Begin van die maand is 'n paar sandkunstenaars ingebring om te kom "sandkastele" bou. Net so vinnig soos hulle hier 'n paviljoen sal bou wat duisende kan hou vir een dag en dan na die naweek opbreek, so vinnig is 'n groot deel van die sypaadjie in 'n strand gemaak waar die ouens hulle kunswerke kon maak. Ek dink nie die "kastele" was so indrukwekkend soos die vorige keer nie, maar dit is darem nog steeds 'n kuns om sulke werk te maak.
'n "Sandberg" van gesigte.
Die groot moskee teen 'n sandduin en ander arabiese geskrifte.
Hierdie een is vir my die mooiste, een van die ou fort.
Nog kunswerke van kamele en forte. Daar was ook 'n sandhoop waar kinders hulle eie kastele kon bou en rye stalletjies wat arabiese goed verkoop het.
Toe ons 'n dag na die uitstalling by die strand stop, was die sypaadjie weer heeltemal skoon en mens kon nooit raai dat dit vol sand gele het nie.
5 comments:
Dit is regtig baie mooi! Hier is op ons strande altyd so een of twee outjies wat dit ook doen vir n donasie. Hulle verstom my altyd met hulle vermoens om iets van sand te maak.
Mathys dit vat verseker baie geduld om so iets te skep.
Regtig verstommend! Vergeet die kunssinnigheid, die geduld alleen verdien 'n medalje! :-)
As mens kan, dan kan jy!! Beeldhouers in eie reg!
Ek stem Vlam ek het ongeduldig geraak om 'n gewone sandkasteel te bou :-).
Hulle is Thea en dan word hulle nogal klomp betaal om iets te skep wat afgebreek word.
Post a Comment