Ons besoek die pragtigste klein dorpie waar ek baie maklik sal kan bly net so 'n entjie van waar die kinders is, Fort Langley. Dit laat my nogal baie aan Greyton dink met sy ou geboue en karakter.
Die oorspronklike fort was langs die Fraser Rivier gebou (dit voel vir my asof alles naby die Fraser Rivier gebou is) en met gedurige vloede is dit in 1839 na huidige plek geskuif toe 'n tweede fort gebou is. 'n Jaar later het die gebou afgebrand .
As jy lief is vir stap en geskiedenis, dan is die Fort to Fort Trail ideaal. 'n Sirkel roete al langs die Fraser Rivier vanaf Fort Langley tot Derby Reach Reginal Park en teug, 'n hele 9.2 km.
Fort Langley is die geboorteplek van die provinsie of BC (British Colombia) en vernoem na Thomas Langley. Hier is die pragtigste klein winkels, gallerye en restaurante. Hulle "landmark" is die Community Hall wat al in flieks gebruik is.
Ekself het hierdie week na 'n fliek gekyk en was lekker opgewonde om die geboue in die hoofstraat te herken ... daardie "ek was daar" oomblik! Natuurlik was die Gemeenskapsaal ook vrolik en vol kersversierings vir hul kersmark.
Ons eet 'n heerlike ontbyt by die "Boekwinkel" en stap daarna na die fort en kyk en besoek van die klein winkeltjies.
So 'n rustige dorpie wat ek seker is raak besig met besoekers. 'n Plek wat ek weer, sou ek kan sal wil besoek.
Hoop julle het die bietjie deel geniet, wie weet miskien herken julle iets in jul volgende fliek.
Ek wil die Here loof met my hele hart;
ek wil al U wonders vertel.
Psalm 9:2
Mooi dag vir julle
Sandra
No comments:
Post a Comment