In hul "tradisie" het die skool voluit gegaan om ons te verwelkom en ook hulle manier van dankie se vir 'n projek wat nog nie eers voltooi is nie. Elkeen van ons is verwelkom met 'n groot geel plastiekblom.
En definitief die kersie op die koek .... verwelkomingsdanse deur die kultuurklub se boesmans.
Die hele skool was reg vir ons en daar is toesprake gemaak, items gelewer deur kore en agterna gekuier. Vir heelwat van die kleintjies was die ure lange "saalbyeenkoms" net te veel.
Die dorp het regtig so goed na ons gekyk gedurende ons verblyf en na die oggend se lang sessie was dit heerlik om by 'n lodge op die dorp rustig te sit en middagete ete. Lekker bobotie en gunsteling groentes.
En daar was net nie einde aan ons jongmens se energie nie.
En soveel geduld met die kleintjies.
Die een ding wat vir my soveel anders is as by die huis, waar ons kinders baie keer meer het as wat hulle nodig het, is dat elke dag en selfs die speletjies met gebed begin en geeindig word.
Die aand het die twee oudste jongmense met die tieners in die koshuis gepraat terwyl die tannies en tieners die bybelstudie by die koshuis vir die kleintjes gedoen het.
Die volgende dag het ons ses met al die kinders in die skool gewerk. Die senior klasse het 'n kunsprojek saam met Elriza gedoen.
William en die tieners het met die middelgroep gespeel.
Die kinders was baie trots op hulle kunswerk wat verskillende bybeltonele uitgebeeld het.
Die tannies het by al die junior klasse 'n bybellessie oor bybelkleure gaan aanbied.
Die aand het ons groep weer opgedeel toe die oues van dae en tieners vir die junior kinders musiek en 'n lessie kon aanbied.
Die ander twee met die tieners het weer speletjies gespeel en ook geselsies aangeknoop.
'n Wonderlike paar besige dae en min het ons geweet wat die volgende dag voorle.
2 comments:
Dit is baie werk, en daardie kuns projek!
En nou los jy my baie nuuskierig.
Die kinders het dit baie geniet en ek dink dat meeste van die prente het baie goed uitgekom.
Post a Comment