Monday, September 17

Rakke en swart goedjies

Hier in Abu Dhabi of in die hele UAE koop mens mos meubels in bokse. In die begin het ek nie die rede heeltemal verstaan nie, maar ja met so baie mense wat in woonstelle (of apartments soos dit hier genoem word) woon, kan meubels nie met alle hysbakke ry nie. Ons villa het nou mooi genoeg meubels en goetertjies die afgelope tien jaar opgegaar maar Charmaine is gedurig nog in die mark vir ietsies. Na haar suksesvolle opslaan van haar badkamerkassie (julle moet loer by haar blog) moes die spaarbadkamer ook 'n rakkie kry. Elriza dis nou vir al jou goedjies en almal wat kom kuier natuurlik.
So 'n paar winkels later is sy huistoe met 'n rakkie in 'n boks. Dis ook sleg omdat mens nie altyd die grootte kan sien nie. En in hierdie geval was dit toe so, die rakkie was te groot vir die badkamer. Ek het egter ook kon doen met 'n rak in een van die badkamers, so sy's 'n goeie maatjie en bring die boks, parte en aanwysings om op te slaan.
Dis nie so maklik soos dit lyk nie, maar ten minste staan (of amper staan) die vier pote redelik gou - die probleem later sou daai swart goedjies om die pote wees.
Daar's hy die pote is geanker. Met 'n "julle die swartgoed mag nie uitsteek nie" word die hammer nader gebring.
Met elke hou aan die linkerpoot byvoorbeeld, hop die regterpoot uit en omgekeerd. Die hammer help net mooi niks en daar word besluit om dit later te probeer regmaak.
Met altwee hande wat vashou het Charmaine darem nog 'n neus om vir Nelmari te wys waar die volgende swartgoedjies moet kom. "Net hier waar my neus is"

Nelmari konsentreer hard om die rakkie so in te kap dat die swart goedjies nie wys nie, terwyl Charmaine om lewe en dood aan die agterkant vashou.

Sien sodra Nelmari die voorste swart dingetjie amper weg het, pop hy agter uit. Charmaine hang later bo-oor die rak om meer druk toe te pas.
Amper klaar en nou kan sy niks doen behalwe vashou nie. Nelmari is die een wat bo kan bykom om die rakkie vas te slaan.
Ek gee op oor die swartgoed wat bly uitsteek sĂȘ Charmaine terwyl Nelmari die laaste paar houe inkry. Nou is dit darem ampertjies klaar.
Daar's hy kant en klaar met swartgoedjies wat nog steeds uitsteek. Verlede Saterdag toe ons weer in die winkel loop op soek na ietsie anders wat ons nodig het, sien ons die winkel se swartgoedtjies steek ook maar uit. So Nelmari en Charmaine julle het goed gedoen!


Ok, julle het my nou nie sien help nie, darem het ek die foto's geneem. Die nuwe rakkie het my laat dink en nou moet die gastekamer en studeerkamer omruil wat beteken 2 kamers en 2 badkamers moet skuif sodat ek 'n goeie plekkie het vir hierdie rakkie wat julle twee met soveel moeite en "geduld" opgeslaan het.

2 comments:

Charmaine said...

Ek kan nie besluit wat is erger nie.... hammers of skroewdraaiers? Wens ek het jou gehad om te help met die ander rakkie ook Nelmari.

Anonymous said...

Wat op aarde maak my ma hier tannie? <8-o liefde groete Elriza