'n Groot verrassing

Ek het nooit geweet dit vat soveel beplanning aan 'n uiteet nie. Ek gaan nie eers vertel van al die leuens deur die dag nie, maar die aand by BarnYard saam met 'n klomp niggies, klein niggies en tannies was voorwaar 'n groot verrassing.'n Klomp bekende en minder bekende kunstenaars met Juanita du Plessis as die gasvrou tree op vir 'n vertoning later vanjaar op Kyknet.Hier is die organiseerde ernstig aan die reel vir die kosbestelling en drinkgoed. Julle moet weet dat ek baie van die familie na 20 jaar op die reunie Januarie gesien het, en het ek nie geweet waarvoor ek my inlaat die aand nie.Dan kom my eerste "skok" ... hierdie niggie van my kry sommer 'n emmer drank by die kroeg. Sy het nie verwag om op kamera te verskyn nie. Maar meer oor haar "drinkery" op 'n ander blog later. Die klomp kuier lekker en die tafel is loshande die tafel waar daar die meeste gelag en geraas word. Mense het ons half snaaks aangekyk .... en ek is so gewoond om myself te gedra .... Partymense dans op die tafels maar omdat dit 'n tv opname is, is mense gevra om dit nie te doen nie, maar borde op hul kop .... ek weet nie.Daar is gelag dat die trane loop terwyl oor ou klasmaats gepraat is. Ander het weer agter Christa se rug gepraat oor die aand ...Dan was daar die wat met skok gereageer oor die tafel se uitbundigheid... of is dit oor die kamera wat haar uitgevang het? Natuurlik was daar ook stoutigheid aan die gang deur "ek-sal-nie-name-noem-nie". Die video's wat geneem is, sal ek maar om veiligheid slegs op die familie blog laai. Dankie vir al die jok en reelings Ronelle en julle ander, dankie vir 'n lekker kuier saam met Tommie :-)