Ons ou landjie daar aan die suidpunt het baie mense wat hulle merk hier in die UAE maak, en een van hulle is Ronelle. Jare terug met haar kennis gemaak by die veearts en tot baie onlangs was sy ons buurvrou. Haar storie is 'n lang een, maar kortliks - sy het begin om na jagluiperds vir die sheikh te kyk en het ook so gehelp met die ontwikkeling van 'n wildpark hier in die woestyn in ons dorp. Menige diere is in haar villa met die hand grootgemaak. Maar ek kan jou belowe hierdie diere is nie troeteldiere nie. As hulle eers self kan eet dan is dit terug na 'n natuurlike habitat. So een oggend is ek en 5 kinders soontoe om 'n bietjie te gaan kuier.
Ons ry met lekker vierwiele na die hokke om eerste te gaan kyk wat die "mak" diere doen. Hierdie apie hou defnitief van die verversings en die "Dhabi" bokkie - lyk baie soos 'n springbok, en ook waar die naam van die dorp vandaan kom - is ook met die handgrootgemaak en kom vir 'n koppie krap van sy mens-ma. Die ontwikkeling en bouery aan die "park" is nog nie klaar nie, maar die eende en voels geniet duidelik die water so in die woestyn.
Hierdie bokke was vir my baie interessant. Met nie baie klippe tot hulle beskikking nie, is die arme skilpaaie gebruik vir orals waar hulle wou bykom.
Dis regtig mooi hier en hulle verkyk hulle aan die wit tier, 'n paar mara's en oa krokkodille. James lyk baie verlig dat die grootes in 'n omheinde plek is.
Dan is dit tyd vir die leeus en William het werklik uitstekende foto's tydens die uitstappie geneem. Sy het ook 3 wit leeus waarvan een ou grote 'n regte baba is. Hy wou net he "sy ma" (Ronelle) moet sy kop krap maar vir ons ander het hy baie honger en reg gelyk vir 'n happie. So twee plus jaar terug was die leeus in die linkerkant onder klein baba'tjies in ons buur villa en het die kinders kans gehad om hulle vas te hou hier. Later het William hulle gaan babysit terwyl sy gewerk het hier en hier en hy kon nie glo hoe groot die twee geword het nie. Nou sal mens dit nie waag om met hulle te speel nie.
Die jagluiperd en jakkals is baie rustig terwyl die tier kom loer wie maak die geraas. Lyk asof Elriza vir die diere se "stay" sodat sy 'n foto kan neem. Is dit moontlik dat sy die leeus met haar chihauhaus verwar?
Die kinders het hulleself geniet - kyk net hoe hou daai leeu vir Wiehann dop terwyl James styf vashou met 'n vrou agter die stuurwiel. Elriza en Leane praat en verduidelik vreeslik en dink nie dit het iets met troues te doen nie :-). Hierdie jakkals het sommer tande gewys van lekkerte toe hulle hom kielie.
Daar was wel baba leeus, maar as julle na hulle voete kyk sal julle sien hoekom mens hulle nie meer optel nie. Heelwat van die diere is swanger en ons sal maar weer moet gaan om na die baba's te kyk.
Lekker warm, moeg en dors na die uitstappie. Die kameraman moet in die kattebak sit vir die terugry en dis ook al ou foto'tjie wat ons van hom vir die dag het.
11 comments:
Die arme skilpad!
Om van die Dhabi bokkie te hoor is ook interessant
Ek gaan die Dhabi-bokkie verseker bietjie Google. Interessant, Sandra! Ek raak rerig by die dag meer impressed met die Arabs.
Ja Retha die skilpad weet nie of hy 'n skilpad, klip of leer is nie :-).
Wat ek nie gese het nie Vlam, is dat meeste van daai diere "afgevat" is by van die local eienaars wat hulle invoer en dan nie na hulle kyk nie of nie weet hoe om na hulle te kyk nie.
Sjoe Sandra, julle het die interessantste uitstappies. Hoe kom jy van al hierdie dinge te hore?
Marietjie
Wat n pragtige klompie jongmense Sandra. Ek het nou so lekker die afgelope tyd saam met julle "gejol". Dankie dat jy al hierdie dinge met ons deel- en ek vra weer: is jy seker julle bly in die woestyn vriendin?
Hi Marietjie, hierdie spesifieke een omdat ons vir Ronelle ken maar ons (en veral die kinders) hou maar die koerante dop. Het jou toe jou kinders Atlantis toe geneem?
Partykeer wonder ek ook Nimsi :-). Jy beter? Stem saam met jou dis 'n oulike klomp kinders ;-)
Sjoe, julle is van die een interessante uitstappie na die volgende! Sê geluk aan die fotograaf vir die mooi fotos. En geluk aan jou wat soveel uitstappies organiseer! Ek dreig al how lank om die kleinkinders dieretuin toe te vat - saam met hulle ma's natuurlik - maar WANNEER? Almal is so beeesiig!
Ja Miekie "besig" is die inwoord van ons tyd. Ons moes maar lekker rondhardloop tussen die uitstappies deur oor "besig", maar het lekker kuiertyd met die kinders gehad.
Ai ons was altyd so lief vir die Pta dieretuin, jy sal moet gaan kyk en vertel of dit nog lyk soos altyd.
Maat so baie dankie vir die baie moeite wat jy vir die kinders maak en dat jy myne ook altyd insluit. Jy is kosbaar.
Nee, ons het Atlantis toe laat verbygaan en die Corniche strand aangedurf. Hierdie keer het ons nie natgereën nie! Ek hoor die Al Ain Zoo is pragtig.
Marietjie
Jy weet ek geniet jou kinders net so maat :-).
Dit is Marietjie. Gaan loer bietjie by http://tussen-die-duine.blogspot.com/2009/04/ons-is-weer-kinders.html ek het daarvan vertel.
Post a Comment