Glaudine se kombuistee was heeltemal 'n verrassing en het plaasgevind by 'n "restaurant" waar mens lekker kan eet en onder andere ook pottery goed kan verf. Hier wag Olivereen en Al-marie met die kamera om haar af te neem as sy in kom.
Elke dame het vir haar 'n servetring geverf sodat sy ietsie van elkeen kan saamneem wanneer sy na haar troue Australia toe verhuis. Hier is Vicky besig met haar servetring. Die beweging op die foto is haar waaier waarmee sy die verf vinniger wou droogmaak.
Winnie maak 'n video nadat sy uiteindelik gesien het die kamera werk as mens sy kappie van die lens af haal. Hannelie wat een van die dames was wat gereel het, hou toesig of probeer uit die kamera se pad bly.
Klein Leana verf ook ietsie, 'n pers katjie. Haar ma Ansie langs haar het Glaudine se voorskoot uitrusting gemaak.
Twee van die ander dames wat gereel het, Annemi en Winnie vat 'n ruskansie om vir die foto te "pose". Sien Winnie ek neem ook foto's waar mens nie eet nie.
Allerhande wyse raad is vir die voornemende bruid gegee met die laaste item van die aand. Elkeen se kers is deur die voornemende bruid aangesteek. Die kers met 'n gebed daaraan is huistoe geneem sodat elkeen gereeld vir Glaudine en Andy en hul huwelik kan bid wanneer ons dit aansteek. Hier steek Glaudine die laaste kers, die van Winnie s'n aan.
Dames, dit was puik reelings!
No comments:
Post a Comment