So met die laaste dag van 2009

Met al die kinders by die huis, het ek sowaar iets vir hulle gereel kon kry wat hulle nog nie gedoen het nie. En dis op ‘n kayak-toer om die eiland en in die mangroves. Die mangroves le net so ‘n blok van ons blyplek af en ons het dit al baie gesien met die verby ry- en/of loop maar nooit gedink daar sal ‘n geleentheid wees om dit te gaan verken nie.

Die ses van hulle, Charmaine se Elriza en Wiehann en my James, Leane, William en Nelmari, luister mooi terwyl die gids die veiligheid reels verduidelik .... en dan is dit sulke tyd.

Elriza en Wiehann

William en Nelmari

James en Leane

Daar is besluit op dubbelkayake net omdat mens nie weet wat die rit op die see behels nie. Elkeen van die kayake oefen om hulle watervoete te kry.

Dan is al drie kayake gereed vir die toer en gereed om die gids te volg. Nie noodwendig almal in dieselfde rigting nie :-)

Gewapen met 5 kameras onder hulle word alles afgeneem!! Mammaratzi kan nog die laaste paar vanaf die wal neem.

Hierdie twee pare het goed afgesit want die meisies het voor geroei :-)

Die paar wat ek gedink het gaan die verste kom het die meeste konflik gehad want altwee weet die beste hoe ;-). Als en als het hulle blykbaar die hele roete omtrent twee keer gedoen volgens die ander, met al hulle geroei.

‘n Mangrove volgens die internet is “trees and shrubs that grow in saline coastal habitats in the tropics and subtropics. The saline conditions tolerated by various species range from brackish water, through pure seawater, to water of over twice the slinity of ocean seawater, where the salt has become concentrated by evaporation.”

“Mangroves form a characteristic saline woodland or shrubland habitat, called mangrove swamp, mangrove forest, mangrove or mangal."

“The unique ecosystem found in the intricate mesh of mangrove roots offers a quiet manrine region for young orgnisms… “ Die gids vertel dat hier baie voel soorte soos flaminke is en ‘n spesiale krappe kolonie kan mens tydens die laagwater mooi sien.

Wiehann het hierdie videoclip binne die mangroves geneem as julle wil sien hoe dit daar lyk. Ons as ouers neem geen verantwoordelikheid vir wat alles gese word nie :-).

Tydens die toer kry hulle ook kanom op een van die eilande ‘n breuk te vat. Hier kan julle ‘n deel van Abu Dhabi ver in die agtergrond sien.

Tyd vir swem in die “koeler” see is daar ook. Kan julle sien hoe woes die see hier by ons is?

Wiehann en William vat ‘n ruskansie.

Die man moet natuurlik sy nuwe onderwater kamera toets en wat sal hy afneem?

‘n Krappie in ‘n skulp! Die water is mooi helder en die kamera doen nie te sleg nie.

Interessant was die geel blommetjie wat so tussen die sand en water gegroei het. Elkeen van die fotograwe het vir my ten minste twee foto’s hiervan geneem en ek moet dit dus net opsit.

Tydens die roei verby die flamink kolonie het die sheikh blykbaar met sy helikopter oorgevlieg en almal verjaag en hulle kon dit nie sien nie. Hulle het darem die mangrove “monster” kon sien maar nie afgeneem nie.

‘n Klomp ure later is hulle doodmoeg terug met die vooruitsig van seer arms die volgende dag – maar almal was dit eens, dis ‘n experience van Abu Dhabi wat ‘n moet is! (Miskien sal ons vrouegroep die kort roete in die laagwater aanpak op 'n stadium)

Geniet julle laaste dag van 2009 en 'n Voorspoedige 2010 propvol seeninge vir almal!

Ons Kersfees

So kla ons almal oor die geldmaak uit kersfees, maar ons bly doodstil oor die groot eet wat met die feesdae gepaard gaan. Hoekom doen ons dit aan onsself? Weet nie hoeveel van julle soos ek gevoel het na die eet ou Kersaand en daarna die Kersete nie, maar eet sal ek eet :-). Dis mos deel van die "tradisie" van Kersfees ... wat presies waar begin is?

Ou Kersaand het ons bymekaar gekom vir die sing van Kersliedere en om weer die "storie" van Jesus se geboorte te hoor. Elriza het die aand gelei en Charmaine en haar boetie Hannes het die sang begelei.

Voor die program klaar was, het ons elkeen ook die geleentheid gehad om 'n kersie aan te steek terwyl ons net weer elkeen onthou wat die doel van Kersfees is. Die heel kleintjies, Allesia en Emily was net so gretig om kersies aan te steek.

Die "diens" is afgesluit met die sing van ek dink ons enigste regte Afrikaanse kersliedjie (een wat nie vertaal is nie), Somerkersfees. Luister net so 'n versie saam met ons.

Toe volg die bietjie eet. Ek wonder hoekom Elriza so skuldig lyk? Botter kan in William se mond nie smelt nie.

Nelmari het vroeg die oggend gemmerbroodmannetjies gebak en die kleintjies (jongstes waarvan sy een is) het heerlik daaraan versier.

Die kleintjies maak geskenkies oop. Nelmari het spesiaal vir Elriza ook 'n kinder-geskenkie gekoop. Lyk asof sy daarvan hou! :-). Klein Dante wat ook sy eerste kersfees vier, sit alles mooi en kyk.

Wie dink julle het die lekkerste gespeel?

Klein Dante was 'n groot hit by almal en het van die een na die ander arm gegaan. Almal is redelik vroeg huistoe om as familie hulle geskenkies oop te maak.

Kersdag het ons en nog 'n paar ander mense weer bymekaargekom vir 'n lekker kersete. Ek sal liewer nie die "eet" foto's wys nie.

Ek sluit egter die Kersinskrywing af met 'n liedjie wat Elriza vir ons sing (ek hoop nie sy gee om nie). Die kamera kwaliteit is nie so goed nie, maar die lied is pragtig. Elriza ek dink dis nou tyd om hierdie talent van jou op jou eie CD te sit. Dankie ook vir die voorgaan met ons boodskap en sang.

Geniet die laaste week van 2009!

Liefde

Geseende Kersfees

Aan Al ons familie, vriende en blogmaats

'n geseende Christusfees

Liefde

Kersfees in die woestyn

Kersfees het so gekommersieel geword. Dis chaos in die winkels, pryse is ekstra hoog en elke keer as jy jou voete by die deur uitsit, is dit net geld uitgee, geld uitgee, geld uitgee. In so 'n mate dat mense se "ek hou niks van Kersfees nie". Ons weet dis nie waaroor Kersfees gaan nie, maar elke jaar is dit dieselfde storie. Ek gaan nie in hierdie blog skryf oor wat Kersfees veronderstel is om te wees nie, maar ek wil se dat ons nooit weet hoeveel ons het om voor dankbaar te wees voordat ons dit nie het nie.

Die Kersboom in die Holloway huishouding het so 'n tydjie sy verskyning gemaak, toe Nelmari wie se "werk" dit is om dit te versier haar taak aangepak het.

Moeilik omdat die mammaratzi sit en foto's neem en die gemmerkat dink dit is "xmas" :-) met al die speelgoedjies so byderhand. Ek wens ons het meer foto's geneem toe ons destyds hier gekom het (natuurlik voor digitale kameras), want die eerste paar kersfeeste het ons nie net die 'huis" en familie gemis nie, ons het ook die kersbome en versierings en selfs die kersliedere in die winkels gemis. Daar was niks en ons moes 'n klein boompie van SA "invoer". En as ek se niks, bedoel ek niks wat mens in die Kersstemming kon plaas nie. Ek onthou so goed plakkate wat by die "kaartjie winkel" opgeplak was - "no cards with Christian message may be sold here".

Maar dinge het in die jare verander en daar is selfs hier en daar kersmusiek wat in winkels speel, groot kersbome, baie versierings, uitrustings, ens. ens. Hulle het duidelik die "geld" in Kersfees begin sien. Die kersmark in November het honderde mense gelok (westerlinge natuurlik) met al die geskenkies wat verkoop is.

Die hotelle veral is die plekke wat amptelike dae vir die lig van die kersboom ens. Een waar die SA vlag mooi gewapper het, het oa gemmer kersboompies vir die kinders gehad om te versier en daar was selfs 'n arabiese kerstent.

Kersvaders van elke grootte en baie om te doen. Daar was groot getalle mense.

'n Winkelsentrum het 'n koue kersfees uitgebeeld en nee, James lewer nie vir kersvader pizza af om 'n groot geskenk te kry nie .... Nelmari was ook baie in haar skik om weer 'n bietjie met haar maatjie Minri te kuier.

'n Drie verdieping hoe kersboom by ons gunsteling eet-hotel met 'n gemmerhuisie het mense na hulle Switserse kersmaak gelok. En natuurlik se Nelmari se gesig .... maaaaaa kan ek hiervan kry. Die boodskap wat ons vanjaar by al die bedieningspunte in die UAE met die kinders gedeel het, was "God se grootste geskenk aan ons" (julle kan daarna loer op die kinderblog) en die kers-elfie in die regterkantse hoek was daar een van die besoekers.

Nou loop ons deur winkelsentrums hier in die woestyn met al die versierings en Mary's boy van Boney M wat orals speel en ons kla alweer oor alles - die mense, die pryse, ens. So gou dat mens vergeet hoe dit voel om dit nie te he nie. Die Kersboodskap word of behoort nie daardeur beinvloed te word nie, want het ons nie die grootste kersgeskenk van alle tye reeds ontvang nie?

Lekker regmaak vir die Chrisusfees

Al die skapies by die huis

Kersfees is nou net 'n paar slapies ver en die lekkerste deel is - al die kinders is by die huis. Dit beteken ook niks is meer "normaal" nie. Daar is 'n buzz ... iewers in elke vertrek is iemand besig en almal kan dit hoor .... lekkergoed, koekies en koeldrank verdwyn soos mis voor die son ... en natuurlik ook die geskenkies koop en dan om die dood toe baklei om dit in privaatheid toe te draai. Alles deel van die lekker. William het sommer met die intrapslap die handpoppe opgekommandeer vir 'n konsert en toe ek 'n replay vra was almal kamstig "skaam". Die poppe het egter nie 'n probleem om hulle gesig te wys nie.

Dit was egter nie lank nie of Nelmari voel weer hoe dit is om al twee haar boeties in die huis te he. Tot tyd en wyl Leane kom, moet sy maar die "punch" as die enigste meisie in die huis vat.

Partykeer dryf hulle my teen die muur uit ... maar omdat hulle nie hier lees nie ... kan ek se dis so lekker om hulle in die huis te he :-).

Nou vir 'n bietjie Kersinkopies

Lekker naweek!

Reen verskrik

Dis seker net mense wat in die woestyn sit wat sal blog oor reen? Hier kan mens nou nie juis soos die boere op die stoep sit en dan opgewonde roep "daar's wolke, hier kom die reen" as mens 'n wolkie sien nie. Toe ons hier gekom het baie jare terug was ons selfs opgewonde as daar 'n wolkie was. Deesdae is dit "normaal" .... maar reen .... dis 'n heel ander storie. Jy sien die dorp is in zones ingedeel en as dit in zone 2 sandreen dan weet ons in zone 4 nie eers daarvan nie. Nie dat die zone ver van mekaar is nie, dis gewoonlik 'n blok of twee. Mens kan aan die motors wat verby jou ry en vol sandkolletjies is sien dit het in hulle blok gereen. Regte reen soos ons dit in die Kaap ken is skaars in hierdie geweste. Dus maak hulle ook nie voorsiening vir sulke reen nie - en as ons die dag met regte reen gebless word, is daar chaos in die dorp.

Ek en William het vinnig winkel toe gery en was betyds om die begin van die chaos in die dorp te sien. Die motors was omtrent "knie diep" in die water want daar is geen stormwater dreine of afvoerpype om die water weg te voer nie. (So volgende keer as jy kwaad raak oor die verstopping in die afvoerpyp, wees dankbaar jy het een :-)). Lekker vir my kon ek passasier speel en foto's na hartelus neem.

James het met my skotse geelsak oor sy kop by die skool "gewerk" vandag want mens het nie regtig reenklere in die woestyn nie. By die deur uit het dit maar taamlik winter gelyk. Hoe gaan daai liedjie "en die reen kom neer en die vloed styg op" .... Ek dink nie Charmaine het 'n foto geneem nie, maar voor haar blyplek was dit een groot dam en mens het reenstewels en 'n boot nodig gehad om daar uit te kom. Haar klein motortjie was op 'n bultjie parkeer dat sy/hy nie kan verdrink of wegspoel nie.

En dan die kersie op die koek! Hierdie mense kan nie in die reen bestuur nie en die motors het stuk-stuk gehoes en geproes van die water en gedooi. Dit het erge verkeersknope veroorsaak wat mense ure ipv minute gevat het om deur die dorp huis toe te ry. En as julle jul kan verbeel, die mense vrek oor toeterdruk, kan julle jul indink hoe die strate gelyk en geklink het. (Die uit die lug foto is nie myne nie)

Gelukkig gebeur dit nie elke dag nie en alhoewel die dorp in chaos is, is dit heerlik vir 'n Kapenaar om bietjie regte reen te sien en voel.

Die Kaap is darem ‘n mooi plek

Met die vakansies wat nou aanbreek het, is almal besig om reg te maak vir 'n bietjie weggaan. Net so voor William bietjie "huis toe kom", het hy kansie gehad om vir Tessa die Kaap te wys. Hierdie foto's is dan ook vir haar om weer te kyk. Ek was nie daar nie, so ek kan nie kommentaar op die foto's lewer nie, maar as daar enigeen is wat wil raai waar die foto's (die groot collage en nie elke klein ene nie) geneem is - hier is 'n Kersgeskenk uit Abu Dhabi wat sal gaan aan die een wat die meeste reggeraai het. (Eddie, William en Tessa mag nie deelneem nie)

Ek hoop dat jy nou "reg" is om jou familie oor 'n week of so die Kaap te wys. Geniet julle tydjie op Onrus.

Vir almal van julle, geniet julle naweek!