My Saterdae

Die van julle wat my ken, weet dat Saterdae die meisies se mall/fliek oggende is. Ons kry nie altyd tyd om beide te doen nie, maar 'n vinnige in-en-uit in Carrefor of Lulu vir 'n paar goedjies en 'n lekker fliek is meestal waaruit ons Saterdagoggende bestaan. Met die loer deur die foto's van Afghanistan besef mens weer dat ons baie bevoorreg is om die Saterdagoggende te he, want wat sou ons doen, sou ons bv in Kabul gebly het op 'n Saterdag ....

Sou ons kon skoene koop ..... alhoewel dit tweedehand en klaar uitgetrap sal wees.
Die lywe pas nie meer regtig in denims nie, maar sou ons wou is denims wat ingedra is beskikbaar
Ons sou nie so hoef aangetrek het nie, maar 'n drinkdingetjie by die stalletjie is moontlik ipv Chocholat
Nou nie 'n foodcourt nie (alhoewel ons dit nie regtig ondersteun nie), maar dalkies KFC vir middagete
Of Pizza's ipv Bielle of FudruckersEn die Pretzelwinkel of Nacho's sou moes plekmaak vir lekker plat kaasbrode

Ek sou defnitief nie die straatmark aandurf met die heuwels nie en liewers maar ...
gaan fliek by Cinema Park soos elke Saterdag .... as daar 'n fliek wys.



Die mans kan gaan gholfspeel op Kabul se baan

Nie halfpad so sanderig soos Abu Dhabi se baan nie

En die ou kindertjies ...... wel tussen alles is daar 'n groen kolletjie gras om op te speel. Wat sal mense tussen al die vervalle, "motiveer" om met soveel moeite hulle plekkie groen te maak?

Daar is mooi in Kabul

Ek weet nie baie van Afghanistan af nie, behalwe dit wat ek in die koerante lees en oor die televisie sien. Nie goeie goed nie, en 'n plek waarnatoe mens nie sommer sal gaan nie, nie uit vrye keuse in elke geval nie. Verlede week was Eddie daar vir 'n paar dae vir werk en ek deel graag 'n paar foto's met julle.

Die dorpie Kabul uit die vliegtuigvenster geneem. Lyk taamlik groot. Kabul is die hoofstad van Afghanistan en ook die grootste stad in die land.Met ons sommer sterk aan die optel dink ek nie die ou was voorberei op die koue sneeuberge nie. My kop is maar plat en ek het regtig gedink omdat dit 2 uur vlug van hieraf is, is die weer ook min of meer dieselfde.

Kabul is gelee tussen berge en die Kabulrivier en is meer as 3000 jaar oud. Dis sommer oud as mens dink aan Abu Dhabi wat 36 is.

Klink deur die eeue/jare heen was oorlog van 'n soort altyd deel van die land, maar sedert 1979 was alles op die afdraend. Ambassades het toegemaak en teen 1992 het alles tot 'n halt gekom. Publieke vervoer, elektrisiteit ens. was nie bestaande. As mens so na die plekke kyk sien jy die arm en sukkel.
MAAR sedert 2003 is alles aan die verander en begin Afghanistan so stadig sy kop optel. Nuwe geboue en sentrums word orals opgerig en groot handelaars maak weer besighede daar oop.

Wat vir my persoonlik nice was om te sien was die skole wat weer in volle werking is en dat die dogters ook skooltoe gaan. Hierdie foto het Eddie vanuit sy kamervenster geneem, met die skool oor die pad.Elders in die dorp is daar nog tente wat eers as skoolklaskamers gedien het, terwyl hulle die skole ge/her bou het.

Hier staan die ou en uitkyk by sy blyplek wat 'n baie mooi moderne gebou is.
'n Baie mooi foto van die Qargha lake waar hulle bietjie gaan rondkyk het. Ek dink mens kan die oorlog nog in die land sien, maar daar is baie goeie dinge wat ook gebeur en dis 'n baie mooi plek ....miskien eendag sal dit 'n gewilde plek word om te besoek ....wie weet .... niks is onmoontlik nie.

(As julle die foto's dubbelkliek dan maak dit mooi groot oop sodat julle die prentjie beter kan sien) Ek wys volgende ander foto's van die dorp.

Nigerie en sy natuur "skoon" of is dit natuur "vuil"?

Eddie het verlede week so bietjie in Nigerie gaan kyk na hulle nuwe kantore en goeters en natuurlik wou ek foto's hê. Belowe ek gaan nie nou 'n mondvol te sê hê oor Lagos en hulle geskiedenis ens. nie. Kyk net saam met my na die foto's wat my bietjie van die omgewing daar vertel het. Ek vermoed dis nie foto's wat in die reisbrosjures sal wees nie.

Die maatskappy het so 'n "compound" tipe plek waar hulle ouens gaan bly en slaap. Eerste indruk lyk nie te sleg nie

Die tuine rondom die kompleks met baie plante wat ons by die huis ook ken

Die eenheid het 'n swembad wat blykbaar kan instaan vir 'n oggend stort as daar nie water is nie. Blykbaar het dit in die vier dae wat Eddie daar was 'n paar keer gebeur - dis nou geen water en nie noodwendig swem nie.

Troeteldiertjies ook sou 'n mens so iets wil hê
Wat die werkdeel betref. As jy vir 'n telekommunikasiemaatskappy werk, dan gee sulke drade jou nie regtig goeie hoop nie ne. Wat sou hy hier probeer uitdink?
Die strate is geteer so daar behoort nie 'n probleem te wees nie? Maar soos orals in SA en hier in die UAE is verkeersknope ook standaard. Hierdie is die pad lughawe toe. Ek vermoed mens boek nie twee uur voor die tyd in nie, mens maak dit 'n daguitstappie

'n Nuwe kerk in aanbou en dit lyk na 'n groot kompleks. Maar die mense is haastig en gebruik dit reeds wat beteken dit lyk en is reeds verniel voordat dit eers voltooid is.

Hierdie foto het 'n storie. As mens oor die brug ry, sien jy die rivier wat onder deur loop ... en as jy mooi kyk sal jy sien dis vullissakke wat daar lê. Blykbaar word die ou rivierloop as 'n stortingsterrein gebruik. Kan jy dink hoe dit ruik en erger nog, wat as die rivier weer eendag afkom?
Al lyk die land arm, is daar baie ontwikkeling en geld
'n Mooi seeprentjie. Lyk asof hulle see net so dood is soos Abu Dhabi se see.

Volgende keer wys ek julle foto's van shopping in Nigerie

Abu Dhabi besoek Suid-Afrika

Soos berig deur my korrespondent tans in Suid-Afrika met die nodige veranderinge deur my.

Vir enige persoon is 'n besoek aan Suid-Afrika gewoonlik 'n belewenis, so 'n groep Emirate met 'n privaat toergids kan enigiets oplewer. Hulle avontuur begin die Sondagoggend met 'n besoek aan die Hartebeespoortdam. By die Afrika mark word daar ernstig met die oe gekoop totdat 'n Zoeloe musiekgroep verbystap ... Die versoeking is te groot en word daar toe eers saam dromgespeel. Dit is iets wat die Emeratis en Zoeloes in gemeen het, tromspeel en ritme in hulle hande. (Selfs tydens groot sportwedstryde by die skool, word die trom gespeel en dit sorg vir 'n lekker ritme en atmosfeer)

Na 'n draai deur die Magaliesberg is die volgende stopplek die Krugersdorpse Leeupark. Dit moet nou nie verwar word met die Krugersdorpse Wildtuin waar die eienaar 'n week terug deur sy eie trop leeus verskeer is nie. Die besoekers is maar versigtig en terwyl deur die park gery word bly die vensters net 'n klein skrefie oop want vir leeukos sien hulle nie kans nie. Groot opwinding toe ons met voertyd in die leeukampe is en daar word foto's geneem al is hulle baie versigtig.

Die besoek aan die welpiekamp verloop goed en die manne kom darem naby die kleintjies. (Hulle lyk darem anders sonder hulle rokke)


Die aand se eet langs die Centurion Meer het ook sy eie uitdaging. Ek moes twee of drie maal die kelners oppad na die tafel onderskep om seker te maak dat die bv. die spek uit die slaai verwyder word of om seker te maak dat dit wat bestel is nie deur 'n oneetbare ding (binne die Moslem geloof) besoedel word nie. Harde werk om toergids te speel.