Monday, March 26

Wonder ….bus of boot

Altyd lekker om iets nuuts te doen en alhoewel ek al van hierdie bus gehoor het, was daar net nog nooit die geleentheid om dit self te ondervind nie. Maar verlede naweek wel, en kan ek julle sommer ook 'n ander deel van Dubai wys.

DSC_0001

Ons kry die bus voor een van die malls wat ons nog nooit besoek het nie ... ja daar is sulkes :-).... en dan ry ons deur die ou deel van Dubai.

15_2

Na sowat 15 min in die strate, vat die bus ... of is dit nou ... boot die water.

DSC_0012

Die busbestuurder of skeepskaptein vat ons al langs die Creek af deur die ou dele.

DSC_0026

Dis maar 'n deinserige oggend, maar mens kan voel die somer hier is oppad. Maar mens kan sien die besige "Saterdag" verkeer op die water sien.

Page1

Watertaxi's of abras is volgelaai soos hulle die mense van die een na die anderkant van die Creek neem. Die oues kos maar dhs1 (R2) en is baie gewild in die nie-somer tye. Daar is klompe ander taxi's wat meer kos en a/c het, maar dit is teveel vir die werkers en die besoekers verkies ook om die weer en ondervinding op die oop abras te ervaar.

DSC_0057

Daar is heelwat interessante geboue te sien en natuurlik hierdie moderne houtboot wat aan een van die hotelle behoort.

Page2

Orals is daar ook van hierdie restaurant-bote te sien. Dit kos so dhs300 (R600) per persoon as jy vir twee uur op die creek wil vaar terwyl jy eet.

DSC_0068

Daar is twee van hierdie bus-bote en die ander een is so 'n kort koppie agter ons op die roete.

Page3

Een van die banke langs die creek gee ons kans om onsself in sy vensters te sien.

DSC_0098

'n Ou souk waar daar baie winskopies te kry is. Hierdie een het klompe materiaal winkels.

Page4

Hier is 'n heritage village museum.

DSC_0102

'n Klomp ou geboue, winkels en blyplekke by 'n watertaxi staanplek.

DSC_0112

'n Restaurant.

Page5

Nog deel van die heritage village. En dan is ons watertoer verby, die boot verander in 'n bus en ons vat die pad terug deur nog 'n ou deel na die winkelsentrum.

'n Baie interessante en "anderste" ondervinding.

Wednesday, March 21

'n Anderkant van die woestyn

Nog steeds besig om deur die ou foto's te werk en behalwe vir die vele kampe langs die see, was in die wadi's ry ook hoog bo-op die lys. Soos in die woestyn ry, was dit ook een van die mans se speletjies waar hulle die motors bietjie deur al die terreine kan toets. In een van my vorige blogs hier vertel ek bietjie meer oor wat 'n wadi is en hoe dit daar lyk. Op hierdie trippie was die kinders beloof dat hulle bietjie kan gaan swem - natuurlik dat hulle kon stilsit tydens die 4x4 speletjies.

img363

Daar word in die droe rivierloop opgery opsoek na water.

Page2

Dis moeilik om te dink dat mens iewers kan gaan swem so tydens die stop vir middagete want dit lyk maar klipperig en droog. William en sy maatjie Marnus is egter reg ingeval die water kom terwyl Nelmari bietjie nader kennis maak met 'n bok.

img372

Tot groot vermaak van die volwassenes in die motor is William heeltemal "gesnorkel" en reg vir die water in die berg - ons het mos belowe hulle sal kan swem.

Page1

En wanneer die water gekry word is dit eers speeltyd vir die motors en hul eienaars.

img364

En nou lyk die piekniek plek nie meer so droog en klipperig nie.

Page3

En uiteindelik kan daar geswem word!

Friday, March 16

Lank, lank, gelede

Baie jare terug toe ons hier in die woestynland aangekom het, was naweke en malls heeltemal uit om die eenvoudige rede dat daar geen malls in ons dorp was nie. Dus was een van die naweekaktiwiteite vir ons om sommer net so langs die strand te gaan kamp

. Page1

Een so 'n "gewilde" plek vir jare was op die strand by Fuijerah net so onder die berg. Daar is mooi gesoek na die regte plekke sodat mens windbeskut kan wees, en tog 'n lekker strand he, ens. ens. Dan met die aankom, het elkeen presies geweet wat sy/hy werk was vir die opslaan en inrig van die kampplek.

img354

Dit was oopsee, maar die water was spieelglad en stil, en ons kon vir ure daarin rondhang. Vir ons Kapenaars was dit spesiaal want hier het ons die see en 'n berg gehad.

Page2

Die kinders het hulself ure lank vermaak met allerhande wateraktiwiteite en ons het nie vir een sekonde gekommer oor waar hulle is en wat hulle maak nie - die hele strand was hulle sin.

Page3

Daar was stortgeriewe en met 'n grafie en toiletpapier was daar ook 'n toilet :-) (op die foto is een juis oppad badkamer toe). Ver van die winkels is daar na die naaste moskee gery, onder die boom parkeer en dan waterbottels volgemaak.

img353

Saans met sonsondergang was dit die mooiste prentjie en so doodstil, nie eers 'n brandertjie nie.

img340

Die kinders het kampvuur gemaak met hout wat saam aangery is, en daar is vir ure lank lekker kampvuurstories vertel.

img352

Dit was ons uitsig op snoopy eiland.

DSCF2738

Vandag se uitsig vanuit 'n hotelvenster teen die berg na snoopy eiland. (foto van internet)

img344

Die uitsig na die anderkant.

DSCF2744

En vandag presies op dieselfde plek, die uitsig (foto van internet)

Ons het geweet hoe om 'n kampplek uit te kies ne? :-)

Sunday, March 11

Wat volgende? ~ vir die koffiedrinkers

So oor die jare het ek vertel van allerhande nuwe idees wat die ouens vir die kameel uitdink .... Dit het gewissel van skoonheidskompetisies tot produkte. Daar was die kameelmelkskommel, kameelsjokolade en nou ........

3512270736

'n Kafee in Dubai wat spesialiseer in kameelmelk-cappachino's, lattee, kameeltee, kameelsmoothies en natuurlik ook melkskommels!

Daar word gereeld vertel hoe goed kameelmelk nou eintlik vir mens is, van laag in vet tot ryk in vitamines wat help vir die bene en "anti-ageing" soos hulle dit adverteer :-).

Met die Arabiere wat so dood oor koffie en kamele, kan hierdie winkels 'n klein goudmyntjie word. En natuurlik 'n geleentheid vir besoekers om die produk te proe.

Ekself is nie so gemaklik met die drink van kameelmelk in enige vorm op hierdie stadium nie.

Sal maar net normaalweg moet oudword sonder om die melk te gebruik :-)

Wednesday, March 7

Woestyn plaaswereld

So eenkeer 'n maand vat ons die pad in die rigting van die woestyn om op 'n klein dorpie so 'n paar uur van Abu Dhabi 'n diens vir die mense daar te gaan hou. So 'n tydjie terug het ek julle vertel in watter storm ons verlede maand soontoe moes ry. Dis alweer 'n maand later en ons ry eerskomende naweek weer soontoe, en net vir die "rekord" die wind waai nog steeds, nie meer 'n hond uit 'n bos nie, maar sommer 'n hele kennels uit die woestyn.

DSC_0071

Ek neem wel foto's van die dorpie, of dit wat ek al gesien het, maar moes 'n bietjie gaan uitvind waarvoor Ghayathi, behalwe sand natuurlik, bekend is. Dis 'n dorpie wat grootliks uit die bedouine gemeenskap bestaan en is bekend as die "plaasarea". Nuus vir my want ek het nog nie plaas gesien nie

DSC_0065

Ek lees hulle het selfs 'n tydjie terug op hulle grens fossiele wat 8miljoen jaar terug dateer ontdek. Nou as mens die afdraai vat, is dit die arbeiderskampe wat die eerste indruk van die dorpie gee ... maar dit kan misleidend wees, want die prentjie verander elke paar meter.

DSC_0088

Daar is heelwat welkom bordjies oppad in die dorp in.

DSC_0092

Dis 'n klein "boere/bedouine"gemeenskap en die dorpie het volgens inligting al die nodige geriewe soos 'n paar winkels, 'n petrolstasie, ATM, twee restaurante en twee supermarke. Daar is selfs 'n klein gemeenskappie van Saffer onderwysers wat daar skoolgee. Hulle vertel dat die kinders sommer in die winkel by die bv visafdeling mekaar met die visse sal slaan en dan net aanloop as hulle klaar gespeel het :-)

DSC_0094

En dan net as mens jouself wil vra hoekom mense so in die sand sal bly, verander die paaie en lyk dit so. Dan kan mens begin glo dat daar plase in die omgewing kan wees alhoewel baie van die vee boere sommer nog in tente bly. As die weer hou sal ek volgende keer die tente in die dorp afneem - dit lyk asof dit moeilik is vir die mense om van die tent na 'n huis skuif te maak :-).

DSC_0014

Die eerste sirkel is ook waar ons afdraai en ons sal beslis die dorp van nader moet gaan kyk op 'n stadium. En laat ons mekaar net weer herinner ... hierdie groenigheid, is in die middel van 'n wye groot woestyn.

DSC_0100

Oppad terug kry ek kans om weer een van hulle blomstanders af te neem. Jare terug was dit taamlik algemeen in Abu Dhabi. Vir die wat nie weet nie, daar word blomplantjies in daai gate gesit en dan het mens een groot blomboom wat baie vrolik lyk. Gewoonlik het hulle dan net die dooie blomplantjies met 'n nuwe een vervang en het dit lank mooi gebly. Ek weet nie of hierdie een nog gebruik word nie, sal maar dophou.
Groete van 'n winderige, sanderige, Abu Dhabi.

Friday, March 2

Die fort deur die jare

'n Grootte werk wat ek vir myself gegee het ... om al (of meeste) van die ou foto's oor ons tydjie hier, te scan in in folders te bere op die rekenaar .... en daar is sooooo baie. Maar dit beteken ook lekker teruggaan op ou onthou's en ook sien hoe die land hier in al die jare verander het. Lank lank gelede nog voordat daar enige malls in Abu Dhabi was, het ons baie gereeld langs die see of in die woestyn gaan kamp en dele van die land gaan ontdek.

img295

Een van die gunsteling trippies was af na die Fuijerah kus toe. Daar was baie te sien en baie te doen, en ons was gewoonlik 'n konvooi van mense en die motor was gelaai soos 'n taxi met kampgoed. Met die loer deur die foto's het ek gesien hoe die ou fort verander het.

Page1

Die kinders was maar baie klein, maar kon mooi op die kaart wys waar ons is :-).

img296

Dit is hoe die fort op ons besoek in 2001 daar gelyk het.

img297

Van 'n ander fokuspunt af en hierdie boom help baie om te wys hoe die verandering plaasgevind het. Die fort is in die 18de eeu gebou en was die blyplek van die heerser van Fuijerah en sy familie vir baie jare.

17

Sewe jaar later in 2008 kan julle weer die boom sien en nuwe uitgrawings van huise. Die fort is ook hier in die proses om gerestoreer te word.

Amelia Fuijerah toer 3  Augustus 2007 015

Die betrokke fort het beide 'n vierkantige en ronde toring en mens kan sien hoe dit met klip herstel word. En wat vir ons soos, natuurlik moet hulle dit herstel en instand hou is, is hier meer die uitsondering as die reel. 'n Nuwe land, met hoe blink geboue waar hulle sommer iets afbreek en groter en beter opbou ... restorasie soos hier is uniek.

Page2_16

In 2010 is Nelmari al heelwat groter toe sy en Elriza by die fort rondloop.

Page2

Op die onderste twee foto's van die vervale geboue rondom die fort waar die inwoners en werkers van die dorp gebly het.

Page3_16

En 10 jaar later die geboue mooi gerestoreer.

Eendag gaan hulle bly wees dat hierdie bietjie geskiedenis behoue gebly het.