Valley of Grace

Valley of Grace of Genadendal was vir my 'n treat. Dis 'n pragtige dorpe met wonderlike geskiedenis ... so julle ouens wat nie van geskiedenis hou nie, moet nou vinnig uitgaan.

Die pad vanaf Greyton en mens kan die dorpie so in die verte onder die berge sien. Die padteken was vir my interessant want ek het nie geweet dat beeste hier teen 80 km/h loop nie.

Die Moravia kerk (gestig in 1457 in Slovakia) het in 1737 ‘n jong sendeling Georg Schmidt na die Kaap gestuur om sendingwerke tussen die Khoi’s te doen en op 23 April 1738 land hy in Baviaanskloof in die RIversonderend valley en begin onder die Khoi mense, wat aan die uitsterf was te werk. Binne ‘n baie kort tydjie vorm hy ‘n Christenkerk en leer hy die Khoi’s om te lees en skryf.

Toe hy mense egter begin doop het die Kaap se Gereformeerde kerk gevra hy moet teruggaan, want volgens hulle was hy nie ‘n regte predikant nie. Hy verlaat sy sendingpos na 11 jaar. Amper 50 jaar later kry die Moravians toestemming om Schmidt se werk daar voor te sit en hulle stuur 3 sendelinge

.

Met hulle aankoms, kry hulle nog ou geboue met die peer boom in die tuin. Ook ‘n ou vra Magdalena (een wat Schmidt gedoop het) en sy kon hulle die bybel wys wat hy vir haar gegee het. Die sendelinge was verstom om te hoor hoe van die gemeenskap en haar dogter vir hulle uit die Bybel kon lees.

Die Kaapse kerke teken weer beswaar aan teen die sendingwerk en die goewerneur bevind die redes ongeldig. Toe kla ds Borcherds dat die kerkklok in Baviaanskloof die mense in Stellenbosch pla. Ouens as julle op ‘n kaart kyk sal julle weet daar is km en berge en dale tussen die twee dorpe … ek wonder wat in sy ore gelui het. Die peerboom is nog van die oorspronklike vertakking van 1838. Die eerste boom was 100 jaar oud toe hy omgewaai het en uit hom het 'n nuwe boom gespruit wat 120 jaar oud geword hier. Hierdie een wat nou daar staan is die derde spruit uit die oorspronklike boom. Magdalena of Lena soos sy bekend gestaan het, het vir die mense onder die boom uit die bybel gelees. Op die foto is tannie Nell.

Baie mense het prober om die onderrig van die Khoi mense gestop te kry. Die aantal inwoners van die dorp het so vermeder dat dit naas die Kolonie die grootste nedersetting in die Kaap was en met Goewerneur Jansen se besoek aan die dorp in 1806 is die naam verander na Genadendal.

Die eerste Onderwysers Opleidingskollege in SA, nou die museum gebou is gedurende 1838 gebou. Weens baie rasse issues is daar wetgewings gemaak wat die inwoners van die dorp verbied het om eiendom te besit en ook die college is toegemaak omdat dit onnodig bevind is. Dit het die “dooploop” van die dorpie tot gevolg gehad. Vandag het die dorpie 3500 inwonders.

Die begrafplaas is ook 'n interessant plek en het bekend gestaan as Gods Akker. Hier is al die vorige sendelinge van baie Europese lande begrawe. Die grafte is almal so in rye en mans en vroue is aparte rye begrawe, so ook seuntjies en dogtertjies. As mens by die begrafplaas ingaan, lees jy hierdie boodskap. En as jy uitstap is dit die een.

Die laerskool het 600 leerlinge en die hoerskool 500. Ek het nou nie ‘n foto van die skool geneem nie, maar dit sit so teenaan ‘n rivier, aan die voet van die berg met perde wat op die groen gras tussen die bome wei. Prentjie mooi skool en so rustig, totdat die skool blaasorkes in die kerksaal gaan oefen het.

Hulle is nou besig om die dorpie te restorer en baie van die geboue is al gereed vir besoekers

.

Die pad terug is pragtig en orals is kransvoels wat op die lande staan. Ons het darem 'n mooi land.