Dit kan net hier gebeur - 25

Ons slaan die hitte en Ramadan so in dieselfde maand.

Alhoewel dit 'n maand is vir die plaaslike geloof om te vas, is dit die maand wat mens nie kan leef of beweeg in die winkels soos wat hulle kos kom vir die vas nie - jip waar hulle eetdag gewoonlik oor 'n normale 24 uur moet wees, is dit gedurende Ramadan 'n skrale 10 uur en probeer hulle soveel as moontlik in so min as moontlik tyd eet.  Iewers langs die pad het die regte rede vir die vas by die venster uitgewaai.  

Maar net om te vas is nie al wat vir hulle "ewigheidspunte" gee nie, om goed te doen doen ook.  So waar in die wereld kry mens 'n supermark waar jy kos verniet kan vat?  

Ons moet in gedagte hou, volgens die opskrif by die rak dat dit slegs vir mense sonder geld of mense wat werkloos is is --- en dit in 'n land waar daar veronderstel is om geen werkloosheid en of mense sonder geld is nie. 

Dit is egter 'n goeie gebaar.

'n Nuwe uitdaging wat voorle

Twee weke van nou, le 'n heerlike nuwe ervaring en uitdaging vir ons voor, wanneer ons Zambia besoek vir 'n uitreik by 'n sendingstasie   naby die meer Tanganyika. 

 

 

Die sendelinge by hierdie stasie is hoofsaaklik plaaslike mense wat dit hulle misie maak om mense van Jesus se liefde en die Bybel te vertel en meeste van hulle sonder ondersteuning van hulle familie, vriende of kerke. 

 

 

Daar is verskeie projekte wat van hieraf geloots word.  Een van hulle is verskeie kerkplantings teen die meer wat tot in Burundi strek.  Die skooltjie wat hulle begin het, het vanjaar 85 weeskinders tussen grad 1-4 wat hulle daaglikse maaltye ook by die skool kry.  Die skoling is gebaseer op "biblically-based education" en vervul die onderwysers ook baie keer die rol van ouers vir die kinders. 

 

Sport en veral sokker is groot in die land  en daarom is 'n bediening rondom "Life Coaches" begin waar jong mense kom vir sport toernooie en afrigting en dan daarmee saam ook klasse kry in oa hoe om 'n klein besigheid te begin, hoe om te boer en om handwerk te maak om te verkoop. 

 

Rondom 1990 het hulle 'n boot the Good News begin gebruik om ook mediese hulp te verskaf aan villages wat op geen ander manier as met die meer bereik kan word nie.

Daar is nog 'n paar bedienings waarvan ek deur die loop gaan vertel en ons sien uit om daar te gaan besoek en te help.  Al hierdie bediening maak staat op hulp van mense oa deur diens lewering en/of fondse en gebede.

Tans is ons besig met ons eie voorbereiding vir hierdie uitdaging en ons is "versigtig" opgewonde want dit gaan nie heeltemal so maklik vir ons wees nie. 

 

Dit sal goed wees as ons weet dat julle saam met ons gaan en ons ondersteun met gebed.