Thursday, August 16

Groot opgewondenheid ...

Groot opgewondenheid in die huis van die Holloway's, veral van een spesifieke Holloway ... William. Hy's vandag oppad Suid-Afrika toe en meer spesifiek hy gaan by ouboet James kuier vir 'n paar maande. In die tyd gaan hy sommer sy registrasie by die universiteit, sportklubs en ander plekke doen. Dis 'n groot trek, want dis koud in Bloemfontein en hier dra ons nou nie juis warm klere nie, dus moet ons aanpas om te kyk wat het op die laaste Kanada trip nog gepas en al die warm klere saamneem (gelukkig bly dit dan agter vir volgende jaar). Was dit nie Nelmari s'n nie vra die man?
en saam met al die skoene (elke sportsoort se skoene en natuurlik nog die weird skoene ook) is die 20kg van die lugredery laaaaaankal nie genoeg nie. Gelukkig vlieg Eddie ook saam vir twee weke, en kan pa se tas darem volgelaai word - lekker met die terugkom sal daai plek met "die lysie" gevul word. O ja en dan het James se ook 'n lysie gehad. Een met "wat ek nodig het" en 'n "maybe" lysie. Ons stuur alles saam seun!
Maar William se probleem is nie net klere, geskenke en spasie nie. Ma het 'n lysie gemaak van wat dadelik voor die sport en plesier afgehandel moet word. Stap vir stap. Dis afskrifte van alles wat mens dalk mag en nie mag nodig kry nie. Daardie deel is eintlik 'n storie op sy eie veral die "hulpvaardigheid" van ons ambassade hier. Alles en ek bedoel alles moet gestempel word deur 'n plaaslike owerheid voordat die ambassade daaraan vat. So word mens van bakboort na stuurboord gestuur om dokumente "geldig" te kry. Dis bestuurslisensies, rapporte, sertifikate, id's, paspoort, visa's, ens. ens. Ek's seker julle weet presies waarvan ek praat as ek sê die departmente by die huis praat nie met mekaar nie, en saamwerk bestaan glad nie - hoe moet mens dinge gedoen kry?


In elk geval hierdie storie raak nou lank en ek wou eintlik net vertel het van die twee boeties wat mekaar na 8 maande weer gaan sien en vol planne is vir hulle kuier.


Oor die kuier wil ek die volgende dmv ou foto's vir julle, veral jou James sê (verskoon die kwaliteit maar die scanner het 'n streep weg).

Moenie dat Will op die grond slaap nie, deel mooi die slaapplek!!
Sorg ook dat hy ietsie te eet kry en deel jou kos met hom.
Help hom waar nodig!!

Laat die regte ou die motor bestuur!!
Neem hom saam op uitstappies

Moenie alleen gevaarlike plekke besoek nie


Laat hom ook aan die sport deelneem



En laaste maar nie die minste nie, moenie dat Will op jou kop sit nie!!


Geniet julle kuiertjie seuns en stuur vir ons foto's en stories, dat ons kan sien wat julle doen. Lief vir julle!!

4 comments:

Nelmari said...

Ag tog! Ek het gedink julle sal nooite weg gaan en my alleen in die huis los nie! Uitendelik!!!
JK
Ek sal kyk hoe ek voel in n paar weke.

Anonymous said...

Ai William, met so ouboet kan dit net goed gaan met jou. James, geniet jou broer. Ek sien uit om al die stories en updates van my dorp te hoor. Geniet mekaar.

Maat dis dierbaar!!!! Jy is 'n uitstekende "blogger" Charmaine

sandmense said...

Dis genoeg om 'n traan weg te pik hoor!Die kinders word groot ne! Hulle het te cute gelyk, ek is seker jy raak heel nostalgies as jy in die kleuterfotos begin indelf!jy kon hulle amper saam in William se (GROOT)skoene inpas. en elke foto het 'n storie aan verbonde! William gaan maak jou ouers trots hoor!maar moenie vergeet om te enjoy ook nie...Nelmarie...SHAME...jy gaan hom mis!

Anonymous said...

Sus, ek voel skoon hartseer. So kom die dae vinnig nader waar jy vir jou kinders moet groet om die wereld in te gaan. Gelukkig het jy vir hulle'n goeie opvoeding gegee. Hier is 'n lekker drukkie vir jou van my MWHA!!!
Lief julle!!
Lalie