Sekere advertensies sal mens seker nooit vergeet nie en die Chev se ene is verseker een van hulle. Hier in die woestynland is dit braaivleis (altyd), winterweer (asb net nie son nie) en perderesies.
Een van die lekkerste uitstappies hier omdat dit in die winter plaasvind en gedurende die aand wat ons die geleentheid gee om buite te wees en nie te dood van die hitte nie, is die perderesies. Met 'n Suid-Afrikaner by die klubhuis het die golfbaan (wat in die middel is van die perderesiesbaan) die wedrenaande 'n braaiaand gemaak, en mens kuier daar vir die lekker braaivleis en bykosse en kan ook loer na die perde wat daar verbyhardloop.
Hulle wys ook die wedrenne op tv's en orals word daar klein weddenskappe om die tafels vir die tafels gemaak. Party kyk na die kleure van die jokkie se klere, ander kyk of dit 'n sheikh se perd is of nie, en party kyk selfs of die perd al 'n vorige wedren gewen het. Die wedrenne is 'n halfuur uit mekaar en rondom ons tafel verloop die program min of meer as volg. Daar word ernstig besluit watter perd (die ou wat laaste se kry die perd wat niemand gekies het nie). Dan word daar voorgereg ingeskep en met die laaste happie is dit tyd vir die wedren.
Amper die hele "restaurant" beweeg dan af om langs die baan te gaan staan en hulle perde aan te moedig. Ek kan gewoonlik met vrymoedigheid foto's neem, want my perd is of gediskwalifiseer of vir een of ander rede reg agter.
Dan weer terug om die volgende perd te kies, die volgende dis en halfuur later weer langs die baan. So gaan dit dan aan totdat die laaste resies verby is en dan het mens ookal heeltemal teveel geeet. Dis regtig een van die lekkerste dinge om hier te doen in die aand, net omdat ons buite kan wees sonder 'n lugversorging .... en natuurlik die lekker braaivleis.
Nou is die helfde van die kindertjies terug in SA. Ons sien uit na julle volgende kuier en begin al klaar soek na nuwe plekke om te doen en te sien!
William het sommer met die intrapslap die handpoppe opgekommandeer vir 'n konsert en toe ek 'n replay vra was almal kamstig "skaam". Die poppe het egter nie 'n probleem om hulle gesig te wys nie.
Na hul vlug van Bloemfontein is daar 'n tydjie van wag op Johannnesburg. James en Leane lyk nie te ongelukkig daaroor nie. 
En die houding? Op Abu Dhabi en partymense se tasse is nie op die vliegtuig nie. 
William is die gelukkig ou wie se tas arriveer asook 'n klein tassie met die lekkergoed van SA maar die twee wat so breed glimlag se tas is nog soek. Ek vermoed hulle dink aan die koop van "in staan" klere tot die tas kom. 
William toets sy nuwe foon terwyl James hulle dadel sjokolades eet. 
Ons sit nie lank nie of daar moet opsluit Marina Mall toe vir noodsaaklike klere. Gelukkig is die winkels nie so besig nie. 
En dan die oe wat ophelder want hulle gunsteling winkel het hul uitverkoping en onmiddelik het die drie Holloways allerhande sportskoene nodig. 
Dit vat nie vir Leane lank om die winkels agter te kom nie. Kyk Sue hier kom sy met 'n handvol klere by die aantrekhokkie uit. Dis te goedkoop nie te vat nie se hulle.
Nelmari se tas is nie weg nie, maar sy het altyd klere nodig. 
William is meer in 'n luim vir gekskeer as klere koop. 
En dan dit waarna die seuns al weke uitsien en elke epos van gepraat het, Burger King. James het al die swiss mushroom XXL geruik toe hy in Abu Dhabi aankom dink ek. 
'n Middagslapie volg en dan is dit weer tyd vir eet, die keer by die Brauhaus. Die kinders het duidelik heelwat kos en sjokolade en klere koop om op te vang, en vir ons is dit lekker om hulle hier te he. 
Iets het verkeerd gegaan met hierdie parkering
Julle moet verstaan dat hierdie "winkel" in die woestyn is. Maar dit verhoed nie dat mens enige iets van water tot 'n TV kan koop nie.
Corli waai van bo af.
Natuurlik was die vliegtuig ook met 'n uur en bietjie laat. Lekker om hulle te sien uitstap. James het vir William mooi geleer sien ek, hy moet die trollie stoot.
James is op die foon, maar dis nie vir ons wie hy bel nie. Ja, nee, ek kan sien hulle gaan weer hard aan hulle pa se bonus by Etisalat werk. 
Die weersiens by die huis was iets om te sien, Begeera het sommer gekla vir die jaar wat sy James laas gesien het. 
Na hulle ontbyt, ons het nie gekry nie, het hulle darem vir ons koffie in die bed gebring en toe eers daar gesit en kuier. Baie lekker om julle by die huis te hê seuns!