Sunday, February 27

Tyd vir asemskep en rustig raak

So 'n week terug het ek die wonderlike voorreg gehad om saam met 'n klomp pragtige jongmense op 'n "retreat" te gaan. Wat is 'n retreat? Ek sou se die geleentheid om van alles wat rondom en met jou gebeur "weg te breuk" en 'n bietjie in stilte by Pa se voete te gaan sit om te hoor watter planne Hy vir jou het en weer net bietjie tyd saam met Hom sonder onderbreuking te spandeer. En dit is presies wat ons gedurende die naweek gedoen het.

Ons tema vir die naweek het gekom van Hosea 2:14 "Therefore I am now going to lead her into the desert, and speak tenderly to her". En die hele naweek is ons daaraan herinner dat God ons 'n die woestyn inneem, nie om ons te laat ly nie, maar om ons nuut te maak en ons verhouding met Hom te hernu.

nr 1

Die Vrydagmiddag met die opslaan van die tente was daar groot pret, soos net 'n klomp vrouens kan wees wanneer hulle hul eie tent moet opslaan. En natuurlik terwyl die jongmense moes aanwysings lees en sukkel, het die ou tannies se tente al gestaan .... En hoekom?

video

Kyk net ......

Page2

Daar is lekker geeet voordat die eerste sessie aangebreek het.

nr 3

Elkeen van ons 'n foto wat iets van 'n woestyn uitbeeld gekry. Ons moes dmv 'n scrapboek prent probeer uitbeeld waar en hoe ons in daardie prentjie is. En spesifiek waar ons verhouding met God, in daardie prentjie uitgebeeld kan word. Vir 'n lang tydjie het almal net na hulle foto gestaar en hulself daarin probeer sien voordat die tafel met scrapgoed aangeval is.

Page3

Gou-gou was almal besig met hulle prent en is daar baie gelag en gesels.

Nr 6

Maar hoe later hoe stiller het dit geraak soos daar gedink is en skrif in die Bybel opgesoek is. (Een van die honde het ons ook aangeneem en is "Hoover" gedoop omdat hy reg was om enigiets op te eet wat op die grond val - hy het die rustigheid om die tafel geniet)

Nr 7

Die scrapblaaie wat vertel van ons plek in die woestyn en waar God ons wil sien.

DSC_0185

Die volgende sessie was rondom die kampvuur

Page1

Wonderlike gesprekke met mekaar hier gehad. Hoe Vader na die Israeliette in die woestyn gekyk het en hoe Hy hulle nooit gelos het nie en vir hulle gesorg het. Ons het ook gepraat oor hoe maklik ons God met "dinge" vervang alhoewel Hy altyd daar is vir ons. Daarna is daar bietjie gesing. Alhoewel die jongklomp geweet het hulle moet vroeg opstaan die volgende oggend, is daar nog tot half drie gekuier en fliek gekyk.

DSC_0191

Die volgende oggend het Vader ons bederf met 'n wonderlike sonsopkom in die woestyn en het ons gesien dat om "in die woestyn te wees" ook baie mooi is.

nr 9

Vier van die meisies het gaan perdry om nog meer die woestyn te voel.

DSC_0223

Ek was nou wel nie saam op die perde nie, maar hierdie "groen en lewe" in die woestyn was vir my 'n mooi boodskap.

Page2

Voor ontbyt is die tente vinnig afgeslaan en ek moes net hierdie foto's wys. Die twee het hulle tent kon afslaan tot op 'n punt en toe hy nie wil verder vou nie, agtergekom daar is nog iets binne-in. Kyk net .... 'n stoel!

video

Die tent wat so vinnig opslaan het nogal skill nodig om af te slaan en die twee het baie geoefen om sover te kan kom.

DSC_0237

Die bokkies het ook gekom vir 'n bietjie aandag en koppie krap.

Nr 10

Die laaste sessie was 'n 5uur een waar ons 'n tyd van stilte gehou het. Daar is glad nie gedurende die tyd gepraat nie en selfs middagete is in stilte geniet. Elkeen het 'n plekkie gekry waar ons tyd in die Woord en saam met God deurgebring het.

Wat 'n wonderlike geseende tyd. Sien al klaar uit na die volgende een.

Julle moet 'n wonderlike week he

Tuesday, February 22

Op die Logos Hope

Na ons lekker kuiertjie saam met die Saffers van die Logos Hope boot, het hulle ons uitgenooi om bietjie te kom loer wat op die boot gebeur en dit was heerlik.

Page6

Eers het ons saam met "gashere" vir die aand, Ockie, Lenie en Liezel geeet en mens kon bietjie van die bootvibe ook optel deur die lekker geselsies wat orals by die ander tafels aan die gang was.

Page3

'n Toer deur die boot was volgende en ek kan julle vertel dat dit beslis nie vir my is nie. Orals trappe, wat natuurlik sal help om fiks te word, maar die gangetjies en draaitjies sal my beslis die heeltyd besig hou om uit te vind waar ek nou is.

Page2

Die kamer waar alles gebeur. Paul het ons redelik ingelig oor alles wat daar gebeur en die meisies is nuuskierig om te kyk waar die "stuurman" moet loer wanneer hy parkeer.

Page4

Alles waaraan mens kan dink is op die boot en Liezel was baie opgewonde om ons die plek te wys waar al hulle opvoerings, dienste, musiekaande, flieks ens gebeur.

Die Logos Hope se leuse "touching lives with knowledge, help and hope. Hulle doel om God se liefde met almal wat die boot besoek en die gemeenskap van die lande waar hulle aandoen te deel. Een van die maniere is om te demonstreer hoe 40+ nasionaliteite saam op 'n boot in vrede, liefde en harmonie kan saambly.

Page7

Die maniere waarop hulle dit doen is om mense te help wat in armoede bly en daardeur 'n gebrek aan onderrig en mediese dienste het. Die werkers op die boot het baie projekte waar hulle help om huise te bou vir mense in rampgebiede, om medisyne en kos te voorsien en ander goed wat nodig is. Deur dit bring hulle ook die boodskap van hoop en Vader se liefde, na die mense toe.

Page1

Heel laaste het ons die boekwinkel besoek! Deur die boekwinkel versprei hulle ook kennis aan mense reg oor die wereld. Daar is regtig ietsie van alles en elkeen van ons het met 'n sak of twee boeke en cd's daar uitgestap. Net toe ek dink ek het al die cd's van my gunsteling kunstenaars ... ontdek Nelmari al die cd's van haar gunsteling kunstenaars :-). Interessant was die feit dat hulle ons vertel het - terwyl die boot in Dubai was, was die topverkoper onder die boeke die Bybel. Is dit nie amazing nie, en dit nogals in 'n moslem land. Ek kan ook noem dat die boot nie net besoek is deur westerlinge nie, maar honderde arabiere ook.

Page9

By die boekwinkel uit word daar ontdek die boot het draairoomys - iets wat mens nie sommer hier kry nie en natuurlik moet daar gekoop word. Ons kuier en eet dit sommer in 'n lekker arabiese grasafdak.

21

Dankie julle drie vir jul gasvryheid, lekker kuier en rondwys, ons jongmense het dit baie geniet en ons waardeer dit! Sterkte en blessings vir die amazing werk wat julle op en van die boot doen.

Liefde

Friday, February 18

Klein mensies + diere = Baie pret

Nooit te lank in die land om 'n nuwe plek te ontdek nie. Vir lankal weet ek van die nuwe kids park in die dorp, maar omdat my kindertjies al groot is, was dit nog nooit hoog op my lys nie. So verlede week toe ons 'n uitstappie vir ons kleuters moet reel, was dit tyd om te gaan kyk wat gaan daar aan en dit was 'n heerlike verrassing.

Page1

Almal behalwe twee van ons kleuters was daar en alhoewel meeste al 'n keer of wat daar was, het dit niks gedoen aan hulle geesdrif nie en selfs voor ons binne was, was dit lekker om die gesiggies en opwinding te sien.

Page2

Daar is 'n paar bosse en sakkies kos gekoop sodat hulle die diere kon voer en meeste van dit het al in die eerste ry by die apies baas gekry. Volgende keer sal ek defnitief kos hou vir die ander diere lateraan. Klein Jana was die brawe een wat toegelaat het dat hulle 'n slang om haar nek sit - kyk net daai gesiggie.... dit terwyl een van die groot mense liewers die apies dadels gevoer het, net ingeval sy ook die slang moes vashou :-).

Page3

Ek was regtig verras met al die tipe diere wat daar is - het gedink dis net plaasdiere. Die volstruis het al die kinders se kos kom eet en het vir groot pret en laggies gesorg.

Page4

Daar is klomp katsoorte en selfs 'n beer. Die wit tier het rustig aan sy ribbetjies vir ontbyt le en eet.

Page5

Die ander wit tier was duidelik klaargeeet en het bietjie gesig gewas. Omdat dit 'n kinderpark is, moet mens maar laag buk as jy van die diere wil sien en afneem. Reg voor Elriza hulle het twee leeus gele. Die bok in die regterkant trek nie gesig vir die kamera nie, hier ek ek geleer dat daar wel so 'n bokspesie is wat hulle die "Shama goat" noem en hulle kom van Syria af. Gaan google dit gerus - almal het sulke skewe gesiggies, ore wat lyk asof dit afgesny is en 'n tong wat uithang langs die bek. Dis regtig snaaks om 'n trot van hulle te sien.

DSC_0317

DSC_0283

So tussen die diere is daar hierdie mooi waterplek waar die eende en swane uithang.

DSC_0222

Die kinders kom beslis nie hiernatoe om te leer spel nie, net om met die diere te speel, want orals is daar baie snaakse woorde :-).

Page7

Nog 'n klomp diere wat die kinders vermaak en uitgeput het. EK bedoel eintlik die kinders het hulle uitgeput.

Page6

Die kinders en ons het die boomklim, sandspeel, roomys eet en interaksie met die diere verskriklik geniet. Ek sal beslis my jongste ook moet neem :-).

Lekker naweek julle!

Sunday, February 13

Braaivleis, Biltong en ander goed

Ek dink een van die lekkerste "voordele" om so met kinders en jongmense te werk, is die wonderlike mense wat mens so ontmoet en leer ken. Gedurende die naweek het ons die geleentheid gehad om saam met 'n klomp Suid-Afrikaanse jongmense van die Logos Hope boot te kuier.

DSC_0033

Vir 'n verandering was dit windstil en selfs effens koel en kon ons lekker in ons kompleks saam met hulle en van ons jongmense hier in die dorp braai. Ek sal later nog meer van die boot vertel, maar hierdie jongmense "commit" hulself tot 2 jaar diens sonder salaris. Meeste van hulle se kerke by die huis dra hulle koste.

DSC_0072

Nou nie my gunsteling nie, maar dit het verseker die ouens van die boot se aand gemaak, pap en sous .... alhoewel die biltong voor die tyd ook soos ysblokkies in die somer hier verdwyn het.

DSC_0085

Leane skep ook. Alhoewel ons hulle bietjie probeer "treat" het met eg Suid-Afrikaanse braaivleis, was hulle ook dankbaar vir net die geleentheid om van die boot te kom en bietjie te kuier.

DSC_0100

Lekker kuier terwyl daar geeet word aan lekker melktert vir nagereg.

DSC_0114

Vier van die jongmense van Abu Dhabi en twee wat julle behoort te ken :-). James hoekom sal jou hare so staan? En kan julle glo dat ons hier in Abu Dhabi kombersies moes uithaal vir die koel weer!?

Page1

Daar is ook bietjie gek geskeer met die langste en kortste van ons. Waar Nelmari ampertjies die langste was, het Leane loshande die kortste prys gewen. Sussie waaroor word daar gelag op die foto onder regs?

DSC_0116

Na die eet het die klompie kringetjie gemaak en so 'n paar liedjies saamgesing.


Dit was bietjie donker maar ek kon 'n deeltjie van een van die liedjies op video opneem.

DSC_0122

Ons kan regtig trots wees op hierdie jongmense van ons. Om met hulle te praat en te hoor hoe Pa met elkeen 'n pad loop en hoe hulle gehoorsaam luister, is 'n ervaring. Dankie dat julle saam met ons kom kuier het!

Thursday, February 10

September in Februarie

Dis nou September hier in ons Februarie as mens die dol tyd wil probeer verduidelik. Die dag waarop ek teruggekom het van SA, is ook die dag wat Nelmari met haar rekordeksamen begin het en dit beteken net een ding, die skooljaar vir haar en skool is nou ampertjies klaar.

DSC_0032

En na twee weke van eksamen was dit tyd vir die neem van die "graduation" foto's en wat 'n ding is dit nie. Griet dis amper erger as om 'n rok vir die prom (matriekafskeid) te kry want net vir die fotonemery moet daar 'n rok wees - wat niemand kan sien nie want hulle dra die jas. EN natuurlik met 'n rok kom skoene want dit gaan ten minste uitsteek op die foto. Daar gaan seker nou ernstig gesoek word na 'n ander rok wat weereens onder 'n rok gaan wees vir die amptelike graduation begin Junie. Hier het van die meisies 'n net 'n bietjie pret tussen die foto sessie.

DSC_0080

Nelmari het ook nog nie opgehou met sport nie en met geen oefening tussen die eksamens deur nie, het hulle hul aartsvyand van jare aangedurf. Vir julle wat die blog volg sal weet dat vandat ek begin vertel het van die kinders se sport, hulle nog nie vir ACS kon wen nie, al probeer hulle hoe hard en al speel hulle beter.

DSC_0089

Hierdie keer was die planne gemaak en sou dit nie lekker wees om jou Graad 12 jaar af te sluit met 'n wen nie. Na die eerste kwart is die telling 6 - 6 en na die eerste helfde loop ons voor 20 - 12.

DSC_0093

'n Mens se lengte kom nogal handig te pas. Die derde kwart eindig met ons wat 18 - 25 voorloop.

DSC_0108

Die gedugte verdediging van die drie Suid-Afrikaners in die span het dit nie maklik vir die kompetisie gemaak nie.

DSC_0120

En na al die harde speel is dit moeilik om die vreugde te keer - uiteindelik sit ons die Viper ore aan! Nie 'n weghol oorwinning nie maar 32 - 27 is nie te sleg nie.

Baie geluk Lions! Wat se jy William?

Go Lions!