Tuesday, January 10

Die Oase dorp

Met die land wat so 'n daggie of twee vakansie gehad het oor die Nuwe Jaar en die heerlike koeler weer wou ons 'n slaggie weer gaan kuier in Al Ain, die tuindorp van die UAE. Ek gaan nie weer 'n hele klomp foto's wys en vertel van die dorp nie, net nuwe updates :-).


DSC_0003


'n Besoek aan die dieretuin was eerste op die lysie want mens kan actually nou in die dag in die son loop. Nie baie plekke wat mens kry wat lyk asof die moskee binne die dieretuin is nie.


Page1


Ons kon lekker rondloop en kyk en party het selfs 'n baadjie gedra so koel was dit.


DSC_0058


Berge is daar nie baie in die land nie, dus neem mens hulle af as jy voor, langs of bo-op hulle is.


Page2


Van die dieretuin na nr 2 op die lysie, die berg Jebel Hafet. Hier is daar baie verandering vandat ons laas daar was. Daar is nou 'n pad wat mens kan oploop boontoe en die meisies het dit gedoen en daar is selfs tafeltjies en stoeltjies sou jy wou stilsit in die son. Maar soos orals in die wereld het 'n paar dwase ook hulle name op die berg begin skryf.


Page3


Die sheik se paleis sit nog hoog waar die arende vlieg met 'n hele nuwe uitkyktoring aanbouing op die foto onder regs.


DSC_0085


Ek verkyk my nog elke keer aan hoe groen hulle besig is om die berg en omgewing te maak met hulle aanplantings


. DSC_0088


Orals is daar ook nou inligting oor die berg en wat hulle alles al daar ontdek en uitgegrawe het, dus het die "ons het die berg al gesien" nou baie nuwe stories vir ons gehad.


DSC_0095


En soos mens aan die onderkant van die berg kom is die sproeiers vol oop besig om die berg se nuwe gras nat te spuit.


Altyd lekker om in Al Ain te gaan draai, dit voel nog baie platteland.


Almal wat terug is by die werk, sterkte!!


4 comments:

retha said...

Enige stukkie grond wat 'uitsteek' maak n verskil aan die omgewing. Om dan ook van bo af te kyk is besonders.

Sou die sjeik kyk vir vyande vanuit die toring of geniet hul die ook die uitsig.

Sandra said...

Retha ek dink dis seker maar vir die uitsig alhoewel daar baie satelietskottels langs die paleis is. Persoonlik dink ek dis dom om bo-op 'n berg te "skuil" want hier sal soldate nie deur die woestyn kom nie maar met 'n vliegtuig :-)

Anonymous said...

Sjoe! Omtrent 'n paleis, né?

Sandra said...

Toortsie daai dubbelbaan pad was spesiaal gebou omrede daar 'n paleis is.