Met ons onlangse reis was die seuns se versoek "bring vir ons 'n skotse rok saam" - dus het ek alle reg nadat ek swaar aan die rokke gedra het, om te vra dat hulle dit moet aanpas en wys.
Die manne is groot sports en selfs met die rokke aan kom elkeen se persoonlikheid uit. Kan bysit dat daar lank in die kamer gekoukus is voordat die manne kom wys het. Met kommentaar soos "dis moeilik om trappe te klim met 'n rok" kom ons eintlik by die "pose" uit.
Daar is sekere gerugte oor die dra van die rok en James maak seker William is "reg" aangetrek. Hyself gee 'n regte "macMonroe" pose en William skrik hom oorhoeks!
Dankie seuns dat julle sulke goeie sports was al het julle goed geweet die kamera gaan rol. En sien ek het my belofte nagekom en nie AL die foto's opgesit nie :-)!
