Die eerste klomp dae spandeer ek maar in en op die bed met allerhande kwale wat opduik. Intussen sneeu dit nog dat die biesies bewe en ek geniet die koue weer.
Die eerste uitstappie is na 'n winkelsentrum om oa sneeuskoene te kry en ek verkyk my hoe die mense nie so baie warm klere soos ek aanhet nie.
Die omgewing lyk mooi soos 'n Kerskaartjie en hulle besluit dis tyd om die kersboom op te slaan en te versier. Hoe het ek Lara nie toe geniet nie, want sy het almal eers gestop ... sy moet eers die atmosfeer reg kry en dan kan die boom opgeslaan word.
Sy het kersmusiek aangesit, die kaggel laat brand, hot chocolate vir ons gemaak en toe toestemming gegee vir die opslaan.
So 'n wonderlike tyd om saam met die drie te kon deel!
Nie meer lank nie Leane, dan is sy amptelik langer as jy.
Loof die Here, want Hy is goed
want Sy goedertierendheid is tot in ewigheid
1 Kronieke 16:34
Volgende keer vertel ek van 'n dorpie met die naam Fort Langley
Mooi bly
Liefde
Sandra
No comments:
Post a Comment