So gou-gou word die perdeboekie beloer en perde gekies. Ek kan net noem dat dobbel in die land verbode is. Ons sou ook maar sleg gevaar het want mens kies g'n 'n perd volgens sy naam of die jokkie se hempkleure nie. Annie en Corli bespreek dit baie ernstig.
Amelia en Charmaine wil egter ook 'n perd kies wat moontlik kan wen.
Die seuns verkies om die kosse uit te probeer.
So tussen-in die etery kan ons afstap na die baan toe en die perde dophou en foto's neem. Dis 'n bietjie winderig vanaand.
En dan wag ons vir die perde .....party se pink of pershemp jokkie se perd kom net nooit verby nie. Dis altyd 'n lekker aand ....buite, kuier en eet met mooi perde as bonus.
Die hoofingang bly nog altyd vir my iets ysliks. Dit word natuurlik net oopgemaak vir baie belangrike mense wat na die deel toe gaan waar die royals uithang. Ons ander moet maar by die syhek in.
Vanjaar se kersboom is baie groot en Nelmari wat nie te kort is nie, lyk sommer verdwerg langs die boom.
Koek en 'koffie (tee vir sommiges) is 'n ernstige storie en mens moet diep daaroor dink lyk dit vir my as ek so na Corli en Charmaine kyk.
Die geweefde mat wat die hotel in die aand uitbeeld is baie groot
Aan die anderkant is die hotel ind ie dag. Ek wonder hoe lank het dit hulle geneem om die mat te weef.
Een van die "klein" hotelvensters waar Annie en Corli staan. Buitekant die hotel se strand.
Die hotelontvangs en die twee kuier saam met die oorlede Sheikh Zayed en huidige een Sheikh Khalifa.
Doer in die verte kan julle vir Annie, Corli en Nelmari sien afgestap kom van die hotel af. Hier reg voor op die foto is 'n waterfontein.
Annie trek haar skoene uit en vat die kortpad motor toe....deur die fontein.
Weet nie of sy die reendans doen of vir die water koes nie.
Corli was tydens haar vorige besoek by die dhowyard so sy kan toergids speel en vir haar ma van die bote verduidelik.
Die Diwan paleis op die agtergrond. Hulle bou aan noudat daar 'n nuwe sheikh in bly en dit lyk soos twee woonstelblokke wat aangebou word so groot is dit.
19de Straat se strand en die twee kan nie glo die see kan so rustig wees nie.
Ek dink dis skulpies wat hule hier afneem ....
Die aand was ons internasionale Kers sangaand. Corli en Annie het die geleentheid gehad om hier in die Midde Ooste saam met ons in Afrikaans te sing. Hier is ons SA "band" besig om my af te neem maar ek kon ook 'n skoot inkry. Meer oor hierdie aand vertel ek vir julle later.
Hier is sy en Corli oppad na van die materiaal winkels.
Die winkeltjies is almal redelik beknop en toegepak onder die materiaal aan die onderkant, dan moet jy nog trappies op tussen die rolle om te gaan kyk wat is bo.
Daarna besoek ons die wit paleis waar vroeer jare die heerser van die land ingebly het. Hulle is op die oomblik besig met restourasiewerk daar.
Aan die binnekant in een van die binnehowe van die paleis.
Die twee van hulle op die dak. Na die anderkant toe kyk mens mooi uit oor die dorp.
Corli loer uit deur die klein deurtjie. Waarvoor sou hulle dit gebruik het. Dis te klein vir 'n mens en hulle is nou nie juis troeteldiere nie :-). Miskien vir die baba kameel???
Net agter die wit paleis is die cultural foundation waar ons vinnig 'n koeldrank gaan drink het. Hier rus Annie en Corli by een van die tradisionele "sitkamers".
Waar die geverfde kamele vroeer gestaan het, is daar nou 'n klomp snaakse manne. Ons kan nie agter kom wat hulle verteenwoordig nie. Hou hulle hul maag en oor vas oor hulle lag of is dit oor- en maagpyn wat hulle het. Die twee vroue het by hulle aangeluit.
Die oggend/middag toer is afgesluit by die goud souk. Hier loer die twee in al die winkels. (moenie worry nie Gerhard, dit winkels was besig om toe te maak, so geen aankope is gemaak nie).
Maandagoggend was ons vroeg in die pad want hulle wou laat hande henna. Ongelukkig was die plek tjok en blok van swartrokke omdat almal tydens Eid (nog 'n vakansiedag van hulle) hulle hande gehenna wou hê. Ons is toe af Womans Foundation toe om daar te gaan kyk hoe die vroue tradisionele goed maak. Hier staan die twee by van die weefgoed.
In die museum en die twee staan by 'n tipiese Arabiese gesin
Annie beloer en beruik die speserye wat hulle gebruik.
Ons pas weer klere aan. Hier staan Corli met 'n tradisioinele uitrusting.
Annie pas die pienkrok aan
DIe drie van hulle opgetof. Terwyl Annie en Corli se rokke op die grond sleep, is Nelmari s'n te kort vir haar.
Gelukkig vir hulle is daar iemand wat henna op die womans foundation en nadat ons langer as 'n uur en half vir haar gewag het, word die twee se hande gehenna. Drie uur later en hier staan hulle met die "vuil" hande.
Nog is dit nie die einde nie. Annie loer in by 'n tradisionele materiaal winkel.
Die aand het ons 'n "sleep-over" by Charmaine waar ons flieks gekyk het en sommer net lekker gekuier het. 
"The first thing the visitor can see, of this great Edifice, is the heightened Wall sharpened from top, with Castles from front, defensive Spindles, and Doors made of wood showing marvelous rarity of Art in its make expressing the skill of the UAE citizen. 
When the visitors arrives Al Ain, he will be received, very well, by the director and the staff who are responsible for guiding the Visitors of both sexes, dressing the Arab National Uniform an presenting the Arabian Coffee while touring the palace" Natuurlik is dit in hulle Engels en het ons ook glad nie die koffie gekry nie. Maar hier is Annie by die wagte. Let op dat hulle baard dieselfde geskeer is as die vorige Sheikh s'n.
Die eerste prentjie wat ek van die paleis af sien. Onder die boom staan 'n ou landrover bakkie wat sy eerste motor was.
Die gebou waar hulle in geskool en van die Quran geleer het.
Orals is sulke lang stoepe (is dit 'n woord?) waar kamers van uitloop.
Vandag het hulle kunswerke en foto's van die sheikh in van die gange gehang (ok dis nie stoepe nie, dis gange).
Die materiaal wat hulle gebruik het om die geboue te bou vroeer was modder, melk, klippe, bakstene, palmbasse, strooi en hout vir die balke en deure soos die een op die foto.
In die "sitkamers" is daar sitplekke soos hierdie. Annie vat 'n ruskansie.
Hier staan Annie en Charmaine in van die tradisionale klere wat hulle onder die swart abajas dra. Elkeen het ook 'n burka (bulbar soos ek dit noem) op.
Annie dressed up in a traditional abaya (Lyk sy soos 'n Arabiese vrou?)
Die tuine met die waterhouers wat in die boom hang
Charmaine loer in die groot potte in die kombuis. Groot genoeg om 'n paleis te voer.
Die hoof sitkamer vir die mans is baie mooi kleurvol.....
Met baie van die sheikh se persoonlike foto's, wapens en goed in.
