2010 ‘n Geseende Jaar

Ek kan dit amper nie glo nie, die jaar 2010 is op sy rug! 'n Jaar waarin Vader ongelooflike dinge tussen 1 Januarie en Desember laat gebeur het. En omdat ek weet Sy planne is nog nie klaar nie, sien ek met groot afwagting uit na die Nuwe Jaar.

Vir my is dit gepas dat my laaste bloginskrywing vir die jaar gaan oor die uitreik na die mense van die Sir Baniyas eiland en die begin van kerkdienste daar. Na die eerste diens so 'n maand terug het hulle gevra vir 'n Kersdiens. Hier is 'n paar van die jongmense en Elriza (wat die boodskap gelewer).

Met baie van die mense wat huistoe is vir die kersseisoen, het daar nog steeds 'n klomp van die Suid-Afrikaners op die eiland, na 'n Baie Geseende boodskap van Elriza kom luister. En alhoewel getalle glad nie saak maak nie, sien ons uit om deur gereelde dienste, Sy Koninkryk net meer en meer uit te brei.

Dis ook altyd lekker vir die "eilandbewoners" om agterna met die besoekers te gesels en kuier.

En soos die vorige keer is ons lekker bederf met 'n middagete. Die Holloway tafel.

Na ete het ons so 'n bietjie gewag vir die bus wat ons weer deur 'n toer op die eiland sal neem.

Almal in die bus reg vir die rit ...

Ek weet ek het julle al die diere gewys, maar dit bly altyd so lekker om hulle in hulle natuurlike habitat te sien.

Hierdie keer het ons die kameelperde van naby kon sien en hulle was almal baie nuuskierig om die kamera van nader te bekyk.

Ai dit kon ampertjies springbokkies gewees het ... mens hoef nie eers jouself baie te verbeel nie.

Soos die vorige keer het hierdie wyfie volstruis regtig die show gesteel. Eers wou sy die hek oopmaak om na ons toe te kom en daarna was sy baie geintereseerd in haar eie beeld wat sy in William se sonbrille sien. Sy wou dit net he. Soos 'n stout kind het sy, nadat sy nie by die hek kon inkom nie, reg voor die voertuig gaan le dat ons nie kon verby ry nie. Ek het geleer dat volstruise beslis persoonlikheid het.

Met die vorige blog oor die eiland het ek vertel dat Leane klippe huistoe gevat het, en hierdie keer het ek haar "gevang" nog vat. Of hulle maak 'n rotstuin by hulle blyplek of sy skuif die eiland so bietjie by bietjie.

Die son amper onder toe ons die boot terugvat land toe om die lang pad terug Abu Dhabi toe aan te durf.

My Nuwejaarsvoorneming is om die heel jaar, in goeie en slegte tye vas te hou aan Sy belofte aan my en julle in Jeremia 29:11 "Ek weet wat Ek vir julle beplan, se die Here: voorspoed en nie teenspoed nie; Ek wil vir julle 'n toekoms gee, 'n verwagting."

Geniet nog die laaste deel van 2010 en Voorspoed vir 2011!

Liefde

Wat ‘n uitsig

Met William hier is daar altyd iets "nuuts" wat geprobeer moet word en hierdie keer was dit parasailing.

By die strand aangekom op 'n heerlike wintersoggend, moes ons hoor daar is nog nie genoeg wind om die aktiwiteit te kan doen nie. Op die foto regs onder kan julle die vlag op die vlagpaal sien - dit wapper nie eers 'n bietjie nie.

Die kinders het toe maar eers 'n bietjie op die paddleboats gaan ry. Die oefening sou wel die volgende dag gevoel word :-).

Waar anders as in die woestyn kan mens op die see paddle met 'n sandduin op die agtergrond.

Hier kan julle mooi sien hoe lyk 'n amper spieelgladde see met die dorp op die agtergrond.

En dan is daar 'n effense windjie en Nelmari en William pak die parasail aan. Die benoude gesig verander darem vinnig na 'n glimlag terwyl hulle so agter die boot hang en die dorp van bo-af beloer.

Die tou vat mens so 120 m in die lug in.

Eers wou hulle nie gaan nie, maar besluit toe wel en Elriza is net 'n klein bietjie benoud :-)

Maar dit verander gou as hulle eers in die lug is.

Van die foto's wat die kinders van bo-af geneem het - Abu Dhabi se Cornish gebied.

Geniet die laaste paar daggies van 2010!

Liefde

Dis Kersfees in Abu Dhabi

In die land van uiterstes sal dit natuurlik onmoontlik wees dat hulle nie ook iets met Kersfees "sal doen" nie. En waar ons klompe jare terug nie eers 'n kersboom in die dorp kon koop nie, is dit nou orals en in elke winkelsentrum.

Die een wat die meeste kommentaar gelok het van heinde en verre is die $11 miljoen een by die Emirates Palace hotel. Jip, $11 miljoen!! Die versierings is juwele van 'n juwelierswinkel - nie so mooi soos mens dink nie. En vir die mense wat se hulle kon baie gevoed het met die geld - hierdie juwele gaan terug na die winkel toe na Nuwe Jaar.

In die huis het die diere vanjaar 'n fees (veral die straatkatte wat hulle eerste kersfees met 'n boom het). Die versierings aan die boom, strikkies en linte op die geskenke en selfs nie naamkaartjies is spesiaal vir hulle opgesit om al te haal en mee te speel. Ons het nie nodig om die huis te versier nie, die katte het hierdie taak op hulle skouers geneem vanjaar.

Gisteraand het ons gesing tydens 'n Internasionale Kersaand en hier is die kinders (twee van Charmaine s'n ook) wat 'n een liedjie in 'n swart taal en een in Afrikaans gesing het. More die 24ste is ons weer op die Baniyas eiland vir 'n kersdiens vir die mense daar en Kersdag sal ons rustig by die huis kuier.

Aan al my blogmaats en familie wat hier lees. Soos die pastoor gisteraand gese het, Kersfees is nie in 'n plek nie, maar in ons harte. 'n Baie Geseende Christusfees vir julle waar julle ookal is, en 'n Voorspoedige 2011!

Dit gebeur nie baie nie

Na baie jare in die dorp is daar bitter selde 'n nuwe winkelsentrum wat opgaan sonder dat ons daarvan weet en dit gaan besoek, so toe ek daarvan lees en besef dis al drie maande oop sonder dat ek daarvan weet, was dit 'n MOET.

In die jare voor ek begin blog het en ek's eintlik spyt ek het nie van die beginjare hier ook geblog nie, was die souk waar mens allerhande twak en toonnaels kon koop 'n gewilde plek om besoekers heen te neem. Na sprake dat dit vervang gaan word, het dit skielik een aand heeltemal afgebrand. Vir die laaste paar jaar is die pad soontoe toegemaak en hoe versperrings is op sonder dat mens geweet het, iets is aan die bou daar. En net daar op die ou plek ry ons op ons soektog binne die nuwe "souk" vas. Lekker lekker, nie naastenby soos die vorige een nie, en met duur winkels, maar een van ons gunsteling koffiewinkels wat daar oopgemaak is, sal dit beslis baie gereeld besoek word.

Ons het met Shakespeare & Co kennis gemaak in Dubai en is so bly dat dit nou eintlik hier in Abu Dhabi is. Dis 'n regte "vroue" restaurant met allerhande fyn en tierlantyntjies goeters. Die eetgoed en sjokolades sal natuurlik ook die manne lok en mens kies baie moeilik wat jy saam met jou koffie of tee wil geniet. Daar is ook 'n spyskaart vir ontbyt, middag en aandete.

Nie een muur lyk dieselfde nie en alles is in detail gedoen. Hier kan mens lekker kuier en die bestuurder Hassan is baie betrokke by sy kliente - tot op die foto's.

Alles tot die dak is "versier" en daar is die mooiste houers wat jy sjokolade in kan sit en vir geskenke weggee. Dit gaan sommer gou-gou 'n gewilde kuierplek in die dorp wees en net so voordat mens bang raak dit gaan te vol wees het ons darem gehoor nog twee ander word oopgemaak. Die mall, waarvan nog net 'n paar winkels oop is, gaan ook 'n lekker plek wees om besoekers na toe te neem.

Geniet die laaste week voor Kersfees!

Lekker so in die koeler winterweer

Lekker om weer al die kinders in die dorp te he en soos vorige kere het William gou-gou in die mangroves gaan kayak.

Die see was ook lekker rustig as mens so na die foto's kyk. Elriza het ook gegaan en foto's geneem terwyl hy geroei het.

Die ontwikkeling in die mangrove omgewing is iets ysliks en mens kan die bote sien wat besig is om dele droog te le en ook slote te grawe.

Hierdie deel van die mangroves het ook 'n skaars jakkals soort en omdat hulle bang is die walle tuimel in met al die uitgrawe, het 'n skool die sandsakke projek aangepak om die walle te stabiliseer.

Van die "kanale" in die mangroves is dieper gegrawe (6 m) sodat bote daar kan deurvaar na die nuwe ontwikkeling toe.

Lekker rustig roei hulle deur die mangroves en luister sommer na pogings wat gemaak word om die mangroves en diere van uitwissing te red. Blykbaar word 70% van die visse in die omgewing hier in die mangroves gebore.

Van die grootste mangroves oppervlakte ter wereld kom in Abu Dhabi voor. Met die ontwikkeling is 'n groot gedeelte daarvan ingeboet, maar in April vanjaar natuurbewaring 25000 nuwe boompies aangeplant.

Hier is ook baie krappe. Die twee wat Elriza op die regterkant vashou is net die "doppe" van die ouens wat "vervel/ontdop".

As julle mooi op die foto kyk sal julle die ontwikkeling van 'n groot nuwe hotel sien waar 'n deel van die mangroves was.

As jy nog nie begin het met die kersaankope nie, is die naweek jou laaste kans. Geniet!

Lekker by die see ..

Dis jaar hardloop so vinnig uit en hier in die land van sand het ons eintlik twee afsluitings per jaar - die normale Desember voordat almal weggaan vir die feesseisoen en dan weer in Junie wanneer die skole vir drie maande sluit. So die jaar spoed in twee kort paaiemente verby en alles moet nog steeds ingepas word.

Een van die goedjies wat ons gedoen het was om vir die eerste keer 'n kerssangaand vir ons kindergroep te he. Almal, ouers en kinders het dit baie geniet. Gaan loer gerus op ons kindergroepblog vir foto's en video'tjies waar ons engeltjies sing, hulle was so oulik.

Die senior tieners het ook kans gehad om so bietjie sonder die ander op die Lulu eiland te gaan kuier en dit was groot pret vir almal. Natuurlik dieselfde naweek as die Dubai 7's, maar ons het darem 'n klompie jongmense gehad wat dit bygewoon het.

Hier is Elriza saam met twee van haar dogters in haar groep, Nelmari en Minette.

Deel van Abu Dhabi wat ons verbyvaar met die boot, dit was regtig 'n heerlike wintersdag van 26 grade.

Waterspeelgoed is opgeblaas en reg vir gebruik.

Vyf seniors na hulle eerste paar ritte op die tube agter die boot.

Een van die baie skaduplekke op die eiland waar die tieners gesit en kuier het tydens middagete.

Water basketbal is gespeel en dit lyk asof die "skeidsregter" die kleinste onder die groep is.

Elkeen het 'n rit op die tube gekry en op ons kindergroepblog is daar ook 'n video van elkeen. Nelmari is baie ernstig tydens haar rit.

Nelmari se rit. Elkeen het ook op een of ander stadium afgeval en op fb het ons 'n kompetisie gehad om te kyk wie het die beste "geval".

Elriza verkies om te sit en dit lyk asof sy groot pret het.

Sy het ook nie gekwalifiseer van een van die beste val nie, maar baie dapper het sy vir almal gewaai.

Hierdie foto beeld vir my Abu Dhabi uit - see vir die eiland, sand vir die woestyn en moderne geboue vir die ontwikkeling.

Die van julle wat Elriza se foto's op 'n vorige uitstappie gesien het, sal sien dat sy en die gheko nog steeds moet bepaal wie nou eintlik die "baas" is.

Met die middaggety het die water so vinnig gesak dat die boot gou-gou op die sand was en die tieners moes al hulle krag inspan om dit terug te kry in die water.

Al die jongklomp wat op die uitstappie was.

Kon sommer so bietjie van die water af, weer die ontwikkeling in die dorp sien. Daardie gebou op die regte kant (die Baniyas toring met die bal) was toe ons destyds hier gekom het, die hoogste gebou in Abu Dhabi. Kyk net hoe klein lyk dit nou.

Dan is dit nog net die boot wat uit die water getrek moet word en die einde van nog 'n heerlike dag by die see ....

Lekker week vir julle

Liefde