'n Kleurvolle besoek

So op ons blits-rits deur die Skiereiland maak ons vinnig 'n draai by Ronelle se dogter Anneke en ek kon die versoeking nie weerstaan om hierdie kleurvolle "winkel" af te neem nie. Die plek se naam is, Hadeda Invoerders van goedere van Sentraal Amerika (ok dis nou vertaal) en sommer by die ingang kan mens sien dis nie jou normale "winkel" nie. Hierdie winkel het ook tak in Johannesburg, maar die Kaapstadse een is in 2003 oopgemaak. Hulle het omtrent 2000 verskillende produkte wat spieels, rame, ligte, teels, keramiek, ens insluit.Daar is spieels van Peru in aller groottes en vorms en van Mexico die geteelde spieels wat orals hang. In die kleurvolle hoekie moet ek eers vir Ronelle en Anneke afneem. Dis die winkel se balkon met 'n klomp interessante klei artikels. Hierdie blou muur het weer verskillende grootte kruise op. Partymense gee moed op met al die foto's en "pose" maar om die vrede te bewaar. Hier is nog van die kershouers en spieels en mense wat ek ken stap deur en se, o dit wil ek nog he, o en dit ens. Anneke wys vir ons van die muurbehangsels. Die twee Hadeda meisies staan by 'n kleurvolle kamer vol ..... Hier is hulle afgeneem by die Frida Kahlo se werk.

Daar is ook 'n winkel in Johannesburg, loer bietjie hier vir wat hulle alles het.

Skiereiland in drie uur

Die Kaap sit nog steeds sy beste voetjie voor en ek voel soos 'n regte toeris terwyl Ronelle in 3 uur flat die hele Kaapse skiereiland vir my probeer wys. Daar is dinge om te doen en plekke om te besoek ....Ons begin die dag met 'n heerlike ontbyt by Hillcrest 'n wyn en olyfplaas met 'n pragtige uitsig. Twee tannies, kry ons daar en ons kuier baie lekker. Kyk net daai uitsig! Die ontbyte is iets ysliks soos tannie Ruth hier en tannie Omie vir ons wys. My en Ronelle s'n is 'n geheim. Hulle verkoop allerhande soorte olywe, olyfolie en tapenade. Die plan was om te koop, maar ons gesels so baie dat ek skoon vergeet. Tannie Omie probeer "wegsteek" van die kamera met spieels oral rondom haar. Klaar en die twee tannies help mekaar by hulle motors kom na net 2 koppies tee. Eintlik was die foto vir die uitsig waarvan mens net nie genoeg kan kry nie. Dan vat ons die pad Blouberg toe en mens kan die see ruik en hoor! My gunsteling restaurant by die see en natuurlik moet ons daar ook 'n draai gaan maak. Nog is dit die einde want die waterfront is volgende aan die beurt Ag tog, kyk net hoe mooi lyk Tafelberg. Ons shop nie en loop vinnig maar hierdie barber shop trek onmiddelik aandag en ons moet gou inloer. Is dit nie mooi nie? Vir julle ouens wat die Waterfront nie ken nie, hier is 'n paar van die winkels. Ons ry om Groenpunt waar die branders 'n week terug in die straat geslaan het, en mens kan dit nog effens in die water "sien". 'n Koek en teebreuk word geneem en by die tyd is Ronelle effens op van al die foto's en sy vermom haarself --- of miskien is dit omdat sy twee stukke koek eet. Die plekkie is in De Waterkant en die naam Andiamo. Dan is dit bo-kaap toe waar hulle baie van die ou Maleier huisie begin restoreer het. Kyk net hoe mooi kleurvol en vrolik lyk dit. Dis sulke opdraende strate en mens is jou lewe nie seker as jy met 'n ratmotor bestuur nie :-). Op pad na ons volgende stopplek neem Ronelle die straatjie af, en julle moet se dis mooi! Dis nie die einde van die dag se rondrits nie, maar die res is 'n storie op sy eie. Dis lekker by die huis.

Die Kaap sit sy beste voetjie voor

Waar is die reen, storm en wind waarvan almal gepraat het? Die weer is heerlik!! Na 'n lekker vlug en drama met die motorhuur en alles kom ek sonder verdwaal by Ronelle aan ... ek's baie trots op myself dat ek die pad kon kry. Lekker hoenderpastei en patats vir aandete saam met Hecele, Ronelle, tannie Ruth en die haan onder die henne Hennik. En vir nagereg lekker malvapoeding. Wat sal die twee vir mekaar hier se? Ronelle neem my vir 'n toer orals langs die see en ek sal julle nou al my favorite plekke wys, maar kyk net hoe mooi oop was die lug sonder reen in die lug.