Op 'n vorige keer het ek vertel van ons besoek aan Ski Dubai hier Toe het ons egter net in die sneeupark rondgehang. Die park van 3000 vkm is die grootste binnehuise sneeupark ter wereld en ek het self 'n stukkie grond daar gekoop. Met die laaste daggie of twee wat oorgebly het van ons besoekertjies, moes die klein Switzers natuurlik gaan ski. 
Ski Dubai is deel van die Mall of the Emirates in Dubai. Vir julle ouens wat van statistieke hou .... 22,500 vkm (gelykstaande aan 3 voetbalvelde) is reg deur die jaar toe onder die sneeu. Die lelike grys deel is die ski gedeelte. Hier kan mens in die sneeupark of die ski heuwels (slopes) baljaar. 
Elkeen word toegerus met die regte klere, skoene en toerusting. Hier trek Stella en Leo hulle skoene aan - dis nie maklike skoene nie. Die plek kan 1500 besoekers op een slag akkommodeer en dis nogal baie dink ek. 
Nadat jy aangetrek is, word die regte ski's of snowboard, afhangende wat jy doen aan jou uitgereik nadat hulle eers seker gemaak het van die grootte. Leo is baie trots op sy ski's wat hy ontvang het. 
Die drie van hulle gereed om in te gaan en baie opgewonde. Vir mense wat nie kan ski of snowboard nie is daar "afrigters" beskikbaar vir lesse. 
Daar is 5 ski hellings/roetes wat gedoen kan word met verskillende moeilikheidsgrade. Die twee is baie lus om te begin en die temperatuur 'n "gemaklike" -1 tot -2 grade (Lekker in die woestyn!). 
En dan is hulle oppad boontoe met die ski-hysbak. Die hoogte van die helling is 85 meter hoog (25 verdiepings) met die langste helling 400 m met 'n val van 60 m. 
Vir twee uur het die drie op die sneeu rondgeski en blykbaar nie so baie geval nie. Hulle was lekker moeg aan die einde van die dag. 
Die laaste van die reeks golflesse het ook ten einde geloop en die hoogtepunt was 'n geleentheid op die groot golfbaan van die Abu Dhabi Golf en Equestion klub. Die tweetjies gereed vir die rit in die golfkarretjie. Lateraan het Leo ook die geleentheid gehad om die karretjie te ry en hy het dit omtrent geniet. 
Dis 'n verskriklike mooi golfbaan in die middel van 'n perderesies baan. Hier wys die pro Craig vir hulle hoe die baan werk. 
Stella oefen haar hou voordat sy slaan. 
Leo na een van sy dryfhoue. 
En dan is die Afrikaanse-vakansie op 'n einde ... met 'n roomys! Ons het julle kuiertjie geniet Stella en Leo en hoop julle het ook lekker saam met ons gekuier. Moenie ophou om julle Afrikaans te oefen nie!!
Ski Dubai is deel van die Mall of the Emirates in Dubai. Vir julle ouens wat van statistieke hou .... 22,500 vkm (gelykstaande aan 3 voetbalvelde) is reg deur die jaar toe onder die sneeu. Die lelike grys deel is die ski gedeelte. Hier kan mens in die sneeupark of die ski heuwels (slopes) baljaar. Elkeen word toegerus met die regte klere, skoene en toerusting. Hier trek Stella en Leo hulle skoene aan - dis nie maklike skoene nie. Die plek kan 1500 besoekers op een slag akkommodeer en dis nogal baie dink ek. Nadat jy aangetrek is, word die regte ski's of snowboard, afhangende wat jy doen aan jou uitgereik nadat hulle eers seker gemaak het van die grootte. Leo is baie trots op sy ski's wat hy ontvang het. Die drie van hulle gereed om in te gaan en baie opgewonde. Vir mense wat nie kan ski of snowboard nie is daar "afrigters" beskikbaar vir lesse. Daar is 5 ski hellings/roetes wat gedoen kan word met verskillende moeilikheidsgrade. Die twee is baie lus om te begin en die temperatuur 'n "gemaklike" -1 tot -2 grade (Lekker in die woestyn!). En dan is hulle oppad boontoe met die ski-hysbak. Die hoogte van die helling is 85 meter hoog (25 verdiepings) met die langste helling 400 m met 'n val van 60 m. Vir twee uur het die drie op die sneeu rondgeski en blykbaar nie so baie geval nie. Hulle was lekker moeg aan die einde van die dag. Die laaste van die reeks golflesse het ook ten einde geloop en die hoogtepunt was 'n geleentheid op die groot golfbaan van die Abu Dhabi Golf en Equestion klub. Die tweetjies gereed vir die rit in die golfkarretjie. Lateraan het Leo ook die geleentheid gehad om die karretjie te ry en hy het dit omtrent geniet. Dis 'n verskriklike mooi golfbaan in die middel van 'n perderesies baan. Hier wys die pro Craig vir hulle hoe die baan werk. Stella oefen haar hou voordat sy slaan. Leo na een van sy dryfhoue. En dan is die Afrikaanse-vakansie op 'n einde ... met 'n roomys! Ons het julle kuiertjie geniet Stella en Leo en hoop julle het ook lekker saam met ons gekuier. Moenie ophou om julle Afrikaans te oefen nie!!Christine in die foto-album (regs) is van die kinders se foto's vir jou om af te laai.
Maar met die inkomslag voel die man aan sy lyf, dis nogal koud! 
Vir die wat nie weet nie, hierdie waterpark is net langs die baie bekende Dubai baken, die Burj Al Arab.
Hier maak hulle reg om die kanaal na al die ritte te vat en dis maar ysig. William moedig aan. 
William en Leo saam op die "tube". Mens ry nou so al in die rondte en van die kanaal word jy "opgeskiet" na die ritte. Dis nou wat die kinders se want hierdie ma is te bang dat sy te swaar gaan wees om opgeskiet te word. 
Tussen ritte, hier kom Nelmari en Stella ook. 
En dan word hulle opgeskiet en weer afgeskiet by een van die ritte. Dit lyk asof hulle vreeslik skree ... 
Op die groot tube waarin hulle al vier sit ... kyk net daai mond. Ek het elke keer as hulle so in die rondte ry (vaar) Leo se laggie en gille gehoor. 
Weer rustig langs die kanaal af tussen die ritte en hierdie keer stoot Nelmari vir Leo. 
Die man vat 'n ruskansie ... ek hoop dis wat hy doen?! 
Nat na die emmer water en die tweetjies staan en bibber voor een van die watervalle. 
William kuier in die tidepool tussen die branders. 
Ek moes julle net wys hoe 'n abaja-swembroek lyk - toe van kop tot tone. Dit is 'n langbroek en lang rok wat van swembroekmateriaal gemaak is en dan nog met goud ook versier. Die kamera word ook onderwater "getoets".
Dan 'n paar ure later is dit verby en ons vat moeg die 24 keer "hoe ver nog" pad terug.
Stella op die driving range waar sy haar swaai oefen. 
Leo doen dieselfde. 
Hulle gaan ook vir 'n sessie om deur 'n video geanaliseer te word en hulle swaai met oa Tiger Woods s'n te vergelyk en dit geniet hulle baie. Met die terugkom is hulle sommer vuur en vlam om die bal verder te slaan. 
Die "pro" wat hulle lesse gee Craig help Stella bietjie met die setwerk. 
Leo oefen sy setwerk met 'n spelletjie. 
Op 'n ander geleentheid oefen hulle om uit die sandbank te kom en doen dit dat die sand so staan. Gister het hulle op die baan by die water gaan oefen en daarvan het ek nog ongelukkig nie foto's geneem nie. 
Die nuwe rollemskaatse :-) word ook uitprobeer langs die nuwe Cornish wat ook 'n blok of so van ons huis is. 
Toe hulle eers spoed optel kan mens hulle nie keer nie - maar dis ook so veilig en stil dat dit nie 'n probleem is nie. 
En indien julle gewonder het ... ja daardie spieelgladde stil water aan hulle regterkant is die see! Die mangrove is in die middel. Maar alle pret kom ook op 'n einde. 
Hier wag die tweetjies vir William by die dolfyne waterval om hulle te kom oplaai. Dit gaan goed met die Afrikaans en die tweetjies is baie oulik en kom mooi reg. (Oor die Frans se ons maar niks nie)
Rollerblades ....ai tog ek ek ken nie die Afrikaanse woord nie. Leo weer presies wat hy wil he en dit moet rooi wees. Hier help William en Nelmari die twee hulle skoene in die winkel aanpas. 
Hierdie man is so vinnig op die wiele om die skoene te toets dat hy amper binne die kamera is toe ek wil afneem. 
Stella is rustiger op haar nuwe pienk rollerblades. Baie gelukkig het elkeen hulle eie swaar sak gedra terwyl my kop al klaar somme maak met die swaar bagasie vir die terug vlieg. 
Die dag sal nie voltooi wees sonder 'n roomys by Marble slab nie, dis mos vakansie. 
Die twee manne gaan sit vir 'n rugmassering terwyl die roomys geeet word en gesels kopstukke. 
Die dag daarna is die weer beter en besluit ons om te gaan swem. Natuurlik is die water nie die gewone 30+ grade waaraan ons gewoond is nie en mens moet mooi dink voordat jy binne die water klim. 
Gou-gou is die vier besig om hulle lekker warmer te speel. 
Mens moet natuurlik elke nou en dan uitklim om bietjie in die son te ontdooi. 
Leo probeer om met sy flippers geloop te kry. 
Daar word ook ernstig skulpies opgetel by die see. Elke skulpie word mooi afgespoel en nou is dit skoene en skulpe ekstra in die tas. 
'n Groot treffer is die speelpark in die water en eers is die twee bietjie skrikkerig vir die hoogte (hulle het hoogtevrees) maar toe die selfvertroue kom, word daar lank op die glybane ge- op en af. Vir julle wat wil weet my Franse woorde kom so stadigaan by alhoewel ek besig is om die woordeboek te herskryf.