Showing posts with label sokker07. Show all posts
Showing posts with label sokker07. Show all posts

Wednesday, January 9

Sokker, liewer laat as nooit

Nelmari gee my al 'n harde tyd omdat ek nog nie vertel het van hulle ISAC Sokkertoernooi wat plaasgevind het nie. Nou kan die ma nie heeltemal al die detail onthou nie, maar hier is van die foto's wat van haar gedurende die toernooi geneem is vir die oumas en tannies.
ISAC is 'n internasionale skool toernooi waar kinders van skole van oa Egipte hier kom speel. Die van julle wat die blog volg, weet dat ek nie verskriklik positief was oor die sokkerspan se seisoen nie en was aangenaam verras toe hulle die eerste wedstryd wen. Hier wys Minri hoe bly sy is. Nelmari langs haar op linkerkant.

Die span lyk heel in hulle skik met hulle self.
Einde van nog 'n wedstryd en die span is goed op koers en oortref my en die ander ouers se verwagtinge.
Gelukkig vir Nelmari het sy haar boetie wat bietjie gekwalifiseer is in sportbesering om haar enkels te verbind. Lyk of sy dit geniet.

Hier kom sy die veld af met die bal
Teen Al Nahda skop sy die bal veldaf van die middellyn en raai wat ...?

Hy gaan tot binne die doelhok. Nelmari kan dit skaars glo.

Hier omhels sy en Jessica mekaar want sy was veronderstel om die bal vir Jess te skop ipv die doelhok.Sy gooi die bal in
Hier neem sy 'n hoekskop. Nelmari het gedurende toernooi nog 3 ander doele ook van die middellyn aangeteken --- ek weet nie of een regtig beplan was nie, maar dit maak nie saak nie, dit tel alles punte.
Die langste en kortste in die span vat 'n ruskansie. Hierdie klein nr 4 is 'n regte doring in baie se vlees, sy is orals al onder die opponente se voete.
Die span verras almal en speel in die eindstryd teen Egipte. Hier ding Nelmari en een van die spelers mee om die bal.
Moeg na twee dae se baie wedstryde .... maar baie gelukkig dat hulle 2de geeindig het.
Die span was ook goeie ondersteuners van die seunsspan wat ekstra tyd moes speel en daarna ook tweede geeindig het.
Die twee afrigters wat werklik wonders verrig het hierdie seisoen met die span, sit by die trofee
Hier is die span in die gym afgeneem. Die twee kinders in gewone klere het albei gedurende die seisoen ernstige beserings opgedoen, maar die span nog steeds in elke wedstryd ondersteun.
Daarna is dit pizza tyd!!!
Baie Geluk AISA JV Sokker Lions ons is trots op julle!!!
Kry ons nou rus van sport? O nee, die basketbal proewe is gister gehou, so na die eksamen sit ons ouers weer langs die kantlyn, net van 'n ander sport.

Sunday, November 25

Sokker die afgelope week

Julle het nie vir 'n oomblik gedink die week sal verbygaan sonder 'n enkele sportwedstryd nie ne? Die sokkerseisoen begin nou spoed optel vir die twee groot toernooie van die seisoen. Volgende week begin ADSAC en in Desember is dit tyd vir ISAC.
Verlede Maandag het die JV dogters teen Al Nahda gespeel en hulle sommer baie goed van hulle taak gekwyt. Mens kan werklik die verbetering in die dogters met elke wedstryd sien. Dis net altyd jammer dat hulle seisoene so kort is, hulle leer net mooi dan is dit verby. Hier wag Nelmari om volgende op te gaan.

Die meisies het baie meer aanvallende gespeel en hulle eerste oorwinning van die seisoen gehad. Hulle klomp Al Nahda 2 - 1!!!
Altyd 'n lekker spanpraatjie as die span voorloop en goed speel. Baie geluk Lions dit was baie goed!!En Donderdag was dit 'n wedstryd teen Al Khubaira. Hulle speel op Khubaira se veld wat 'n "mat" is en die meisies het al hulle dae om te keer dat die bal te vinnig rol. Maar hulle speel baie goed en boer in Khubaira se gebied. 'n Paar amper pogings maar omdat die bal vinniger as die spelers rol wen die doelwagter elke keer.


Sandy die afrigter praat ernstig met die meisies en Nelmari lyk glad nie in haar skik met haar ma se fotonemery nie. Nadat hulle 'n vorige wedstryd teen Al Khubaira verloor het, speel hulle ondanks die nuwe oppervlakte uitstekend en eindig gelykop. GO LIONS!!

Saturday, November 17

Sokker uitnodigingstoernooi

Dis nou een ding van die skolesport in hierdie dorp - dis seisoen is kort, vinnig en besig. Na heelweek van sokker het ons gister 'n heeldag uitnodigingstoernooi moes sit en kyk. Gelukkig is dit nou effens winter hier, 28 grade gister, maar die sonnetjie het ons toeskouers maar lekker gekou. Hier skop Minri die bal veldaf teen 'n span van Dubai. Nou soos julle weet, dis nou as julle die sokker blogs lees, sukkel AISA se JV spannetjie hierdie seisoen maar, en die goaly en verdedigers kry baie oefening.
Een van die afrigters, Sandy Campbell (onthou jy hom Will?) praat met die span na die eerste wedstryd terwyl die ander afrigter luister. Nelmari en Minri lê moeg teen die muurtjie.
Die vier Suid-Afrikaners in die dogters span, daar is in die seunsspan ook! Agter Nelmari en Minri en voor Michelle en Jessica. Sonder om te spog moet ek bysê dat ons dogters die sterre in die span is.Nog 'n SA ding wat sy kop toe uitsteek, alhoewel effens met 'n Amerikaanse geur was Wynand (SAfrikaner) wat gebraai het. Nou wel nie lekker tjops en boerewors nie, maar wel worsies vir hotdogs en patties vir burgers. Die arme man is toe heeltemal onvoorbereid gevang en moes die kos met 'n papierbord omdraai.
Hier is Nelmari (25) tydens hulle wedstryd teen ACS. Hulle span het tydens die hele toernooi net een doel aangeteken en weer was sy die een wat die doel geskiet het.

Hier kom sy langs die lyn afgehardloop. Die span het behalwe vir een wedstryd teen DAA (Dubai American Academy) waar hulle behoorlik verloor het, goed vertoon en mens kon die verbetering met elke wedstryd sien. Bygesê die hitte het sy invloed op al die spanne gehad.Die einde van die toernooi en die spanne gee mekaar hand. Ons meisies eindig 3de! Daar is hoop vir ADSAC en ISAC. GO LIONS!!

Wednesday, November 14

Pan-Arab Spele en sokker

Op hierdie stadium bestaan almal se middae uit sokker met groot frustrasie. Die spannetjie kom al mooi reg, maar dis nog nie goed vir die bloeddruk en gestel nie. Gister het hulle teen AIS (Abu Dhabi International School) gespeel en van die begin af het die klompe baie beter gelyk as vorige wedstryde




Die juffrou praat ernstige met hulle om te kyk of die foute uitgestryk kan word. Nr. 25 (Nelmari) en Nr 15 (Minri) luister baie aandagtig.




Soveel keer het ons in hulle doelgebied geboer sonder om 'n doel aan te teken. Met halftyd was die telling nog 0 - 0 maar net na halftyd staan ons 'n "straf doelskop" af en met niemand om te keer nie, was dit net teveel vir die doelwagter. Dis of die span se moed gebreek is en hulle staan nog een doel af. Aan die einde van die wedstryd is die telling 2 - 0 vir AIS alhoewel ek dink ons het 'n baie goeie wedstryd gehad. Die naweek speel hulle 'n mini-toernooi en dan is dit heeldag bloeddruk probleme. GO LIONS!!

Nog 'n sport item wat in die omgewing gebeur is die Pan-Arab Spele wat in Egipte gehou word. Omtrent 7000 atlete van 22 Arabiese lande in 30 sportspoorte gaan deelneem.

Hier is nou werklik nie 'n probleem oor wat die atlete aantrek nie, almal dra rokke (by die olimpiese spele is dit partykeer net omgekeerd ne) Hier is die span van die UAE met die opening. Nou nie skares mense wat gekyk het nie.







Met die vorige Pan-Arab spele het die UAE omtrent 15 medaljes gewen en vanjaar wil hulle ten minste 50 wen. Hulle is nou nie sterk met atletiek nie, maar hulle het veral hulle hoop op die skiet-, seiljag en swemspanne. Ander sporte is oa sokker en basketbal.
'n Paar van die "royals" staan ook kans om 'n medalje of twee te wen. Een van die baanbrekers vir vroue sport hier is die dogter van die Sheikh Mohammed van Dubai. Sy is dan ook die een wat tydens die openingseremonie die vlag van die land gedra het. Kan baie beteken vir vroue sport in die land waar vroue maar aan die agterspeen suig - as 'n koninklike nie net aan sport deelneem nie, maar ook presteer. So ons hou styf duime vas vir Shaikha Maitha.

Monday, November 12

Die eerste doel van die seisoen!!!

Wedstryd nr 2 van die seisoen is gister teen ACS (American Community School) gespeel en gewoonlik is die wedstryde teen hierdie twee skole 'n tawwe storie.

Maar soos ek met die vorige wedstryd gesê het, ons dogters is nog aan die begin stadium van hulle oefening en mens kan dit nog sien in die wedstryde ALHOEWEL daar reeds volgens my verbetering is vanaf die eerste wedstryd. (James gaan jy kom ref Desember, gister se ref - op die foto - was meeste van die tyd in die meisies se pad)

Ek het tydens die wedstryd by die kinders gesit en kon luister na die afrigters se spanpraatjies en taktiek. Dit is dan ook die laaste week waar al die kinders in die span (en daar is klomp) 'n beurt kry om te wys hoekom of hoekom nie hulle in die span moet wees. Met tye wat die regte kombinasie op die veld was, kon mens sien dat die span kan goed doen.
Wanneer drie van die vier Suid-Afrikaners in die span egter 'n ruskansie vat gebruik die ander spanne die geleentheid om 'n doel te kry. Nelmari het die span se eerste doel met 'n dwars skop oor al die spelers, doelwagter inkluis, se koppe gekry. Dit was eintlik snaaks om te sien dat sy net soos die ander verras was toe die bal in die hoekie ingaan.
Vir my was die spelers van die wedstryd die SAfrikaners, Minri wat 'n barshou verdedig het, Nelmari wat die doel aangeteken en 'n paar keer veld af gedribbel het en Jessica wat net die heeltyd werk gesoek het en die bal probeer kry het. Ons verloor egter 3 - 1 maar daar is rede om positief in plaas van negatief te wees oor ons meisies se verbetering van die vorige wedstryd.
Go Lions!!

Wednesday, November 7

Die sokkerseisoen begin

Die volleyball seisoen is nou amptelik twee dae verby en gistermiddag het Nelmari alweer haar eerste sokkerwedstryd teen Al Khubaira gespeel. Verlede jaar het die spannetjie maar gesukkel en vanjaar is hulle sonder een van hulle groot sterre, maar ons het hoop dat dit 'n goeie seisoen vir die JV Sokkerlions gaan wees.Hier is die meisies besig om op te warm voor die wedstryd. Seuns dink julle nie die sokkerveld lyk vanjaar bietjie beter nie? Die JV dogters se afrigter vanjaar is Sandy Campbell en 'n Britse vrou met 'n SA paspoort. (Sy verstaan so 'n woord of twee Afrikaans want sy is met 'n SAfrikaner getroud)Die meisies luister na hulle eerste spanpraatjie van die seisoen. Nelmari is nr 25 en die "kort" speler op die heel regterkant van die foto :-).
Hulle skree hulle kreet en reg vir die eerste wedstryd. Die juffrou verdwyn tussen die kinders terwyl nr. 25 omtrent bo-oor almal kan leun..Teen 'n span wat al 3 maande oefen en ons kinders wat eers gevolleyball het en darem een oefening ingekry het, doen hulle nie te sleg nie en verloor 1 - 0. Daar is 4 Suid-Afrikaanse meisies in die span en sodra die afrigter sien dat hulle al vier moet saamspeel, sal daar gewen word.


GO LIONS!!