Khalifa park, museums en fonteine

Ons is nog steeds in die Khalifa Park met al sy plekke om te sien, te speel en fonteine.
Die heritage museum so op die sandvlakte
'n Hoekie van die museum. Ongelukkig het die voeltjies al begin nessies maak in die deur terwyl dit wonder "maintenance" is en ons kon nie die binnekant sien nie.

Hier is een van die tuine. Hulle tuine het sulke interessante name soos Islamic garden, Education garden ens. en ons het ernstige probeer uitvind hoekom en waarom die name.
Met die museum ook onder "maintenance" het die wag ons darem toegelaat om na die aquarium se vissies te gaan kyk. Hulle het regtig die mooiste groot tenk met vissies in. Hierdie is deur een van die venstertjies geneem.
Die restaurant dolleeg met alles wat gesluit is. Dit kyk uit oor die hele park.

Met die terugstap loop ons aan die fonteine kant af. Dit lyk dalkies heerlik koel maar laat ek vertel dat die weer ernstig aan die optel is.
Nog een van die fonteine tussen twee "bloeisellose" bome (dis mos lente hier)!
Die fontein van nader sodat julle kan sien die binne koepel is goud. Hier is nog so baie om te sien wanneer alles oop is, so ons kom weer eendag terug.

Khalifa park, treintjie

Iewers rondom 2003/20204 is daar 'n tender uitgesit vir 'n park in Abu Dhabi vir die al die mense van Abu Dhabi. 'n Plek vir pret en vermaak, maar ook vir geskiedenis en kultuur. Eers verlede jaar gedurende Ramadan 2007 is die park vir die eerste keer vir die publiek oopgemaak. Iewers langs die pad het ons geslaap, want so kon ons eers Februarie 2008 die park besoek

Die park het verskillende speelparke, tuine, fonteine en museums waarvan 'n paar natuurlik toe was met ons besoek "under maintenance" (en julle wil nie weet hoe lank maintenance in hierdie land vat nie). Hierdie is die tweede ingang .... as mens eers deur die ingang is, is dit die eerste "feature" van die park .... die amfiteater.Die teater waar hulle allerhande demonstrasies en goed in sal hou.
Vandaar nog 'n ingang wat die oa die noodhulpkamers huisves.
Vandaar het ons die Khalifa Park treintjie gevat om reg rondom die park te ry en te sien waar alles gelee is - dis nogal 'n groot park om deur te stap.
Ons ry verby allerhande parke vir die kinders. Daar is ook een uitsluitlik vir vrouens en kinders met 'n hoe muur om waar daar 'n swembad is vir die kinders om te swem.

Hierdie toilet in die sandvlakte het my so laat dink aan die wildtuin. Ons wou nie regtig die hitte aandurf om dit te gebruik nie.
Nog 'n groot speelplek vir kinders.
Hierdie is die aquarium en 'n museum. Ongelukkig was dit onder "maintenance" alhoewel hulle ons toegelaat het om in die aquarium in te loer. Die ouens kan maar nie dinge op 'n klein skaal doen nie en ek wys more die res van die park.