Monday, March 5

Goeie sport wegspring vir die week

Die SA Super 14 rugbyspanne wen uiteindelik al hulle wedstryde (met een gelykop) en dis 'n goeie sportnaweek vir SA. Hier in Abu Dhabi is dit nie rugby nie, maar basketbal wat ons week afskop. As julle moeg gelees is oor die wedstryde, dink net hoe moeg ons toeskouers wedstryde gekyk is. Maar dis 'n seen om in twee van die spanne kinders te hĂȘ en moet ons nie kla oor die dubbel kykskofte nie.

Waar Nelmari se basketseisoen hierdie week klaarmaak (dankie vir klein genades), het William hulle nog so twee weke en die ISAC toernooi voordat hulle klaar maak. Hopelik sal die track & field en pluimbal seisoen rustiger vir ons kykers wees.

Gister het William hulle se Varsity span teen UAS Dubai (Universal American School) gespeel as deel van hulle voorbereiding vir ISAC. Hier is 'n paar foto's van die wedstryd.

Nr. 22 sonder sy nommer besig om op te warm.
Hier verduidelik hy ietsie aan van die spanlede.
Die span het 'n strafgooi en Baltaji gaan skiet.
AISA op die aanval en William trek met so 'n vaart weg dat ek skaars die foto kan eem.

Ingooi vir AISA by die "Lion". As ek reg onthou James, het julle spanne destyds die leeus geverf?
Ons wen 52 - 28!!! Mooi seuns!! Go Lions!!


No comments: