Showing posts with label volleybal07. Show all posts
Showing posts with label volleybal07. Show all posts

Monday, November 5

Nelmari is terug

Die volleyball span wat Syria toe is het gisteraand net na elf moeg, hees maar baie tevrede by die huis aangekom. Die span het beter gevaar as wat ons gedink het na die sukkel-seisoen. (Die foto's kwaliteit is nie baie goed nie, en ek hoop om later ander te kry om te wys)

Die nuwe meisies in die span het goed ingeskakel en baie geleer en dit is goed vir volgende seisoen. As ek so na Nelmari se bene kyk dan was daar baie geduik en gegly om die bal terug te probeer kry. Sy is vol stukkende plekke en blou kolle. Ek hoor dat sy 'n uitstekende toernooi gehad het.
Hier slaan sy af. Daar was 7 spanne wat deelgeneem het en die een wat gewen het was van Jordania. Die AISA Lions het ons almal verras en derde geeindig. Mooi so Lions!!!

Dit is nou die einde van die volleyball seisoen en vanmiddag moet 'n moee Nelmari, wat skool toe is vandag omdat daar toetse is wat nie uitgestel is nie, 'n sokkeroefening bywoon voor more se eerste wedstryd. Geen rus vir die spelers en die toeskouers nie!!

Wednesday, October 31

Oppad Syria toe

Groot opgewondeheid vanoggend douvoordag toe ons Nelmari by die skool gaan aflaai vir hulle volleybal toer Syria toe!


Dit gesels en lag en vertel en alles terwyl hulle wag vir die res van die maats om ook op te daag



Nog een wat moet kom, maar die meisies is gereed om te vertrek. Hulle gaan teen spanne van oa. Kuwait, Egipte, Syria en Doha deelneem.

Gereed om te vertrek en so gou moontlik onder ma en die kamera uit te kom. Hulle sal weer Sondagaand terug wees. Sterkte met die toernooi Lions!

Tuesday, October 23

Nelmari speel in ADSAC toernooi

Maandagmiddag/aand was dit weer tyd vir die ADSAC toernooi vir skole in Abu Dhabi. Ons skool AISA het nie die beste van seisoene tot dusver gehad nie en soos die Engelse rugbyspan kan ek ook aan klompe verskonings dink. Kort seisoen, Ramadan, nuwe span omdat ou spelers opgeskuif het Varsity toe, swak taktiek deur die afrigters ens. ens. maar soos ons nou met die rugbybeker sê, dit tel alles niks, dis die einde wat saak maak.

Hier warm twee van die skole op voor die begin van die toernooi.

Ons span ook besig om op te warm. (William herken jy die ou met die wit hemp hier reg voor?)

Dan is dit tyd vir die eerste wedstryd, ons teen ACS, ons aartsvyande. Die telling werk anders as gewoonlik en ipv tot 25 speel, speel hulle tot 15. ACS wen die wedstryd

Die twee "stouters" van die span, Nelmari en Minri deel 'n grappie na die wedstryd, glad nie bekommerd oor hulle verloor nie.

Ons speel nog drie wedstryde waarvan ons twee wen.

Nabetragting na die toernooi want hoewel die UAE seisoen nou verby is, gaan 8 van hulle volgende week nog 'n toernooi in Syria speel

Die span - wat 3de in die toernooi eindig!!!

GO LIONS volgende seisoen probeer ons weer.

Wednesday, October 10

Sport uitslae

Hierdie week was daar gelukkig net een volleyball wedstryd. Ons speel teen DAA (Dubai American Academy) en met die Ramadan spits verkeer, daag hulle 'n hele twee uur laat op.

Ons meisies besig om op te warm. Nelmari nr 25 en agter haar Jessica vd Walt wat 'n uitstekende wedstryd gehad het.

Hier wag hulle vir die ander span om te dien met Nelmari op die voorgrond. Sy is ook die spankaptein.
Hierdie partydige groep toeskouers is almal Suid-Afrikaners en die kommentaar is iets wat mens moet hoor. Hoe dan anders met 50% van die American Int School se kinders wat Suid-Afrikaners is?
Die afrigter gebruik hierdie keer haar beste spelers vir die eerste twee stelle voordat sy die ander nuwelinge 'n kansie gee. Ons meisies speel baie goed, en DAA is nie te wonderlik nie. Wen die eerste twee stelle en verloor die laaste een met een punt. AISA 2 - 1!!


GO LIONS

Thursday, October 4

Nelmari se week van wedstryde

Dit was behoorlike 'n besige week vir Nelmari en die sport. Sondag het hulle weggespring met 'n tuiswedstryd teen ACS (American Community School) wat gewoonlik goeie wedstryde is omdat die twee spanne mekaar lekker opdreun. Maar ek weet nie presies wat het gedurende die naweek oor die afrigters se lewe geloop nie, ek weet net ons ouers was redelik warm (en nie van die weer nie).
Die eerste stel verloop soos ons gewoond is en die spanne speel 'n taai stel. ACS wen en ons is nie te bekommerd nie, want ons glo die span kan in die tweede stel terugkom.

En dan trek die afrigters hulle haas uit die hoed uit ....hulle vervang die hele span met die B-span (en sy het nie eers nodig om 'n kwota stelsel te gebruik nie). Moenie paniekerig raak nie praat ek myself en die ander ouers moed in, hulle sal die span terugbring sodra ons te ver agter raak.

5 - 0, 10 - 0, 15 - 0 nou moet sy darem regtig 'n verandering aanbring ... maar o wee nee. Kyk hoe lyk die "bench". Die afrigters hou wraggies die klomp groentjies aan sodat hulle 'n behoorlike pakslae kry. Toe die ander opkom vir die derde stel speel hulle met lood in die voete want die wedstryd is reeds verloor.... die ouers was omgekrap. Die nuwelinge het net mooi niks geleer behalwe om verneder te word nie, hoop hulle (die afrigters) vang nie weer sulke stupid goed aan nie. Jammer Lions die verloor was hierdie keer nie julle skuld nie, volgende keer!!

Go Lions!!!
***************************************************************

Dinsdag kry ons besoek van UAS (Universal American School in Dubai). Nadat omtrent al die ouers 'n praatjie met die afrigters gehad het, hoop ons dat dit vandag bietjie beter sal gaan. Ek dink hulle weet die taktiek was verkeerd verlede keer.

Wonderlik die Leeu ook daar is om ondersteun. Vandag was hy vol lewe met handstaan, bollemakiesie en mexikaan wave. Hier is die span saam met hom net voor die wedstryd. Die afrigters op die agtergrond bespreek taktiek .... waarmee verras hulle ons vandag?
Hulle luister na ons raad en laat die span eers die wedstryd wen voordat hulle die nuwelinge 'n kans in pot 3 gee. Hier luister die span wat die afrigters wil hê hulle moet doen.

Ons wen die wedstryd 2 - 1, dankie tog. Hier skud hulle hand na die wedstryd. Nelmari voor en Minri dek die agterhoede.


*************************************************************

Gister was dit weer ons teen Al Nahda skool. Die eerste stel speel ons meisies skitterend al verloor hulle net-net die stel. Die tweede stel is iets ysliks en ek weet nie of die son in hulle oe geskyn het in die gym nie, maar hulle kyk al die balle mis. Die juffrou besluit om weer die B-span op te sit vir stel nr 3 en natuurlik gaan dit toe maar sleg. Ons verloor die wedstryd 3 - 0.

Ek moet bysê die rede vir die groot sukkel vanjaar is Syria. Van ons spanlede gaan nie saam na die toernooi in Syria nie (die Amerikaners in die span kan oa nie visums kry nie), so hulle moes 'n paar van die jonger span se nuwelinge gaan leen. Met die dat dit juffrou hulle wedstryd oefening wil gee, kry ons ouers paniekaanval op paniekaanval oor die span wat vanjaar so sukkel. Ek's bly ek gaan nie saam Syria toe nie - dit gaan maar 'n stryd afgee en nie soos Egipte verlede jaar wees nie.

Go Lions, please Go Lions!

Thursday, September 27

Dis alweer sulke tyd

Die volleybal seisoen is op dreef en die wedstryde volg nou baie nader aan mekaar met ADSAC wat einde van Oktober voorlê.


Nelmari en Minri is op hulle pos as tellinghouers vir die Varsity span se wedstryd

Die toeskouers gereed vir die wedstryd en die groep Suid-Afrikaners hoop dis die begin van 'n goeie week vir sport


Die afrigters dink nog oor die laaste wedstryd planne en die maskot Louwtjie die Laeveld Leeu is nie teenwoordig nie. .. dis Ramadan. Wat het 'n leeu en Ramadan in gemeen? ...G'n idee nie.

En dan is die meisies ook gereed vir hulle wedstryd teen die Britse skool Al-Khubaira


Nelmari gereed en wag vir die afslaan.
Na drie naelbyt rondtes gooi hulle die hande in die lug !!!! Uiteindelik hul eerste oorwinning met 25 - 13, 22 - 25 en 25 - 23.

Go LIONS!!!

Tuesday, September 25

Ons speel volleyball teen Al Nahda

Na 'n redelike depressiewe sportweek met ons krieketspan wat uitgeval het en ons rugby wat maar sukkel-sukkel gewen het, het ek gehoop dat die JV Lion Volleybal span darem vir Al Nahda 'n ding of twee gaan wys.


Hulle wag .... wat gaan gebeur?

Die lyftaal sê dit gaan nie te goed met die Lions nie. So hier en daar is daar goeie spel, maar die span het teveel Philanders in wat nie die bal sien nie.

Nelmari het 'n goeie wedstryd gehad al het die Lions 3 - 0 teen Al Nahda verloor. Maar ek weet nie hoe goed die span in Syria gaan vaar nie .... die afrigters het nog baie werk. Hier slaan sy die bal terug oor die net.
Geen gebrek aan ondersteuning vir ons span nie. Behalwe vir die dogter op die linkerkant van die foto is AL die toeskouers Suid-Afrikaners. Die afrigter se probleem bly dat sy nie al die SAfrikaners laat saamspeel nie. Soos Mnr White van die Springbokke wil hulle ook die tweedes 'n beurt gee? Waarvoor tog?
Die meisies se geesdrif ontbreuk egter nie en hulle hoop dat soos verlede jaar hulle spoed op sal tel in die toernooie.

GO LIONS!!!

Tuesday, September 18

Volleyball Wedstryd Uitslag

Net 'n kort beriggie oor vandag se Volleyball wedstryd. Nelmari en haar JV span het Dubai toe getoer vir 'n wedstryd teen UAS (Universal American School).


Dit lyk darem asof dit begi beter gaan na verlede week se slegte wegspring en hulle het die wedstryd 2 - 1 gewen. Ongelukkig geen foto's nie, maar dit was blykbaar 'n baie goeie wedstryd.
Go Lions!!!!

Wednesday, September 12

Sportseisoen begin

'n Besige sportseisoen het gister afgeskop wat dae naskool met oefening, wedstryde en toere beteken. Die jaar sal effens rustig wees omdat ons slegs Nelmari se wedstryde hoef by te woon, maar net gister het ons ouers gesê ons sal die seuns se wedstryde mis omdat hulle so alles gegee het en nooit gaan lê het nie.

Iets nuuts by AISA vanjaar is die mascot. Ek dink nie hy het al 'n naam nie en hy was nie heeltemal seker wat sy werk is nie - hy het gister maar begin - maar ek hoor hulle het baie planne vir hom. So gister vir die eerste keer het die Leeu en Viper mekaar kop-aan-kop ontmoet vir 'n opwindende seisoen.
Die eerste opwaringswedstryd van die seisoen was teen ACS (American Community School) by hulle. Die meisies het nog net twee keer geoefen teenoor ACS wat al 'n maand terug begin het. Hier warm hulle op. ACS in wit en ons agter in blou.
'n Spanpraatjie voor die wedstryd. Slegs vier van verlede jaar se spelers het oorgebly en daar is klompe nuwe kinders in die span. (Nelmari die laaaaaang een links)
Hier wag sy vir die bal. Ek ken nou nie al die terme nie, maar sy het 'n goeie wedstryd gehad en die bal mooi oor die net kon kry en 'n paar blokke in gekry. Seuns is ek reg as ek sê sy het ook goed ge"spike". Vir my lyk dit na moker jou teenstaander met die bal dat sy nie kan terugslaan nie.Hier maak hulle reg om een of ander "toertjie" uit te voer om die teenstaanders te flous. Nelmari speel vanjaar weer in nr 25 soos vorige jare.
Die span sukkel nog om as 'n eenheid saam te speel en hier gee een van die juffrouens vir die span 'n ernstige praatjie. Dis die kort enetjie met die blonde hare.
Aan die einde van die dag verloor ons al drie stelle, maar ek kan sien dat met 'n klein bietjie meer oefening, sal die span dieselfde hoogtes as verlede jaar kan bereik. Dis altyd lekker om teen ACS te speel want selfs met 'n opwaringswedstryd was die paviljoen vol en lawaaierig. Met "Louwtjie" die laeveld leeu as mascot, lê daar 'n opwindende seisoen voor.









Sunday, September 2

Die skole begin - UITEINDELIK!!!!

Die van julle wat dink die 6 weke Desember vakansie is lank ....moet weer dink en dan julle seeninge tel. Na tien jaar in Abu Dhabi is die 3 maande skoolvakansie gedurende Jun/Jul/Aug nog steeds lank. Toegegee die kinders raak groter en kan hulle beter besig hou, maar dit beteken 'n duurder vakansie, want hulle besig hou kos geld terwyl mens 'n kleintjie nog met kryte en boeke kan vermaak.

So breek die GROOT dag toe gister aan en Nelmari kan nie wag om by die skool te kom nie. Ons moet vroeg ry want sy wil eerste daar wees .... hoekom? .... geen mens weet nie.


'n Banier met ballonne verwelkom die meisies terug en ek vermoed so in die stilligheid dalk is dit "gesponser" deur 'n ouer wat soos ek voel ....eindelik skool!! Ek dink nou daaraan dat ek julle nog nie vertel het hoe die skole hier werk nie, en sal dit nog doen. Wat ek wel kan noem is dat die seuns en dogters geskei en in aparte skole is. Julle moes die manne wat by die hek verby stap se gesigte gesien het, hulle was glad nie gelukkig om terug te wees nie. Ek dink as hulle kon, sou hulle die seunshek seker swart geverf het.


Ek het so vlugtig van die skooldag en nuwe onderwysers terugvoering gekry, maar die hoogtepunt van die dag was die "nuwe" canteen (ja seuns uiteindelik!) en die eerste amptelik volleyball oefening.

Die JV span (Junior Varsity) het verlede jaar al hulle toernooie gewen en ons hoop dat dit vanjaar net so 'n goeie seisoen gaan wees. En natuurlik hoop ons dit gaan 'n goeie akademiese jaar ook wees.