'n Blitsige wynroete

As ek gedink het Ronelle doen 'n woerts-warts deur die Skiereiland was ek net so verras oor haar man Hennik se blitsige wynroete toer. Die hoeveelheid plekke waar ek weer kon gaan inloer het in 'n kort tydjie sonder om gejaag te voel was ook 'n groot bederf. Was so lekker om sommer weer al die mooi plekke hier in die Kaap te kan sien. Vir julle ouens wat hier bly, sorry maar kyk weer en julle Gautengers en ander ... is dit nie 'n mooi plek nie? Lekker ry ons deur Stellenbosch se strate. Die dorpie het darem maar sy eie bekoring wat mens nerens anders kry nie, en ek neem so sommer in die ry af. Al die dorpies met hulle groot mooi wit kerke .... Mens kan sien die Kaap het nog nie heeltemal hulle lentejas aangetrek nie want baie bome is nog kaal. Ons gaan loer by nog 'n niggie in by 'n antieke winkeltjie in Stellenbosch. (Sien hier is sowaar nog 'n foto) Ronelle en Hennik moet natuurlik ook bietjie snuffel en ietsie koop. Dan vat ons die pad Lanzerac toe. Nou daar was ek donkie jare terug en ek dink Simon van der Stel was toe nog goewerneur in die Kaap. Vir julle ouens wat 'n mooi plek soek om te bly vir 'n vakansie, hier is die kamers by die Lanzerac vir toeriste. Daar is ook 'n troue aan die gang buite in die tuin en hierdie koets het die bruid kom aflaai. Maat jy sou dit geniet het. Die bruid het so saam met die viool ingestap. "Maria Antoinette" wys ons haar talente op die klavier ... Ons volgende stop is die Tokara landgoed waar ek nog nooit was nie. Ons "toergids" verduidelik dat die skilderye met verskillende soorte wyn gedoen is. Die uitsig hier is verskriklik mooi. Natuurlik moet daar ook 'n bietjie wyn geproe word deur die professionals. Buite is al die soorte druiwe (wyne) aangeplant en Hennik verduidelik vir ons mooi wat daar aangaan. Oppad na die volgende landgoed en die uitsig is iets uit die boeke. Boschendal is volgende en hierdie ou huise het darem 'n bekoring van hulle eie. (Sien nog 'n foto .... daar in die verte is ek en Ronelle). Oppad na die eetsaal toe want Hennik wil my iets gaan wys. Kyk die "du Toit's" is deel van die geskiedenis wys hy ... sien julle enige Viljoens? Nog is dit die einde van die dag en roete, maar die tyd vir foto's aflaai is minnnnnn.