Gedurende die naweek het ek vir die eerste keer in al my jare hier in Abu Dhabi die doop van 'n kleintjie wat ek ken bygewoon. Jennifer se mamma Sonia en pappa Gareth is lede van die St Andrew's kerk en ons het die "baptism" daar bygewoon.
Klein Jennifer is nie meer 'n babatjie nie en sy het pragtig gelyk vir die geleentheid en self rondgeloop.
Sy het hierdie water goed dopgehou. Dit lyk asof die "predikant"(skuus ek kan nie onthou wat hulle hom noem nie) weet wat volgende gaan gebeur -- ok hy moet weet --- maar ek bedoel Jennifer se verrassing.
Sy is doodstil toe hy sy hand oplig na haar kop toe maar ....
Dan raak die water teveel en sy laat haar misnoee duidelik hoor.
Pappa Gareth lees 'n belofte voor terwyl mamma Sonia haar vashou. Jennifer het net oe vir daardie vlammetjie.
Na die doop het ons tee en koek by my huis. Jenny laat toe dat tannie Charmaine haar vashou.
Gou-gou moet die rok uit in die hitte en sy geniet die koel wees. Dis mos haar dag vandag! 
Saam met Nelmari. Sonia en Gareth baie geluk met die GROOT belofte wat julle voor God en ons afgele het om klein Jennifer vir Sy Koninkryk groot te maak.
1 comment:
Ag dis te cute, sy het so mooi gelyk!!
Post a Comment