Ekskulsief .... kom loer bietjie

Met die kinders se kuiertjie het hulle die voorreg gehad om een van die nuutste toeriste attraksies te gaan besoek nog voordat dit vir die publiek oopgemaak word! Daar is so baie wat ek van hierdie indrukwekkende plek wil vertel, oa. die hotel, die kamers en natuurlik die seepark, julle sal maar verlief moet neem met 'n paar inskrywings

Die Atlantis, The Palm is gelee op die Jumeirah Palm eiland en die opening word beplan vir 24 September. Dis ontwikkel deur Kerzner Internasionaal en sal omtrent $1.5 biljoen kos, wat 'n Aqua waterpark en Dolfyne baai insluit. 'n Bietjie nuttelose inligting: Hierdie hotel sal 1539 kamers he met 'n algemene prys van $454 per aand. Die verbindingsbrug tussen die twee vleuels is 'n 924 vk m "Bridge Suite" wat 'n allerminte bedrag van $25 000 per aand sal kos. Besprekings vir hierdie hotel word alreeds vanaf Februarie vanjaar geneem. Vir die ouens wat hou van statistieke, daar is 58,000 km staal pype gebruik in die konstruksie van die hotel wat 9 x die lengte van die Great Wall of China is. Hierdie hotel sal ook 17 restaurante he en 23 boutieks vir inkopies. Dan is daar nog die Ambassador lagoon, een van die grootste tenke ter wereld. Die lagoon sal op die einde 65,000 visse in 11 miljoen liters water he. Hierdie is van die villas wat op die Palm eiland gebou is oppad na die hotel. In 370 vC het Plato van die legendariese storie van Atlantis, die verlore stad geskryf. Hy skryf dat die kontinent meer as 10 000 jaar bestaan het en dat vloede en aardbewings dit vernietig het voordat sy bestaan bevestig kon word. Antieke skrywers beweer dat Atlantis onder die see verdwyn het net om nooit weer gesien te word nie. Hierdie "kontenant" is dat hier op die Palm Eiland "herskep". Om by die hotel te kom ry mens ook in 'n tonnel wat onder die see gebou is. Hier is so 'n paar foto's van die bouery wat nog aan die gang is van oa portale, restaurante, gange en deure. Vir my is die mooiste deel daardie slides in die haaitenke, die dolfyn en ander water attraksies ... kom kyk more daarna.