Die seuns is plesierig...en dan maak hulle so

Julle klomp ou Gr 7 kampers, Corli, Elriza, Annie & Charmaine - hierdie blog sal vir julle baie bekend lyk selfs al is dit meer as tien jaar later... (Die video kwaliteit is nie so goed nie, maar dit sal julle bietjie die atmosfeer en pret laat voel)

Tydens die kamp het dit nou al tradisie geword dat daar 'n "modevertoning" plaasvind. Omdat daar baie klem op bewaring geplaas word, word die kinders ook bewus gemaak van vuilgoed en veral plastiek in die natuur. Daar word dan tydens die kamp geleentheid gegee vir die kinders om die plastiek te "recycle" deur vir hulle 'n uitrusting vir die modevertoning te maak. Meisies onthou julle dat tydens 1998 (ek dink) was die wenner een van "ons" kinders?

Min het ek gedink dat tien jaar later my seun ook vir hom sal sit en 'n pak klere maak van plastiek.

Hy lyk baie ernstig. Dit kan my nogal geld spaar as hy dit kan regkry. William is natuurlik ook die een wat sonder blik of bloos enigiets sal dra en nie omgee wat die mense se nie.

Ongelukkig het die poging van hom nie gewerk nie. Die meisies egter het ongelooflike skeppings gehad. Hier staan hulle gereed om voor die beoordelaars te verskyn met hulle uitrustings. Die wenner saam met die ander deelnemers. Ek weet nie of daar nog 'n kompetisie vir die seuns ook is nie, maar destyds het die seuns Mnr Slim Jan of iets gekies en James was nogal die wenner.

Dan die ander lekker van die kamp is die dansery. Die kinders word 'n klomp van die tradisionele danse, wat besig is om verlore te gaan geleer. En ja, as tiener kan mens nogal gesig trek as jy dit hoor, maar net totdat jy begin dans ... dan het almal sports, soos julle op die klein kort video clips sal sien.

James en Danette demonstreer hier vir die kinders die wals (Kan jy dit glo Leane?). Maar kyk die outjie op die agtergrond wat die "steps" probeer oefen :-). Ek wens ek kan julle die video wys van baie jare terug toe James daai kleintjie was.

Hier begin dit al beter gaan en dit lyk selfs asof die kinders regtig wals.

William kry ook sy kans om te wys wat hy kan doen met die wals.

Dan oefen hulle ook hierdie "lyn-dans" (of wat's die regte naam). Hou die ou met die blou sweetpak baadjie dop op altwee video's. Skuus vir die donker aan die begin, maar die saal se beligting nie te goed.

Hier leer die kinders nog 'n nuwe ou dans. Weet julle wat mens die een noem: Met die aanbreek van die laaste aand van die kamp is dit al jare die gebruik om 'n dinee te hou wat die kinders self doen. Dink julle nie die "eetsaal" het 'n mooi uitsig nie?

Daar word ook gewys wat hulle met die danse geleer het, en hier is almal nou in uniform besig om te dans.

Hierdie video het James verlede jaar met sy foon geneem - William (rooi hemp) en die kinders doen die lyn-dans. Ongelukkig kan mens glad nie die musiek hoor nie, maar hulle is mooi gelyk dink julle nie? Foto's word ook geneem van alles en almal op die kamp. Hier is William, Eddie en James. En dan is die kamp verby en die seuns kry nog vir oulaas tyd om walvisse te kyk voordat hulle terug gaan Bloemfontein toe.

Wat vang die seuns in hul vakansie aan?

Baie jare terug, nog voordat ek getroud is, het ek gereeld die Graad 7 Voortrekkerkamp in die Kaap bygewoon. Later het Eddie bygekom en nog later het James op drie maande sy eerste Gr 7 Provinsiekamp bygewoon. Selfs nadat ons Pretoria toe getrek het, het die Holloways gereeld September afgery Kaap toe om te gaan kamp, en het ek selfs 'n paar kinders van daar met Annie en Charmarine saamgeneem. Met ons tydelike verhuising UAE toe, was dit alles op 'n einde. Verlede jaar toe altwee seuns, nou baie jare later in SA was, wou hulle weer gaan kamp en dit was so lekker, dat die Groot Trek af Kaap toe weer hierdie September/Oktober plaasgevind het. Die getalle is minder, die terrein het verander maar so baie dinge is nog dieselfde ... Eddie het 'n verniet vliegkaartjie gehad en besluit om die mense/kinders op die kamp te gaan verras en natuurlik vir my foto's te neem. Dis 'n pragtige kampterrein by Bettiesbaai met die berg en see so by mens. Hier staan William by van die tente wat hy soggens moes gaan inspekteer het om te kyk of dit darem netjies en in 'n higieniese toestand gehou word. :-). (Dis nou wolf skaapwagter maak)Kyk net daai uitsig waarmee mens wakker word. MAAR as die ou windjie wat so lekker by die see kan waai sy sin kry, lyk die tente so die volgende dag ... Dit bring nou ou herinneringe van storm en reen kampe. Die kosrye vir etes was/is altyd 'n lekker plek vir kuier en opvang met al die nuus. Nou onthou ek 'n klein Van der Merwe op 'n kamp in Gauteng wat sy borde verloor het en sommer so bakhand sy pap wou kom haal. Kry vir jou 'n klip en kom eet saam lyk dit vir my .... Dit kan nou nie vreeslik gemaklik wees nie, maar hier van die woestyn se kant, lyk dit lekker koel en groen en mooi. Wat sal 'n kamp wees sonder lesings vir die kentekens waaraan gewerk word. Hier is James en Danette besig met 'n groepie kinders. Dit bly darem steeds 'n mooi uitsig om na te staar met die berg en see op die agtergrond. William het ook lesings aangebied en hy en sy groepie sit binne en luister wat die gevare van die see kan wees. James kry so tussen-in kans om bietjie van sy studies prakties toe te pas. Die groepie kinders en WIlliam le lekker en gesels, ek wonder waaroor? Anders as my tyd in die Voortrekkers word daar op hierdie Gr 7 kamp ook danslesse gegee. Die kinders word al die tradisionele danse geleer en hier is James besig om uit te help daarmee. William besig met sy opskepbeurt ... dit lyk amper soos fudge ... maar dit kan nie moontlik wees nie, want mens kry mos nie fudge op 'n kamp nie. As deel van die kentekenwerk wat die kinders doen, besoek hulle die Stony Point Natuurreservaat waar hulle spesifiek 'n "reddingsprogram" vir die Pikkewyne het. Kyk bietjie hier na die foto's van die besoek. Ek is baie seker die kinders het dit vreeslik geniet. Indien julle meer van hierdie reservaat wil lees kyk bietjie hier. Een van die persone van die reservaat het ook met die kinders kom praat en hier hou Danette 'n sertifikaat op wat die kinders gekry het vir geld wat hulle geskenk het om 'n "huisie" vir die pikkewyne te bou. Een van die lekkerste tye op 'n kamp veral vir die groepleiers is wanneer die son begin sak en jy amper 'n bietjie kan rus :-). Hierdie kinders sit en kyk na die sonsondergang oor die see. En nou is dit tyd vir die aandprogram. En wat is 'n aandprogram sonder 'n lekker kamplied en sang. Ander aktiwiteite gedurende die kamp was ook die modeparade, dinee en dans .... maar daardie foto's wys ek more.

Nuus van William

So 'n klein bietjie nuus van William daar in Bloemfontein vir die oumas en ander wat wonder hoe dit met hom gaan. Behalwe dat hy ook nou deel is van die statistieke, met ouens wat hom beroof en geslaan het, en die feit dat ons nog steeds nie weet wanneer hy swot nie, lyk dit asof dit goed gaan. Vir die van julle wat William ken, hierdie is 'n tipiese foto verslag van hom.

With the petrol price rising, it was time for to buy a bike. A easy way to get around and a good way to keep fit.

In the first 4 days of having it i had 5 punctures, that i had too fix. So i made an investment that will hopefully pay off. I bought myself plastic tyre tube protectors. (the rolled up things) and

tyre slime stuff. thats the stuff you put in the tube, and if there's a leak it will fill it up and seal.

i bought the heavy duty stuff which is said to be able to close holes up to 5mm in size. which is not too bad. hopefully it will word.


After buying the bike i had some money left, and i wanted to spoil Tessa a bit. With My friend Jaq and his girlfriend Ann we went to Braza for dinner. Braza is nicely located on the water front in the middle of Bloem. And serves brazilian styled meat, chicken and fish.
I had a very nice piece of rump and calamari. Tessa had lemon and herb chicken, while Jaq and Ann had a brazillian meat thing on a stick.

Then we went to News Cafe for a cocktail, Tessa and i shared a Giggle and junglejuice. All in all it was a good night...

Mothers day!!!! Happy mothers day!!!!!!!!!! here is a card

if you cant read (n gedig vir moedersdag van ma se seung 'n probleem was nog ooit vir ma te groot gewees nie ma help met liefde.......en bietjie spoeg op n snesie!)

Hy het darem foto's van die ander deel van die kaartjie ook gestuur

And we have some melktert for you. YUmmy

Dankie vir die verslaggie seun, lyk asof julle die aand geniet het.

Van James hoor ek net dat die ou baie hard en lang ure werk en van die social front hoor ek niks behalwe dat hy en Leane so 'n week of wat terug in Kaapstad was vir 'n troue. Ek het darem 'n prentjie van hom ook in sy "werksklere". As mens so 'n groot glimlag het wanneer jy werk, dan kan dit nie so sleg wees nie ne seun.

William lewer verslag vanaf Bloem en Potch

Net so bietjie opvang nuus oor die seuns in Bloem soos geskryf deur William en foto's met sy foon..

After a couple of years in Bloem, we thought it a good idea for James to start blending in .... and not draw to much attention to himself, so we looked for some "local" clothes. (Dit lyk 'n bietjie groot seun .... en dis nie eksklusief tot Bloem nie, mens kry dit selfs van tyd tot tyd hier in Abu Dhabi!) See what dangers we have to live with? (Vir wat gebruik julle dan ook 'n "argeoloog" om die skottelgoed te was of is dit "klipborde"? En vir wat was julle nie jul eie skkottelgoed nie. Leane jy moet dit nie doen nie! Vir die wat nie kan sien nie op haar t-hemp staan - Danger geologist at work) A warning sign outside the gym! James and the dog taking a little nap. My first year at university and I was chose to represent Kovsies at the SASSU (South African Student Sports Union) held in Potchef this year and thanks to my sponsers mom and dad I could go. It took as 4 hours to drive there and find out that someone didn't pay our money in time so they thought we were'nt coming and then had no place to stay. A senior student at Potch offered us accommodation right next to the campus, which we though was great until we saw the girls had to sleep in a room not bigger as our bathroom back home and the guys in a caravan and that for R70 per day per person! We found a very nice place and they actually gave us student discount. Another sign at the gym in Potch.

The badminton went on for 6 days. I played singles and doubles. We played against 2 univ everyday and ended up in 3rd place with Tuks 1st and Puk 2nd.I'm now officially ranked 6th in the SASSU league, which I don't think is too bad. I want to thank my sponsors again and hope they will sponser me for the volleyball SASSU too. (Die haarstyl lyk soos 'n skoolfoto William)

Dankie vir die verslag seun, dis alweer tyd vir nog een .... en van jou ook James!

Die seuns eet darem ook

So af en toe lyk dit my eet die seuns darem ook. Gedurende die week was hulle bietjie Spur toe en James stuur hierdie verslag .... Soos gewoonlik (se James) moes hy ook sukkel om 'n foto van William sonder gesigtrek kry. Hier is hy en 'n vriendin Tessa.
Kos is op die tafel en nou is William gelukkig. Ek is nie seker wat hulle geeet het nie, dit lyk na 'n Mexikaanse dis.
Dit lyk asof James besluit het om op hulle stapelvoedsel "rys" te bly. Foeitog seun het jy nie vleis gehad nie en wat makeer jou om daai hemp te dra.
Oooo nou sien ek, Leane (die strepietjie ding wil nie werk vandag nie) het al die kos by haar. Ek verstaan sy wil darem ook bietjie groei...

Dankie vir die foto's seun.

Ingerig of nie?

Die volla het Bloemfontein toe gehaal en ek dink hy was baie bly om eintlik by sy nuwe blyplek te staan .... ek wonder wat doen hy nou? Die seuns en hulle ander huismaats het die huis begin inrig vir die nuwe jaar en dit het nie lank geneem nie.

Op die foto lyk dit nog nie asof Murray uitgepak is nie ... of wag ..... hy is uitgepak die woord moet weggepak wees. Sy bed is reg en so ook die lessenaar en Murray is ingesettle!
Lyk asof Leanè met 'n plan haar kamer inrig...
James se kamer staan nog in bokse, maar ek's seker dat hy ook sy kamer gou-gou sou inrig. Daar is GEEN fotó van William se kamer nie, maar ek is seker dat die einde van die jaar sal hy maklik trek omdat alles nog in bokse sal wees :-).
Terwyl die bokse nog teen die mure staan, is die TV/Sitkamer en playstation ingerig en word dit uitgetoets.Lyk asof niks meer nodig is nie, elke man is al klaar besig met sy eie goed. Will en die kitaar en James en Murray by die rekenaarDie vyfde lid van die studentehuis is "Sabeeha" (moenie vra waar vandaan en hoekom nie). Hier is sy besig om die verskillende slaapplekke uit te probeer .... lyk bietjie ongemaklik by William.

Die plekkie by James kan dalkies gemaklik wees ... maar ek dink sy sou heelwaarskynlik 'n bed uitkies.

Die huis het darem ook 'n gasskottel so wanneer daar vleis op die spyskaart is, kan dit gaargemaak word. Seuns ek is nuuskierig om te weet hoe dit nou, 'n maand later daar lyk?