Tags alive and well !

Net wanneer mens dink dis veilig en verby, pop hulle weer orals uit en die nuutste een in die woorde van die een wat my getag is “die moeilikste een” nog. Hoekom? Want mens moet die een wat jou getag het in een woord opsom. Nou vir die van julle wat Muriel alias Wipneus ken sal weet dis so na aan onmoontlik as kan kom.

My blog was oorspronklik om ons doen en late met familie by die huis te deel en skielik eendag pop ‘n comment van Muriel op. Vandaar het ons al lekker met comments gekuier en ook ‘n aangesig kuier een of twee keer kon inwerk. Haar comments het my met ‘n heeltemal nuwe “blog-omgewing” laat kennis maak.

Hoe beskryf mens haar in EEN woorde of anderste om ~ is daar ‘n woord wat haar kan omskryf?

Sy is “besig”, “borrelend”, “betrokke”, “sensitief”, “anders”, “lewenslustig”, “vriendin”, “kompleks”, “hartlik”, “vrolik”, en so kan mens aangaan en aangaan.

Met een woord dus, Wipneus is alles hierbo, sy is “mens-mens”.

Ek moet drie ander tag om my te beskryf en die maklike uitweg is om mense wat my ken in die blog en regte wereld te kies. Ek’s ook nuuskierig om te weet hoe ander my “lees”. Ek tag vir:

Charmaine (my maatjie van 21+ jaar wat my seker die beste ken)

Vicky (wat my ook al klompie jare ken)

Thea (net van blogs en een keer sien)

Mariette (ontmoet deur blog en leer ken in Abu Dhabi)

Nog ‘n tag deur deur Muriel

Om Johan met sy Skraap tesis te help.

Ek ken nie die mense in die blogomgewing nie, maar ek is bly ons kan deel uitmaak van die blogsensus.

Gaan asseblief na Skraap.net en neem deel aan die Afrikaanse blogsensus. (Dis ten bate van Johan Swarts se tesis). Daar is vier velde om in te vul: jou blog se adres, ‘n e-posadres vir validation en twee velde oor die Afrikaner. Slegs die eerste twee vrae is verpligtend, maar jy kan gerus die ander twee ook invul.

“My naam is Johan Swarts en ek is ‘n nagraadse student aan die Universiteit van Stellenbosch. My tesis (’n literatuurstudie) handel oor identiteitsvorming in die Afrikaanse blogosfeer. Ten einde dit suksesvol te voltooi, benodig ek die adresse van soveel moontlik Afrikaanse blogs, sodat ek dit met ‘n webskraper en teksontrekker – spesiaal vir die doel van die studie geskryf – kan ontleed. Op my eie sal ek egter nooit ‘n omvattende lys van Afrikaanse blogs kan saamstel nie en daarom doen ek ‘n beroep op jou om my op die volgende manier te help: deur ander te tag”

Ek gaan nie ouens van wordpress tag nie want julle het seker al almal die tag ontvang. Gaan probeer om dit bietjie uit te brei na ander Afrikaanse blogs.

Annetjie in NZ

Desia in Kanada

Eilandkind op 'n "eiland" :-)

Hoop julle het nou genoeg om julle vereers besig te hou.

Ons naweek begin, so lekker naweek vir julle!