Lus vir vis ? ...... Eet 'n Steak

Oorspronklik was die ma van die huis lus vir vis. Nie sommer enige vis nie, maar regte Ocean Basket Kingklip ....wat jy nou waar in Abu Dhabi kry. Hier kry mens net nie sommer regte vis & chips nie. Dan as mens moet kies vir 'n eetplek, kies mens jou gunsteling en wat my betref het Rodeo Grill die lekkerste vleis wat ek al geeet het, SA ingesluit. Nelmari eet een van hulle lekker rolletjies.

"If looks could kill" is die gesegte, maar William nie mal oor die kamera orals nie. Ek kry 'n kyk met die broodmes in die hand.

Die oplossing vir daai kyk is om die kamera in sy hande te sit en dan word niks en niemand ontgeld nie. Hier is William se Sampioen voorgereg.Die wat William ken sal weet hy dood oor "before" and "after" pictures en hierdie keer is dit Eddie wat dit moet ontgeld. Sy T-been het gekom.

Die T-been na die tyd. Luie (dis ons Arabiese hond) sal nie eers hierdie been wil hê nie. Ons ander se borde het maar net so gelyk, alhoewel ons nie bene gehad het nie.
Alhoewel dit soos gewoonlik 'n lekker ete was, mis ek nog steeds Oceanbasket se vis en selfs partykeer die "fast food" smaak van 'n Spur steak. Miskien is dit nie goed om so vroeg in die oggend van kos te praat nie .... nog 'n lang dag wat voorlê.

ns Ons het opgemaak vir die "vislus" met 'n visbraai die volgende dag ... maar dis nog steeds nie Ocean Basket en Kingklip nie.