Showing posts with label SA Okt 08 E. Show all posts
Showing posts with label SA Okt 08 E. Show all posts

Friday, October 3

Die walvisfees

Die vrou-van-die-pa-wat-alweer-op-vakansie-is-en-walvisfees-bywoon, LOL, het hierdie foto's ontvang van die fees. Dit lyk vir my darem alte koud daar by die see. Die jaarliks walvisfees by Hermanus was vanjaar tussen 24 en 28 September en dit dien 'n tweeledige doel ... die suidelike noordkapper se terugkeer na hulle waters en die begin van lente! (Wat is lente sonder 'n lekker reenbuitjie?) Eddie en Des het die gebeure gaan besoek. Die leefstyltentoonstelling is by die markplein gehou en dit het gewemel van mense. Daar was ook kunsuitstallings van kunstenaars van die omgewing. By die laerskool was daar 'n uitstalling van amper 200 veteraan motors en ek's seker die manne het heerlik gekwyl oor 'n "aftree-kar". En 'n Whale-of-a-time wynfees .... Hier is Des ernstig aan die proe. Daar is ook musiekopvoerings deur Karen Zoid en oa die Bats gehou (genugtig ek het nie gedink die groep bestaan nog nie of is dit 'n nuwe een?) Des en Eddie was dit dalk pensioenaris dag?Allerhande goeders het nog aangegaan die heel week met die hoofattraksie die walvisse wat heerlik vir die toeskouers "perform" het. Dit lyk asof die twee manne lekker gekuier het.