Saam met die “predikante” in Dubai – deel 1

Met Willem se besoek hier was Dubai ook op die "wys" lysie en wat ek gedink het 'n maklike uitstappie gaan wees - om twee "predikante" te neem was nie so maklik nie. Ek het al my grysstof nodig gehad om hulle te beheer en uit die moeilikheid te hou ;-). Dit was behoorlik 'n mall-hopping dag.

Eerste aan die beurt was die Ibn Battuta mall waar daar alles weer beloer en bekyk is. As julle meer oor die mall wil sien kyk op die label-skakels onder.

.

Daar is ernstig vir die vrou en dogters by die huis geshop ... ek sal nie se wie wat kry nie ... die verrassing is Woensdag. Gekskeer was ook hoog op die lys. Elriza weer het 'n rokbelegging gemaak wat nog lank in die nageslag gebruik sal word.

Toe met die metro-trein na die volgende winkelsentrum, mall of the Emirates (kyk labels vir meer foto's daarvan).

Ons derde winkelsentrum van die dag was die Dubai mall waar ons die akwarium besoek het. Weer kon ek die versoeking om die visse af te neem nie weerstaan nie. En natuurlik moes ek nog beheer ook uitoefen

.

Mens kry net nie genoeg van die visse nie.

Verskillende soorte visse en ook 'n "Willem-vis"

'

Die dag het te lank begin word en ek het al my dae gehad om die twee op die tou brug en spinnekopweb in toom te hou.

Die pikkewyne was 'n hoogtepunt want hulle het behoorlik vir ons 'n vertoning gegee. Lyk asof die ou vir Elriza vra vir 'n koppie-krap.

Hierdie twee lyk asof hulle vassit in die vaas. Enige iemand wat wil raai wat die diere op die ander twee prentjies is?

Dubai was nog nie klaar vir die twee nie, maar ek vertel later weer.

Liefde

So vir oulaas

Vir die wat gereeld hier lees weet my blog is hoofsaaklik 'n "foto-dagboek" van wat ons hier in die vreemde doen. Julle sou ook gelees het van die plekkies wat ek en die kinders die laaste paar dae besoek het. Charmaine se Elriza is alreeds terug huis toe en William vlieg vanaand, dus moet ek so bietjie die laaste paar goed begin vasvat in die inskrywing. Ook sommer vir my rekord vir wanneer ek nie meer in hierdie hittige plek is nie en tans voel dit vir my sommer om die draai.

Na die heerlike besoek aan die akwarium en waterorrel was dit tyd vir koffie drink want almal was lekker warm en moeg. Kyk net daai oulike teepot waarin die tee bedien word.

Ons mag dalk moeg by die mall gewees het maar terug by die blyplek het hulle tweede asem gevang. Die "kinders" speel met hulle speelgoed wat hulle by die akwarium gekry het en later gee Elriza en Charmaine 'n diere-vertoning.

Die volgende dag is my gunsteling mall in Dubai, Ibn Battuta, aan die beurt. Ek het al honderd keer oor dit geblog so net 'n paar klein foto'tjies van ons ontbyt restaurant. Dink julle nie dis 'n mooi plek om ontbyt te geniet nie?

Die winkel is nog stil en die kinders maak seker dat daar by elke winkel met 'n rooi "sale" bordjie ingeloop word. Die slegte ding van hierdie mall is dat mens nooit voel jy shop nie, mens voel dit net aan jou voete en die sakke in jou hande.

Nie lank nie of die kinders loop in een van die gangetjies af agter die speelgoedwinkel aan. Hulle het van daai spieels waar mens anders lyk en hulle spandeer bietjie tyd daar. Elriza vryf die koei en Nelmari soek onmiddelik die Leeu vir die skool-Lions op.

William stel nie baie belang in die speelgoed nie en praat liewers met Tessa in SA. Die meisies kuier by die kameel en kameelperde.

Net om bietjie gewoond te raak aan die koue met die teruggaan het William ook gaan snowboard. Jy moet die koue geniet seun en ek weet jy gaan gou-gou wens vir 'n bietjie van hierdie hitte.

Wat kry mens in die woestyn?

Onthou julle daai advertensie van die man op die melkplaaas wat elke keer as sy vrou melk vra met die bakkie dorp te ry om melk te gaan koop ... net omdat hy 'n nuwe bakkie het? Ek dink dit was toyota of iets. Ons het nou so 'n situasie by die huis en die rede??!??! Danksy die feit dat ek sy vorige 4x4 afgeskryf het, kon hy vir hom 'n heeltemal nuwe speelding gaan koop. En nou hoef ek net te se ek het foto's van iets nodig en hulle spring in die motor om 'n mall te besoek. En dit van 'n man wat 'n mall in 5 min flat kan loop en altyd dink die res van die wereld is daar so hy wil liewers nie ook daar wees nie. En as mens nog oor die duine soontoe kan ry is dit nog te beter. Die misie hierdie week was die Outlet mall in Dubai. Oppad en dit lyk regtig nog soos die ou UAE wat ons leer ken het 11 jaar terug. Weg van die glans van al die malls waarvan ek al vertel het en die blink is hierdie een in die woestyn. Kyk net daar sit hy. Die mall van nader. Nog iemand wat die nuwe wiele geniet ... die foto is spesiaal vir jou William. Kom ons kyk bietjie wat is binne 'n woestyn-mall. Dit is uit en uit 'n "brand" winkelsentrum, amper soos die fabriekswinkels by die huis, net baie meer fancy. Hier word perels verkoop en die ou is besig om 'n string-te-string (is dit hoe mens dit se) op 'n klient se versoek. James aan die besluit watter winkel en hy het klaar 'n pakkie in die hand. En dan ontdek hy goud ....... 'n sportwinkel wat klomp nr 13's het!! Dis iets wat die seuns nog altyd mee gesukkel het hier - om hulle nr skoen te kry. En nou die keuses, wat moet ek vat?! William ek weet jy sou graag hier wou wees - sal jou maar Junie/Julie moet neem. Dan loop James 'n bekende raak en kyk net in watter wiele stel sy belang. Hierdie volgende foto's is spesiaal vir jou Leane. 'n Harley-fiets?! Wat volgende ... Sue die ding het nie a/c nie, jy sal warmmmmm kry!

Charmaine ons sal hier moet uitkom, daar is skoene en goed wat gekoop moet word vir daai Engeland trippie!!!

Loer na 'n nuwe mall

Soos soveel kere van tevore wil ek vir julle van nog 'n nuwe mall in Dubai vertel - ja kan julle dit glo! Dis nie 'n dag of week nuut nie want Mariette en Beatrix het ook al daarvan vertel, maar dis nuut vir my en so sal die foto's ook wees vir julle. Die Dubai Mall se vloeroppervlakte is iets ysliks. Dis gelykstaande aan 50 sokkervelde met 'n totaal van 1200 winkels as almal nou eendag oopgemaak is. Dis eintlik 'n mall in 'n mall omdat daar verskeie "fokus-punte" is. Daar is oa die goud souk vir die dames wat graag daar sal wil uithang en by van die 220 goudwinkeltjies wil draai. Ek vermoed dit sal ook net hier duskant 'n plaas se prys kos. Wonder waarvoor is James in die mark as hy so op sy eie hier deurdrentel. Die dekor is iets wat mens net na kan kyk en kyk en kyk. Die ysskaatsbaan is op Olimpiese standaard en daar kan 2000 mense met gemak terselfdertyd op hom skaats. Dan is daar die aqarium wat almal wil sien. Hier word omtrent 33000 seediere gehuisves en dis amper in die middel van die mall sodat dit nie misgekyk kan word nie. Francois en James kan ook net kyk na hierdie tenk waar 10 miljoen liter water en seelewe in is. Nog 'n bietjie van die visse en seelewe .... Tussen al die winkels, 22 fliekteaters, 120 restaurante, goudwinkels, speelparke, hotel en goed moet mens mooi kophou waar jy jouself bevind. Hier is drie koppe, Francois, James en Sue nodig om te kyk waar presies hulle in die mall is. Een van die waterfokuspunte is "The Waterfall" wat die hoogte van die mall (4 verdiepings) hoog is. Vir die wat wil weet dit is 30 m breed en 24 m hoog. James en Francois lyk heeltemal verdwerg. Dit is "versier" met kunswerke van duikers wat uit veselglad gemaak is om die vloei van die water te komplimenteer. En dan kom mens nog natuurlik by die winkels ook uit en hier is bekende name vir internasionale shoppers soos Hamleys en Bloomingdales. Francois het so bietjie rondgekyk en moontlikhede ondersoek vir geskenkies. Die wat die blog volg sal hom onthou waar hy laas op sy kniee rondgekruip het vir 'n mat. Hoeveel besoeke nog voordat Marlize haar mat kry? En vir julle wat wonder wat die man se van is .... So word die dag afgesluit met James alleen by 'n dooie brons boom ;-).

Tyd staan 'n bietjie stil

Daar is so 'n algehele "stilte" in die blogwereld, of altans die deel waar ek beweeg en ek weet dis nie omdat daar niks gebeur nie. Die jaar het net met 'n spoed begin soos nog nooit tevore nie en ons het al die wysheid en krag nodig om dinge in die regte verhouding te doen want ons kan baie maklik weghardloop saam met die jaar. Ons moet ook stilraak en rustig wees te midde van die gejaag rondom ons ... maar die tyd ....! Ek dink aan 'n voorbeeld wat Tania genoem het tydens die werkswinkel dat daar a168 ure in 'n week is waarvan kinders 70 uur slaap, 67 werk, speel en eet, 30 uur skoolgaan en dan 1 uur Sondae by die kerk is. Hoe lyk ons ure nadat dit ingedeel word en hoeveel tyd, ure, minute spandeer ons by die een wat vir ons rustigheid en vrede gee? Vertel bietjie?

Ek het die afgelope dag eers kans gekry om die kinderblog op datum te bring met Tania en Werner se besoek en as julle wil gaan loer na die pret tydens die werkswinkel gaan kyk gerus hier. Vandag dan die laaste foto's vir hulle van die besoek. Die laaste dag is dan ook in Dubai deurgebring omdat dit naby die lughawe is en omdat ek nie weer 4 uur in die mis die pad wou aandurf nie. Dubai is bekend vir al sy indrukwekkende malls, maar ek het my gunstelinge en ons kyk of drie daarvan in 'n oggend ingewerk kan word. Tania pas 'n kameelhoed in IBN Battuta mall aan. 'n Laaste bietjie inkopies moet nog gedoen word vir die kinders en hier kyk pa en ma na juweliersware .... Werner was deurentyd 'n goeie shopper en het mooi met sy hande agter sy rug geloop. Ietsie bekends en van die huis al is dit dan ook in 'n ander taal. Woollies raak al soos Mrs Balls en jelly tots, iets eie. Al het ek al baie van die mall vertel bly dit darem 'n indrukkende een. Die twee stap deur een van die "lande" en is skoon verdwerg tussen die teels en mosiakwerke. Dan koop ons iets en hierdie is spesiaal vir jou maat, balletjies roomys! Ek wonder wat beteken daardie glimlag op Werner se gesig. En in Andulesia sit hulle op die leeu fontein en roomysballetjies eet. Ons verlaat die mall deur China baie tevrede want die inkopies is afgehandel en die lysie afgetik. 'n Vinnige draai in Venesia by die Mercato mall is ons volgende stop. Middagete by die Madinat Jumeirah mall by 'n restaurant van die huis af. Mens moet darem by die bekende Dubai baken ook afgeneem word. En met die tyd wat uithardloop word daar vir oulaas in die winkels gesnuffel vir nog 'n geskenkie of drie. Ek is seker die kinders het baie vrae en julle baie stories gehad!