Om ses maande besig-te-bly gaan nie een van die maklikste dinge wees vir 'n net-klaar-met-skool-matriekulant nie. Gelukkig is daar 'n kort vakansietjie in SA voordat ons die besig bly moet aanpak tot einde Januarie volgende jaar wanneer die universiteite begin. En van dan af sal vakansies ook nie meer normaal wees nie, want dis sal rondom univ vakansies en visumstempeltjies binne ses maande moet plaasvind.
Maar een ding op 'n slag - so die tydjie voor vakansie moet iets gedoen word, en die meisies besluit hulle wil gaan pottery klasse doen.
Die eerste les word daar baie tyd gespandeer aan hoe om die klei voor te berei.
Dit lyk egter of hulle dit geniet. Lyk asof die "dominee" ernstig dink oor die proses, miskien gaan sy dit iewers in haar volgende preek inwerk :-).
Uitrol is net so belangrik ... kan ook help as mens weer verjaarsdagkoek wil bak, ne Nelmari?
Nog 'n nuwe manier word geleer "coil".
Die hande en vingers word lekker vuil terwyl daar gespeel word.
Van die goedjies wat hulle reeds gemaak het wat natuurlik nog gebak moet word.
Gister het hulle begin om te verf en dit lyk asof die kleurkeuse nie so 'n maklike besluit is nie.
Na die vakansie sal daar nog 'n paar lesse wees en dan kan ons ook sommer sien hoe die eerste paar potte/bakkies/borde lyk. Altwee was dit eens, dat dit baie lekker is om so morsig kreatief te wees :-).
Geniet julle week!
12 comments:
Een van die dae kan jy (en Charmaine) dus spog met pragtige ornamente in die huis wat deur jul dogters gemaak is!!
Hoe voel dit vir jou om klaar te wees met skool Sandra?
Ai Thea ek het nog klein skilpaaitjies wat daar gemaak is jare en jare terug :-).
Ek dink dit sal my heelwaarskynlik eers slaan as sy volgende jaar uit die huis uit is, nou voel dit nog net soos 'n vakansie.
Sjoe vandag besef ek eers hoelank ek jou blog volg. Kan nie glo jou jongste kind is ook klaar met skool nie. Die potte bak lyk of dit 'n fees kon gewees het...
So word mens oud Cecile :-). Hulle het dit vreeslik geniet en ek is baie seker dis nie die laaste sien van die pottery nie.
Gaan dit nou beter na die operasie?
Ek is nuuskierig om te sien wat op die 4de foto gemaak is.
Retha as ons terug is van SA sal die goedjies seker gebak wees en dan wys ek vir jou :-).
Ek is net so nuuskierig om te sien wat gemaak is en waar dit in die huis sal staan want 'n ereplek sal dit verseker moet kry. Dankie vir die aanry maat. Miskien pak ons dit saam met hulle aan as ons almal weer terug is of gaan ons stap en fiks word ???
Ons kan mos altwee doen :-). Laasgenoemde baie beslis
Lekker kreatief!!
Lekker kreatief!!
Ek het pottery klasse op skool gehad en dit baie geniet! Dit is lekker om vir jouself goed te maak.
Hulle het dit vreeslik geniet Toortsie.
Sonja ek kan dink jy het pragtige goed gemaak so met al jou kuns talent :-)
Post a Comment