Uit op ‘n leeujag

Het al 'n paar keer oor die wildpark hier in Abu Dhabi geskryf en dis altyd leker om vir die diere daar te gaan kuier.

Hier is 'n paar foto'tjies wat William geneem het. Hierdie ou was nie baie lus vir mense nie .... wat 'n pragtige dier.

Die rooi katte het maar rustig le en alles uitkyk.

Lyk of hierdie ou koud kry - darem baie soos 'n huiskat.

Hierdie tweetjies was baie lief vir mekaar. Hulle het 15 van hierdie bobbejane by iemand se villa gekry en hulle is nog ernstig besig om aan te pas.

Is dit nie 'n oulike enetjie nie?

Hierdie outjie het so gehou van kielie, hy het sommer so agteroor gele terwyl Elriza hom gekrap het.

Met hierdie skilpad het ek sommer iets geleer. Hy het 'n ander een geboelie dat die bloed loop en sommer vinnig rondgeloop na 'n ander een vir nog 'n fight.

Een van die wit leeus.

Sy het met haar bene so teen die muur gele want dis koud van die aircon binne hulle kamer.

Hierdie ou het so 'n bietjie in die middagsonnetjie gerus.

William en Niel is maar versigtig terwyl hulle met die leeumannetjie kuier.

Is hierdie luiperd nie pragtig nie?

Lekker om so in die woestyn bietjie uit te kom in die buitelug!

Groete hier uit 'n koeler woestyn.