Dis nie net valke nie - 3

Na ons warm hospitaal besoek aan die VIP valkies kry ons middagete. Ons word na 'n eenvertrek gebou geneem met tradisionele sitbanke en Nelmari sit in die hoekie. Die ander deel van die kamer lyk so en mens kan lekker sit maar die opkom?! Die deurwag wat ons by die hospitaal ontvang het was heeltemal opgedress en hy kom ook die kos bedien. Ek kon net deur die deur 'n foto van hom neem dat hy nie kan sien nie. Die kos wat hulle voorsit is tradisioneel met 'n GROOT verskeidenheid hoender in alle vorms en geure selfs eiers :-). En hierdie klomp kos is net vir ons 3 terwyl die kelder in sy tux vir ons dophou. Die tafel is gedek langs die klomp kos op die grond en ons eet sommer so van die vloer af en natuurlik moet ons alles proe. Ons hoor dat die sheikh se hondeteelsentrum naby is, en wil gou gaan probeer inloer. Ek weet nie wie van julle die Arabiese Saluki ras ken nie, maar die saluki's word beskou as die oudste "troeteldier" ras waarvan daar kennis gedra word en hulle geskiedenis kan amper 7000 nagespoor word. Hoe amazing is dit. Eindelik is dit nie vir my heeltemal 'n mooi hond nie, hulle lyk te maer en ek het net die heeltyd gevoel ek wil vir hulle kos gee maar hulle is bekend vir hulle spoed en uithouvermoe. Vroeer jare het die Saluki's deur die Midde Ooste en woestyn vanaf die Sahara tot Caspian see saam met hulle eienaars gereis. Alhoewel ek nie dink die plaaslike mense weet hoe om met troeteldiere te werk nie, is die betrokke sheikh erg oor sy honde. Hulle word geteel vir spoed en daar word gese dat die Saluki selfs vinniger as die "greyhound" van teen 45 mpu hardloop, kan hardloop. Die honde is nie dom nie want alhoewel die eienaars al probeer het, stel hulle glad nie daarin belang om agter elektroniese hase aan te hardloop nie, so as renhonde kan hulle nie gebruik word nie. Hulle se dat die Saluki's wonderlike persoonlikhede het en dat hulle gesinshonde en baie sosiaal is. Die babatjies moet van kleinsaf aan mense gewoond word en toe die ouens sien ons dood oor die honde en baba's het hulle ons binne die hokke toegelaat. Hierdie een het my hart gesteel en hy kon nie naby genoeg kruip terwyl ons hom vasgehou het nie. Hulle se dat mens nie nodig het om hierdie honde te dissiplineer nie en indien jy dit wel doen vergeet hulle nie en sal hulle jou so gou as moontlik terugkry daarvoor. Die saluku's is oorspronklik geteel as jagters. Omrede hulle lae liggaamsvet (hulle lyk vir my siek maer) is hulle vreeslik sensitief vir seerkry en kan baie geraasmaak indien hulle seer het. Hierdie paartjie wat so Nelmari se aandag soek, was dierbaar. Natuurlik het ek vir myself 'n lat gepluk om haar die honde te wys want nou wil sy net een he. Ek kan nou ook sien dat Luie (ons basterbrak) wat saluki in hom het, beslis min gene het want sy body-fat is beslis nie op dieselfde vlak as die honde nie. Hy aard maar seker na sy ounooi

By die valke hospitaal ... naby die valke 2

Ek is nog steeds besig met ons dag by die valke hospitaal ... Ok die arabiere het nou nie hondjies wat hulle ronddra en aantrek soos van die beroemde sterre nie, (ek weet my "beroemde vriendin het ook chichauhaus, maar sy tof hulle nie op nie) en mens kan ook nie 'n valk regtig aantrek nie, maar daar is tog iets wat hulle kan dra om "off te show". Hulle hoedjies of maskers!!! Hier is twee soorte.

Dis soort van 'n trademark vir die eienaars en almal (dis nou die valke) dra verskillende soorte. Hier is van die pasiente met hulle maskers. 'n Masker-parade. Dit help natuurlik ook om hulle oe toe te hou dat hulle nie die ander valke kan sien nie en so bly hulle uit die moeilikheid. Die dr vertel dat by die ryker sheikhs kom die veer van die eerste voel wat die valke vang in hulle hoed/maskers. En dan kry ons 'n kans om self een van die valk vas te hou. Natuurlik moet ons 'n handskoen aankry. Nelmari en die valk lyk heeltemal ok met mekaar. Ek lyk maar ook 'n bietjie skepties en die valk wil niks van my weet nie. Ons twee sal nie 'n span maak nie dit kan ek sien. Hierdie valk kry 'n kwarteltjie vir middagete. Julle moet net hoor hoe kraak die bene van die kwartel terwyl hulle eet. Die teater vir die ernstige operasies. Nou hoor ek wat die rede vir die TV in die ontvangs is. Die operasies hier word direk van hieraf op die TV daar gewys. Wat fun kan dit nou wees om te kyk hoe 'n mede-valk gesny word? Maar moet hierdie hospitaal nie vlak kyk nie want hulle het 'n goeie toegeruste labratorium waar navorsing oor verskillende siektes en kossoorte ens. gedoen word. Daar word ook studente ingeneem wat hulle prakties hier kan doen en die mense kom van regoor die wereld om hier opleiding te ontvang. Hierdie toetse was interessant. Hulle wys hoe daar verskillende goed "gegroei" word om teenmiddels ens. te kry. Op 'n stadium in die valke se lewe verveer hulle ... en dit vat ses maande! Hier kan hulle nog lekker rondvlieg en het allerhande plekke om te sit en kuier. Daardie "hok" agter Nelmari is 'n aircon sitplek vir die valke. Daar is een aan die ander kant van die hok ook en die valke vlieg dan van een aircon na die ander as dit warm is. Ons word ook toegelaat om een van die hospitaal-sale te besoek. Elke valk is in sy eie private kamer met sy hospitaalkaart en masker wat voor die deur hang. Hierdie ou lyk asof hy homself baie jammer kry, of dalkies is dit die groen kleurskema. Daar is ook 'n ICU kamer. En 'n herstel kamer waar die vlerke bietjie oefening kan kry. Hierdie valkie verdien sy eie foto want sy/haar eienaar is 'n baie bekende onder die royals en hy's net Dh150 000 werd (R300 000). En toe is ons klaar met die hospitaal ... maar nog nie met die uitstappie nie ... kom loer weer.

Ons kuier by die Valke hospitaal 1

Ek's altyd baie opgewonde as ek 'n nuwe plek hier kan besoek. So het ons dan hierdie week kans gehad om bietjie by die valke hospitaal te gaan inloer. Die Abu Dhabi Valke hospitaal wat in 1999 geoepen is, was die eerste valke publieke hospitaal in die UAE . Gou-gou het valke van lande soos Saudi, Qatar, Kuwait en Bahrain ook hierna toe begin kom en vandag is dit bekend as die beste Valke Hospitaal ter wereld. Om die rede is die hospitaal ook 'n entjie uit die dorp, maar naby die lughawe en op die snelweg van Abu Dhabi, Al Ain, Dubai en die pad na Saudi gebou op grond geskenk deur die vorige leier Sheikh Zayed.Nou moet julle weet dat soos kamele en perde, is valke 'n baie belangrike dier vir die Emirate. Maar voor ek die storie vertel wil ek julle eers die "ontvangskamer" van die hospitaal wys. Al die pasiente was reeds ingeboek en dit was doodstil, maar ek kan net dink hoe dit hier kan lyk as al die Arabiere hulle valke inbring vir 'n ondersoek, inspuiting, veervervanging, operasie, of wat ookal. Kyk die bankies vir die valkie voor die TV ... ek wonder of hulle kyk? Die plastiek is dat hulle nie op die vloer kan mors nie.Dan is daar ook vir die klein valkies of die valkies wat wil speel en seker nie wil TV kyk nie, 'n sandbak. Mense julle sal nie glo wat hierdie ouens vir hulle valke sal doen nie. Heel eerste word ons na die valke musuem geneem waar die direkteur van die hospitaal, 'n vroudokter van Duitsland vir ons meer van die valke en spesifiek die valke van die UAE vertel. Vroeer het die Bedouine wat in die woestyn bly die valke gedurende die trek seisoen oppad Afrika toe gevang, 'n bietjie mak en gewoond aan mense gemaak en gebruik om klein diertjies soos hase en bokkies vir hulle te vang. Wanneer die ander voels dan weer terugkom, is die valke weer vrygelaat om saam met die ander na hulle broeiplekke terug te keer. Die valke is dus uitsluitlik vir jag gebruik en nie as sport soos in Europa nie. Toe die wetgewing inkom dat geen valke wild gevang mag word nie, is daar ernstig met valke begin teel en het dit ook vir die arabiere 'n sport begin word.

Dit beteken dan ook dat daar van elke valk in die land rekord gehou word en elkeen word met sy eie paspoort toegerus wat rondvlieg makliker maak.(Die eienaars hou dit, hulle vlieg nou nie met die goed in hulle snawels of handsakkies rond nie) Hulle is baie streng met die valkeienaars en as jy nie die paspoort by jou het nie, word die valk gekonfiskeer en kan dit volgens die dr maande vat voordat jy weer jou valk kan terug kry. Die valke word ook met geboorte gering en dan kry hulle nog mikrochips ingeval iemand die ring afsny. Dan word ons na die operasiesaal geneem en daar is baie pasiente wat wag vir kleiner operasie. Hierdie plek is soooo goed toegerus! Van die pasiente wat hulle beurt baie geduldig afwag. Hulle se ons kan een van die operasies bywoon en die pasient word na die tafel geneem. Dis 'n veervervangings operasie .... amper iets soos 'n "armtuck". Maar nie sommer so 'n operasie nie, want die presiese veer word uit 'n hele voorraad vere gekies om perfek by die ander in te skakel. Die instrumente tafel is reg vir die operasie en daar is allerhande goedjies op. Ou valkie kry 'n suurstofmasker om so 'n bietjie te slaap. Hulle se dat die valk 3 uur se narkose kan hanteer. Dan word die valk baie mooi bestudeer om seker te maak hoe groot en hoe lang en hoe breed die nuwe veer moet wees. Hulle maak seker dat altwee die vlerke dieselfde gaan lyk. Die nuwe veer is gekies en reg om vervang te word. Hierdie vorm is vir 'n seerpoot voordat dit in gips gesit word. Hierdie ou is vroeer geopereer en sy poot is in gips. Dit lyk snaaks ne?! Die dr se dat die "gips" baie lig is en dat die valk nog steeds kan vlieg. Ons afveervoel se operasie is klaar en hy word na die herstel-kamer geneem om wakker te word van die narkose. Hy is maar wankelrig aan die begin, maar baie gou is hy gereed en reg om ontslaan te word. Teen die aand sal hy daai nuwe veer al kan uittoets!

Natuurlik is dit nie al nie, want ons kry die kans om self die valke vas te hou, en en en nog ander goed maar daarvan vertel ek julle volgende keer.