Besoekie aan die woestyn

Tien jaar terug was die woestyn nog taamlik naby aan die dorp en het mens vinnig kon uitry om daar te gaan braai of rondjaag. Toe is die GPS nog gebruik om jou pad in die woestyn te kry ... nou gebruik mense dit om winkels in die dorp te kry. Ek moet noem dat met duine wat lekker kan rondskuif, was die masjientjie ook nie altyd spot on nie...vandag is dit die paaie wat verander. Behalwe dat die woestyn nou verder weg is en dit ook somer en dan gaan jy nie regtig hitte in die woestyn soek nie. Eddie het egter vir Leane gaan wys en hulle is maar laat hier weg, net so voordat die son sak. Natuurlik was die temperatuur nog in die 30's. Gou-gou is die twee besig om in die sand rond te krap .. ek vermoed vir klippies of iets. Woestyn kunswerke. Nie die gesiggies nie of miskien wel. Kyk hoe is die sand weggewaai om hierdie indukwekkende strukture te los. Die sand maak allerhande patroontjies en Leane stel baie belang daarin. Ek kan ook noem dat die kleur van elke Emiraat se woestynsand anders is. Hier soek die twee alweer. In die agtergrond kan julle die dorp se liggies sien. Dit kom al hoe nader. Mens kan bergklim ook hier in die sand. Wanneer die son heeltemal onder is, is daar min plekke waar mens die maan en sterre so helder kan sien as in die woestyn. Dit lyk partykeer so naby dat mens net jou hand kan uitsteek en daaraan vat.