Die dames is plesierig ...

Op die blogfront gaan dit maar stil, maar dit is ook waar die "stil" ophou.  Behalwe vir die nuwe "blogger" uitleg waaraan ek moet gewoond raak, is my rekenaar ook nie meer die staatmaker wat dit was nie.  In die hitte "vries" dit elke paar minute en word 'n blog partykeer meer as drie keer oorgeskryf.  EN dis die einde van die jaar vir ons, alles sluit af en dit beteken dat ons lekkkeeerrr besig.

Om fondse vir ons uitreik Namibia te kry, is daar besluit op 'n damestee ... soos wat ons by die huis hou!  Dit het ons laat rondhardloop, maar met die entoesiasme wat dit ontvang is, is dit iets wat gekom het om te bly.  Daar is gou-gou besef dat ons nie genoeg tafels het om almal te akkommodeer nie.  Wat 'n lekker probleem.

Die gasvroue het hard gewerk om hulle tafels mooi te maak en met eetgoed te laai.

En die tafels het so mooi gelyk.  

Dieselfde tafels, maar elkeen anders soos die gasvrou haar stempel op haar tafel afgedruk het.

Ons gasspreker het net twee dae tevore vanaf Amerika ingevlieg en gou-gou almal se aandag gehad.  Natuurlik ook ons musiekspan wat eers die dames in worship gelei het, en daarna terwyl almal lekker gekuier het, heerlike agtergrond musiek verskaf het.  

En toe is daar gekuier mense ....   Ons tieners onder regs se tafeltema was Alice in Wonderland en hulle het op die einde die tweede plek gekry.
 

Die kuiers was meestal in Afrikaans .... lekker ....!  Die tafel onder regs was ons wentafel.  Maar ek dink in die einde het almal gewen, want ons het lekker gekuier en lekker geeet.  Sonder twyfel maak ons volgende jaar weer so!