Showing posts with label graduation. Show all posts
Showing posts with label graduation. Show all posts

Wednesday, June 15

En dan is dit klaar ....

Die rondhardloop agter skoolgoed en regkry vir prom en graduation is uiteindelik verby!



DSC_0176


So tussen die aantrekery en betyds weer vir die graduation het ek darem kansie gekry om 'n foto of twee te neem.


DSC_0013


Die funksie het by die Emirates Palace hotel, een van handjievol 7 ster hotelle in die wereld plaasgevind. Hoekom die skool soveel daarop moes spandeer weet ek nie, ... of miskien is dit omdat daar ook van die arabiese "royals" die funksie bywoon.


DSC_0015

Die klas van 2011 kom opgestap - natuurlik seuns en dogters apart so vir oulaas :-).




Na al die toesprake wat hierdie keer nogals kort was, sing die graduations hulle spesiale lied. of dit nou so beplan is of nie, in die dure plek kon ons hulle skaars hoor. As julle mooi loer, sal julle net onder die verhoog sulke goue stoele sien. Dit is waar die royals sit met ons pleps agter.


DSC_0023

Een vir een word die ou kindertjies uitgeroep om hulle diploma van die sheikh te ontvang en saam met dit word genoem waar hulle volgende jaar gaan swot. Van al die kinders is daar slegs twee wat nie gaan nie en sal die klas volgende jaar in bekende en onbekende universiteite reg oor die wereld versprei wees.

DSC_0028

En dan die amptelike aankondiging en die "kepse" word in die lug gegou ..... klaar met skool klas van 2011.

DSC_0036a

Na die tyd is daar weer bietjie foto's geneem en hier is ouboet en kleinsus 'n bietjie verspot. Ons het jou gemis William.

DSC_0185

Een van die klasmaats wat 'n koninklike van die land is, is weens kameras nie daar nie, maar sy stuur vir elkeen van die 90 klasmaats 'n goue ring met elkeen se naam op.


Nog 'n tik op die lysie af ... sy het nouwel haar Graad 12 goed deurgekom, maar nog wag ons vir die internasionale IB eksamen uitslae wat Augustus kom en dan begin die groot voorbereiding vir die universiteit.


Baie geluk sussie, ons is trots op jou en jou uitslae! (Kan ons nou asseblief 'n bietjie minder rondry)

Thursday, April 23

Geluk julle

'n Gradeplegtigheid was nog altyd vir my so half mostert na die maal. Mens skryf mos jou eksamen in November en kry jou uitslae in Desember en hoekom moet jy wag tot April voordat jy jou graad kry? Dan het baie studente al begin werk en moet hulle "verlof" neem om graad te kry. Dis dan ook hoe James die universiteit laat weet het hy sal dit nie kan bywoon nie, hulle moet maar die graad pos - hoe onpersoonlik is dit? Maar soos dit moes gebeur is hy tans in SA vir 'n visa-run en kon hy sy plegtigheid bywoon - as 'n toeskouer natuurlik. Baie geluk met jou honeurs seun. (Amptelik B.A. Hons Sport Wetenskap). Dan is daar natuurlik Leane wat heeltemal kan wegraak in daardie swart rok wat sy moes dra wat haar B.Sc Geology graad ontvang het. Baie geluk Leane en sterkte met die honeurs. Sue jy wat ook hier ver in die UAE sit, hierdie foto is spesiaal vir jou. Bly jy kon daar wees met Leane se funksie seun. Julle vier moet maar gaan eet waar ons verlede jaar was en Leane op uitgemis het en die rekening stuur. Ons is trots op julle!

Wednesday, June 6

TWEE klaar, EEN om te gaan

Gisteraand was William se graduation. Dis iets wat van Amerika af kom en die naaste wat ons by die huis daaraan kom is die "prysuitdeling" aan die einde van die jaar. Die verskil is dat hierdie funksie slegs vir die "Graad 12's" is.



Netjies is die man uitgevat. Dis 'n groot affere hier en behalwe vir die "prom" (matriekafskeid) wat nog voorlĂȘ is hierdie die hoogtepunt van die Graad 12's se skoolloopbaan.



Dis te warm om te netjies te lyk besluit die man. Sy hemp sal maar moet uithang, maar gelukkig kan niemand dit onder die rok sien nie.



Aangesien die "royal" familie se dogter ook graduate, sal hulle ook teenwoordig wees en dit beteken geen kamera mag ingeneem word om die funksie af te neem nie. Ma moet maar die geleentheid by die huis gryp. Weens die belangrike familie se teenwoordigheid is almal ook vir die eerste keer "gescan" voor ons kon ingaan, fone met kameras moes ingehandig word en die polisie was orals.


Aan die einde van die funksie en die man is lekker moeg. Ons het na redelik baie toesprake moes luister en dan het die graad 12's ook 2 liedjies gesing. (En nee James, dit het nie beter geklink as julle groep nie - was ewe sleg). Toe is elke kind een vir een vorentoe geroep om sy/haar graad te ontvang. Van elkeen is gesĂȘ waar hy/sy gaan swot, wat sy prestasies gedurende die skoolloopbaan was en dan 'n foto geneem saam met die Sheikh wat die diploma oorhandig.
Hierdie was die uitnodiging waarsonder ons (met 'n identifikasie met foto) nie toegelaat was tot die funksie nie. En dit alles oor die royal-gesin.
Die funksie is by die officers klub gehou en nadat alles klaar was, het ons heerlike verversings en drinkgoed gehad. Hier is Nelmari en William besig om te snack.
Die aand se program. 66 leerlinge graduate. Hierdie groep is by universiteite in Kanada, Brittanje, Duitsland, Austria, Switzerland, Noorwee, Amerika, UAE, Australie en Suid-Afrika aanvaar vir verdere studies. Die klas van 2007 het ook 6 Suid-Afrikaners (Roxanne Myburgh, Riki Schutte, Lauren Smith, Almari vd Merwe, William en Stefan Jansen) in wat almal volgende jaar by die huis by Kovsies, Maties en Tukkies gaan studeer. Geluk klas van 2007!!