Emiraes stasie te haal.


2


Dis net na 10:00 en dis doodstil. Mens kry amper die gevoel van 'n lughawe met die loopbande en afkondigings.


3

Terwyl die kaartjies gekoop word, loer Nelmari en Leane na die roete wat ons gaan ry.


4

Die deurgaan verloop sleepglad en ek weet nie hoekom James so vir my loer nie.


8

Natuurlik is die mammaratzi daar om foto's of vyf te neem. (Hierdie is spesiaal vir jou Ronelle en Vicky).


5

Die tweetjies kies 'n ongemaklike sitplek in die hoekie - seker om weg te kom van die kameras.


6

Nelmari is nog steeds met die kaart besig, so asof sy nie die roete vertrou nie. Sussie is dit water wat daar uitsteek? Jy weet jy mag nie kos en drinkgoed op die trein neem nie!

10

Dis heerlik rustig om so verby al die besige verkeer te ry en nie daaroor hoef te kommer nie. Mens sien sommer al die nuwe uitbreidings en Leane maak seker sy neem ook foto's.

11

Ek het baie geboue afgeneem, maar hierdie is net twee van die bekendste bakens in Dubai.


12

Wie gaan eerste deur die middestad wees, ons of die motors?


13

Die grootste groep mense op die trein staan almal regvoor by die neus om eerste by die volgende stasie te wees. Die spoor le lekker ver vooruit. Op hierdie stadium sal ek nie twee keer dink om liewers met die trein die stad in te ry as met die motor nie.

7

Ons gaan tot by die Deira Sentrum wat destyds ons inkopie mall was. Ons gaan nie meer nie, juis oor die verkeer. Met die trein gaan dit egter sleepglad .... of miskien nie .....


15

Die terugkom laat my dink aan die treine in London - mens moet stil sit of hou want by elke stasie wat iemand inklim wil hulle jou by die anderkant se deur uitstoot. Dit was 'n lekker ondervinding maar miskien hou ek meer van my eie spasie in my motor as om my spasie met bondels ander te deel. (Nota - ons wou die goudklas kaartjies koop maar dit was uitverkoop, en dit sal seker 'n voorwaarde wees as ek weer wil gaan treinry oor 'n naweek - 'n goue kaartjie)

Dis naweek hier, geniet dit!

Tuesday, September 22

Verpligte vakansie

Dis die einde van Ramadan, wat ‘n groot genade, nou kan mens weer water buite jou huis drink en selfs iewers gaan vir ‘n koffietjie. Soos die maand van vas oor “baie eet” gaan, so gaan die vieringe aan die einde van die maand ook oor “baie eet” en “baie kuier”. Aan die einde van Ramadan, hou die wyse manne die maan dop en by die hilal (dis nou wanneer die maan gesien word) breek die groot feesvieringe aan en almal kry 2/3 dae vakansie.


DSC_0057

In die lekker breuk het Leane ook ‘n bietjie vir James kom kuier en het hy ‘n lys van plekke wat weer besoek en sekere meubels wat gekoop moet word. Die vakansie breuk word Eid genoem en almal is opgedress in nuwe klere. Die winkels voor Eid is iets ysliks soos daar oa nuwe wit rokke en ander klere gekoop word. Vir die arabiere is dit ‘n dag wat families saamkuier en saam eet. Vir die kinders word daar geskenkies deur familielede en vriende aangedra.


DSC_0061


In die tradisie en naturlik omdat ons dit nou kan doen, word daar roomys geeet. In ‘n land waar bedel nie toegelaat word nie, is dit baie algemeen vir kindertjies om die oggend van Eid aan jou deur te klop en geld te vra. Die arabiere het natuurlik rolle sulke dhs5 en dhs10 note beskikbaar om vir die kinders uit te deel – selfs by die vulstasie was een ou in sy Merc so vrygewig dat dit later soos ‘n oopgekrapte miernes gelyk het. Weet nie of die kinders die geld geruik het nie.


DSC_0063


Net ingeval julle gedink het Leane eet daai hele roomys alleen, kan julle sien sy het hulp gehad. Terug in die Holloway huishouding was daar nou nie in nuwe klere opgedress nie, alhoewel James hard probeer shop het vir nuwe goed. Oor die geld vra (bedel) deel sal ek liewers stilbly want Nelmari sal beslis nie met ‘n 5 of 10 tevrede wees nie.


DSC_0067


Wat sal ‘n besoek aan Festival City wees sonder ‘n foto op die waterfontein trap?


DSC_0071


Met Ikea as die eintlike doel van die spesifieke winkelsentrum het die twee maar min pakkies. Daar is darem nog ‘n paar dae van shop word daar gereken


.DSC_0073


Ons drafstap deur 3 van die groot Dubai winkelsentrums, waaronder een van die wereld se grootstes en dit in ‘n halwe dag – middagete ingesluit en vir party mense was die dag net te veel. Wel, eintlik vir meer as een ….

Geniet julle week, my dag vat my weer Dubai toe.

Sunday, September 20

‘n Week van gemengde welslae

Twee "ernstige" vriendskaplike wedstryde is die week deur ons Varsity spanne gespeel en aan die einde is beide spanne bietjie aarde toe gebring wat net kan goed wees vir die twee toernooie wat nou voorle. Een van die "groot" spanne teen wie hulle eerste gespeel het was DAA, 'n skool in Dubai en meeste van die tyd 'n groot kopseer vir hulle.

Page1

Vir die arme seuns was dit 'n kopseer en die manne kon net nie kliek nie. Die arme afrigter was moedeloos. Die ouens verloor 1 - 2 stelle. En nee hy eet nie sy fluitjie nie, hy het net later geblaas vir die dogters se wedstryd.

Page2

Ons dogters aan die ander kant was kookwarm en sit DAA behoorlik ore aan. Skoonskip en ver wen hulle 3 - 0 stelle.

Page4

Later die week was dit die aartsvyande in Abu Dhabi ACS wat aangepak word en wanneer hierdie twee skole speel is daar groot belangstelling. Daar is klomp toeskouers om die baan en die Leeu is ook daar vir sy ondersteuning. Plakkate orals teen die muur wat help om die stemming te skep.

Page3

Maar alhoewel ons meisies goed speel, en dit elke keer uitspeel punte is, is dit hulle eerste nederlaag die seisoen. Miskien was dit net die regte voorbereiding vir die toernooi volgende maand - en ons weet die wedstryd kon net so maklik in hulle guns gewees het. Die seuns se afrigter maak 'n eensame prentjie want hulle kom te staan teen 'n span wat op die dag moeilik deur enigeen geklop sal word. Ons staan nog steeds agter julle seun, en ek weet dis net 'n tydjie voor die seuns kliek en saam begin speel om die ander ore aan te sit.

Go Lions.

Wednesday, September 16

Totsiens maatjie

Dis nooit lekker om totsiens te se nie en hier in die UAE is dit half deel van mens se lewe. Mense kom en gaan gereeld want hier bly jy nie permanent nie, jy werk totdat jou kontrak om is of jy ander geleenthede kry. Vandat ons hier gekom het jare terug, was al drie my kinders geseend om altyd 'n spesiale vriend/in as maatjies te he en 99% van die tyd was dit iemand van die huis met wie hulle in Afrikaans kon kuier en gesels. Dit is/was 'n groot spoil.

Nelmari die een wat die langste nog hier is, het in haar kleuterjare 'n maatjie met SA konneksies gehad en op hoerskool was dit Minri. Wat dit nog meer amazing maak, is dat indien ons in Pretoria gebly het, hierdie maatjie ook haar maat daar kon wees, want Minri se ma was onderwyseres aan dieselfde skool waar die seuns was - en ons het hulle nie geken nie. Wie se nog dat Vader nie vir elkeen van ons sorg nie, selfs met die regte maats.

Maar nou met twee jaar van skool oor het Minri na Wallis vertrek en daar moet totsiens gese word. Nie by die lughawe nie mamma is daar gese want dan sal ek net huil. Nie dat daar nie gehuil is by die groet wat nie by die lughawe was nie.

Page1

Die twee is sulke lekker maats en wanneer hulle bymekaar was, kon jy hulle altyd hoor lag - behalwe natuurlik in 'n game waar hulle ernstig met die oponente afgereken het. Altyd gereed vir sports.

Page3

Op die sportveld, maak nie saak watter sport dit was nie, was hulle 'n gedigte kombinasie wat goed saamgewerk het. Menige kere was die SA-tweeling die verdediging waardeur ander moes kom en op die aanval moeilik om te keer.

Page2

Van die baan/veld het hulle ook saamgewerk en saamgelag, selfs as hulle moes telling hou vir die seuns se wedstryde op moeg vir die mamaratzi moes sit vir foto's.

Page4

Die twee wil altwee in dieselfde rigting gaan swot en voor die planne van Wallis, is daar selfs planne gemaak vir dieselfde universiteit. Ek glo dat julle nie net Abu Dhabi maatjies is nie en dat afstand niks gaan doen aan julle vriendskap nie. En wie weet dalkies sal julle na skool nog saam kan swot .... waar ookal :-).

Dankie dat jy so 'n goeie vriendin vir Nelmari was Minri. Ek hoop dat jy die skool en maats in Wallis net so gaan geniet en ons hou met belangstelling jou vordering in die sport daar dop.

Sunday, September 13

Al die 9’s

Altyd reg vir iets nuuts en iets anders hierdie mense in die UAE. En op die 09-09-09 om 9.09 die aand is die eerste trein in die land amptelik geopen.


1

Nie so lank as 4 jaar terug nie, het die sheikh Zayed pad so gelyk. Die een woonstel kompleks bo-op 'n ander woonstel kompleks is gebou en almal het gewonder waar en hoe gaan mens maak met al die motors van die mense wat by die werk moet kom.

Page1

Die bou van die treinstelsel wat klomp geld gekos het, het begin en gou-gou was die besige strate nog meer chaos en ek bedoel chaos. Ek wonder nog oor die "stil paaie" waar almal die land verlaat het foto wat in van ons SA tydskrifte/koerante verskyn het. (AI as ek maar die paaie partykeer stil kon kry) Die bouery aan die groot projek het begin en ons gedink dit sal maar net nooit weer normaal wees nie. As troos moes ons onthou, dit sou die paaie stiller maak eendag in 2009

Page2

Soos die lyne en brue klaargekom het, het mens orals treine gesien wat toetsritte maak. Dit het indrukwekkend gelyk, maar mens kon nie te lank kyk nie, want in die besige "stil" strate moet mens mooi konsentreer. Ek kan net dink hoe treinliefhebbers begin uitsien het na die treine se amptelike opening.

Page3

Die stasies het stadigaan klaargekom alhoewel daar nog klomp is wat werk aan het. Ons het juis die naweek gewonder by van hulle waar mens nou eintlik gaan parkeer in die sandvlaktes. Besighede het groot bedrae geld uitgehaal om te betaal dat 'n stasie na hulle vernoem word. En klaar is daar 'n "Shopping Guide for the new Dubai Metro" beskikbaar. Dit lees oa so:

Stop 1- City Centre Station : Mall Deira City Cenre, Stop 2 - Khalid Bin Waleed Station : BurJuman Mall, Stop 3 - Emirates Towers Boulevard mall, Stop 4 - DIFC mall, Stop 5 - Dubai Mall, Stop 6 - Mall of the Emirates, Stop 7 - Marina Mall en Stop 8 - Ibn Battuta Mall. Dit kan 'n shopping experience word verseker.

Page4

En toe met nog 52 km spoorlyn wat moet klaar kom, is die eerste deel amptelik op 09-09-09 om 9.09 deur die sheikh van Dubai geopen met vuurwerke en alles.Julle kan weer sien dat dit maar lekker warm buite was en die paaie nou nie eintlik stil nie.

16

Die res van die spoorlyn, met nog 'n ekstra een wat later bygekom het sal in 2010 klaarwees en nou lyk sheikh Zayed weg so (die spoorlyn en stasies op die linkerkant) - miskien sal die 200 miljoen wat volgens die slim mense op die trein gaan ry help dat ons makliker in die strate gaan kan bestuur.

En die shoproete sal ons op 'n stadium moet probeer al is dit net om koffieshop hopping te doen sodat ons julle kan wys.

He 'n lekker week!