Woestyn Pret

Een van die dinge wat 'n groot aantrekkingskrag vir besoekers in die UAE het, is die woestyn .... Met ons koms 'n klompie jare terug was die woestyn baie nader aan die dorp as vroeer, en nou moet mens nogals 'n klompe km ry om dit te kry. Naweke is 'n gewilde tydperk vir mense om hulle 4x4's te neem en in die woestyn te gaan rondry. Toeriste maak gewoonlik gebruik van 'n georganiseerde toergroep om hulle woestyn in te neem. So vir William was so 'n uitstappie 'n hele nuwe ervaring.

'n Paar van die 4x4's jaag oor die duine. Die een is redelik hoog bo-op die duin.
Die groep wat op die toer gegaan het vat 'n breuk

'n Paar huise anderkant die duin

Het jy vir ons mooi foto's geneem Elise?
Hier dúrf hulle 'n groter duin aan. Ongelukkig het die foto's waar Manie, Elise en Arina groot oe maak (kan van bangheid wees) nie duidelik uitgekom nie.

Dan is dit tyd vir "sandboarding" en ek's seker William is in sy element
Hier gaan hy ....
Wonder het hy na hierdie toertjie "af geval of nie"

Die Kruis gesin saam met wie hy gegaan het

Arina gereed om dit ook te probeer
Daar gaan Elma ook ....
En natuurlik William weer

Die einde van die dag en Arina skud die sand uit haar skoene

William het darem sy skoene voor die deur gelos toe hy vanoggend huis toe gekom het.

Watersport

Vandag is daar weer Jet Ski kampioenskappe langs die Cornish. Abu Dhabi en Dubai is nogal gewilde venues vir allerhande watersport, ek neem aan dis omdat die see hier so rustig is. Komende van die Kaap hou ek nogal daarvan om die branders te hoor en die see te ruik, maar mens sal vir ewig wag as jy dit hier wil hoor. Ek kan my by tye verkyk aan die see wat so spieelglad soos 'n plaasdam is. Vroeer die maand het die motorboot resies hier plaasgevind en William het gaan foto's neem. 'n Deinserige oggend en die bote maak gereed om te begin. Ok hier is nou nie 'n boot op die foto nie, maar ek wil julle tog 'n storie vertel. 'n Jaar of so terug was daar 'n hotel, net so 3 verdiepings hoog. Een dag toe ons daar verby ry is daar 'n bord was sê "under restoration" en nie lank daarna nie, is dit heeltemal platgeslaan. Nou bou hulle 'n baie groter hotel.Kyk net al die hyskrane! Restoration kry regtig 'n ander betekenis hier.Die bote begin met hulle opwaringsrondte. Dan is dit merke gereed gaan!!Hierdie ou het 'n goeie wegspring ...Arina is reg om klomp mooi foto's te neem. Die bote jaag vinnig in die rondte en maak selfs effense brandertjies ... Hierdie ou het nie 'n saak met die bote en/of see nie, hy's besig in sy eie droomwêreld.

Wild wadi

Net voordat julle dink dis net ek wat in die dorp rondry. William, Arina en Elma het bietjie die Wild Wadi in Dubai besoek. Meeste van hierdie foto's is met sy foonkamera en 'n waterkamera geneem, so die kwaliteit is nie so goed nie.

Die waterpark is 12 hektar groot met 30 "waterrides". Dis tussen die Burj Al Arab en Jumeirah Beach Hotel gelee en so 20 min vanaf Dubai middestad en 90 min vanaf Abu Dhabi. Dis die Jumeirah Beach Hotel wat op die regterkant uitsteek.

Almal kry sulke waterdigte armbandjies met jou geld daarop geprogrameer. So kan jy jou drink en eetgoed betaal sonder om kontant byderhand te hê. Maar mense dis baie duur. Water bv kos Dh 9 (R18) en 'n Roomys Dh10 (R20)!!!! Nadat jy die toegang van Dhs170 (R320) betaal dink ek nie mens is meer lus vir water nie. Jy kry egter die geld wat jy nie gebruik nie, terug as jy klaar is. Hier wys Arina haar armband by die ingang. Die streeptruie het so na Nuweland gelyk. (Ek weet sy is 'n Blou Bul ondersteuner - arme kind)

Dis die "Fossil Rock" wat elke uur om die uur met 60,000 liter water opgevul word om 'n groot waterval te vorm. Dit gaan gepaard met klank en ligte en 'n baie gewilde besienswaardigheid by die park.

Hierdie is die Jumeirah Sceirah, die hoogste, vinnigste vry-val glybaan buite Noord-Amerika wat jou met 'n spoed van 80 km per uur laat afkom. Dit is 33 meter lank!! Ongelukkig geen foto's op die glybaan nie, kameras en fone was om verstaanbare redes nie toegelaat nie.Die Summit Surge en Rushdown Ravine is 'n kombinasie van glybane en ietwat anders. Die water skiet jou op hierdie bane boontoe na 'n swembad area en dan af met 'n 170 meter, styf-vashou rit.

Hier begin William se rit boontoe. Hy loer nog agtertoe en ek weet nie hou hy al styf vas nie.Hier vat hy dit rustiger op die Juha's Journey. Dit is 'n 360 meter lange lazy river waar mense van alle ouderdomme net rustig met die rivier kan vaar. Lyk na my tipe rit.
Die meisies BRAAI in die hitte en daai duur waterbottel lyk vir my baie leeg. Arina kan jy dink jy het 'n week gelede so warm gekry en nou sit jy in Ierland en koud kry?
Die drie van hulle afgeneem voor die familie/kinder aktiwiteitspark - die Juha's Dhow en Lagoon. Daar is 100 waterspeletjies wat 5 glybane, watergewere ens vir die kleintjies het. Alles is baie kleurvol en die kinders kan ure van lekker pret daar hê. Die drie het nie daar gaan speel nie.
Ek kan nie verskriklik goed onthou waar hulle die foto geneem het nie, maar dit lyk vir my baie nat en Arina steek amper net-net bo-kant die donut uit.
William by dieselfde plek net sonder die donut - miskien het hy dit geeet.
Aaaai ek het dit, dis by die Flood River (wat dit ookal beteken) geneem. Hier is William en Arina lekker nat.
Dit begin nou lekker donker raak (so 8 nm). Hierdie is Breakers Bay en hier kan mens "surf" as jy sou wil. 100,000 liters water word hier gebruik om branders van tot 2 meter hoog te maak.Selfde plek net later in die aand. Op die agtergrond die Jumerah Beach Hotel.

Hoe groot is groot?

Julle sal onthou met James se verjaarsdag het ek die foto hier onder gewys en belowe dat ek meer oor die klein trokkie sal vertel. Weereens foto's met William se foon.

Oppad Liwa toe (woestynwêreld) sien mens 'n piramide wat glad nie hier tuishoort nie. Dis die motorversameling/motormuseum van die Reenboog Sheikh (Sheikh Hamad bin Al Nahyan). Soos alles hier moet dit altyd groter as enigiets anders wees. Hierdie Dogde Power Wagon is 'n 4x skaal grote as die regte ding. Alhoewel mens nie binne kan kyk nie, word daar gesê dat hierdie motorhuis 4 slaapkamers, 6 badkamers, a kombuis en sitkamer het, wat dit die grootste motorhuis ter wêreld maak. By die ingang van die museum is hierdie groot Landrover wat eintlik 'n kafee is.
William wat 1,90 m is, lyk klein teen die jeep se "spaarwiel".Weerskante van die wiel sal julle die ingang van die winkel sien.
Arina kan reg in die middel van die wiel inklim en uitloer.
Binne die Landrover lyk dit so. 'n Regte twak en toonnaels winkeltjie maar mens kan darem lekker koel koeldrank en roomys en water hier koop.
Hierdie kameel is net gewone grootte en al ding waarop daar gery kan word by die motormuseum, die motors is te groot.

Hierdie ou het ernstig sy nek gekrap. Seker seer van al die opkyk na die groot motors.

Een van die Sheikh se 7 woestyn Mercedes wat spesiaal vir hom gemaak is. Groot genoeg dat William met gemak op die wiel kan sit. Wonder is daardie drom vir 'n olie lek?
Hierdie aardbol is 'n karavaan wat veronderstel is om deur een van die groot voertuie getrek te word. Amptelik is dit die grootste "trailer" en in die Guinness Book of World Records. Hierdie aardbol het agt slaapkamers en nege badkamers. Vir wat sal ek vra?

Wíe's gesnoeker?

William en Arina het bietjie gaan pool speel en foto's met die telefoon geneem.

Arina is nie te kort om by die tafel by te kom nie

Sy lyk heel professioneel

William kry ook 'n kans om sy tegniek te wys

Ek kan sien wie is gesnoeker ....

Afkoel in kookwater

Weens die hitte was ons lank laas by die see, maar die kinders wou met alle geweld gaan. Beste tyd nou tussen 10 - 12 en daarna wil jy nie alleen op die sand met die son wees nie. Asof die hitte nie teveel is nie, het hulle dadelik begin bal speel. (Mens kan sien die sport word ernstig gemis)

William vang die bal. ....... Dis nogal meer as wat Steyn in Saterdag se wedstryd kon doen. Ek moes lag vir Beeld en Rapport wat verlede week Steyn so opgehemel het - hulle noem dat ons die wedstryd verloor het toe Butch James af is, plaas dat hulle dit by die naam noem - ons het die wedstryd verloor die oomblik toe Steyn opkom en die balle begin misvang (of soos die TV ouens gesê het, sy oe van die bal afhaal - verskeie maal!!) en natuurlik sy skoppies wat so netjies in die All Blacks se hande was.

Die sand is WARM so ons loop maar ligvoet see toe. Dis laagwater so mens moet ver loop.

Kyk net hoe kalm en rustig is die water en dis die see ouens. Heeltemal 'n dooie see teenoor die Kaapse branders. William sukkel om sy oe in die skerp son oop te hou.
Natuurlik moes ek hierdie Arabier afneem in sy klere langs die strand besig met 'n besigheidsgesprek. Op die agtergrond die Marina Mall winkelsentrum en nuwe behuisingskompleks.
Net om te wys dat dit wel 'n oop see en nie 'n dam is nie, die bote op die agtergrond.
Nelmari vang bietjie op met die leeswerk. Omdat sy so baie lees en die skoolbiblioteek haar gebruik om boeke te proeflees, het sy 'n "perk" om boeke tydens die vakansie ook uit te neem. Die juffrou weet drie maande kan te lank word vir 'n opregte boekwurm.

Elriza ook verdiep ín 'n boek wat sy gedurende hierdie kuiertjie wil klaarmaak.

Die meisies gaan koel weer af in die warm water. Ek wens 'n foto kon die hitte van die water vir julle vasvat. Glo my dit is redelik warm en mens kom met sulke rooi wange uit.
Arina besluit om bietjie op te vang met die sonbrand gedeelte.
Die vier van hulle wat gaan swem het. Jinne maar het William 'n ernstige kyk of nie?