Wednesday, February 28

Nog een amper uit nes....

Dit voel soos nou die dag dat James hierdeur is. Ja, dis tyd vir die "graduation" foto's om geneem te word. William voel hy het 'n haarsny nodig voor die foto's. Selina knip sy hare en aan die begin is dit groot pret maar ....

Die man is ook baie versigtig. Net hierdie stukkie wat oop is .... en dan hou hy sy kop vas!

Netjies en reg vir die dag se foto's. Die res van die manne maak gereed vir die foto's

Almal het 'n storie te vertel of te verduidelik. Hier het hulle bietjie pret. Die ou regvoor, Stefan is ook 'n Suid-Afrikaner.

Ek weet nie hoe hierdie ma dit more gaan maak as haar dogter afgeneem word nie. Klaar was sy in trane oor William en more is Al-marie se foto's wat voorlĂȘ. Sy het sommer in die sekretaresse se kantoor op die grond gaan sit. Beide Sharyn (op stoel) en Hannelie (op grond) is Suid-Afrikaners.







.

Foto "update" uit Egipte


Eddie se 7 dae trippie Egipte toe is nou-al 11 dae lank. As hulle nie nog werk vir hom uitdink nie, behoort hy Vrydag weer in Abu Dhabi te wees. Eergister moes hy gaan werk doen in Alexandria en hier is bietjie foto's daarvan. Klik op die foto vir 'n beskrywing - vir die wat nie beskrywings het nie, dit sal kom. (Sal van hom 'n volledige verslag vra ... oor Egipte).

Tuesday, February 27

ADSAC 2007


Kan julle dit glo. Hierdie meisies het net gisteraand van die vliegtuig afgeklim na 'n toernooi in Egipte en hier moet hulle al weer aan 'n toernooi deelneem. Die meisies was moeg en bietjie kranklik en die eerlike waarheid ... ek het nie eers gedink hulle sal hul eerste wedstryd teen 'n baie sterk span wen nie. Maar hulle het almal verras en al hulle wedstryde gewen om deur te dring na die semi-finaal toe. Die wedstryd was 'n tawwe een en hulle wen in die laaste sekonde met 2 punte. Sonder ruskansie moes hulle toe in die finaal teen hulle groot teenstanders ACS speel. Die meisies het hulle harte uitgespeel, maar die bene en arms was nie altyd so gewillig nie.

Ons is trots op julle tweede plek ---- julle het 'n harde week agter die rug, julle is sterre. GO LIONS!

Kindergroep

Gisteraand tussen die basketbal toernooi was dit nog Kindergroep ook. Soos altyd het die kinders die Praise en Worship geniet en ek deel van die foto's met julle. (O ja, die rede waarom ek foto's van hulle neem, dit kom in die weeklikste kindergroep epos aan die ouers). Ongelukkig met al die gejaag tussen les en wedstryd het ek nie afgeneem wat in die groepe gebeur het nie.


Daleen dans "before we go ... we stop" saam met 'n paar van die meisies en Liam.

Sarah, Daleen en Claudia besig om saam met die musiek bewegings te doen.

Klein Philip, die twee voordansers en Dominique

Nog van die meisietjies wat dans.


Monday, February 26

"Spiderman" besoek Abu Dhabi - weer

Gister het die Fransman Alain Roberts alias Spiderman Abu Dhabi weer besoek om die hoogste gebou hier (38 verdiepings) te klim. Dit was nie sy eerste besoek aan Abu Dhabi nie en vorige kere het hy oa die National Bank of Abu Dhabi en Etisalat (waar Eddie werk) geklim. Hierdie keer was dit die Investment Authority Tower op die Cornish.

Die man lyk glad nie skrikerig vir die hoogtes nie
Amper bo en die mense se nekke al seergekyk
Duisende het die strate vol en toegepak.

Spiderman word trap vir trap dopgehou en elke beweging word uitgewys.



Sunday, February 25

ENGELTJIE, duiweltjie, DIEF

'n Fotoberiggie vanaf Bloemfontein. My "engeltjie" (hoekom twyfel ek?) en 'n "duiweltjie" oppad na 'n partytjie.

Hoekom lyk die engeltjie nie soos een nie ....OK nou is ek bekommerd, wat dink hy?

(Dankie vir die foto's seun)

Saturday, February 24

'n Rustige middag vir 'n slag

Geen sportwedstryde en geen kitaar en die middag is sommer stiller!! Met Eddie en Nelmari wat elkeen op sy/haar eie misie in Cairo is, het ek en William gisteraand gaan ietsie eet (ja, ek weet Marie). Ons was nie heeltemal alleen nie, Selena (die meisie) was ook saam.

William is nie iemand wat enigiets "normaal" op 'n spyskaart bestel nie, hy probeer altyd iets nuuts wat niemand anders voor kans sien nie. Gisteraand was dit weer die geval. Sy "drankie" was 'n peanutbutter en piesang melkskommel. Uuug ja, en dit proe soos dit!!

Hier verduidelik hy vir Selena hoe dit smaak.


Laat ek net 'n bietjie van die room af eet.

Dis baie lekker ..... (Ons het nie so gedink nie)

Die twee ernstig besig om die diensvorm in te vul


ISAC EGIPTE - ONS MEISIES IS STERRE!!!


Na drie moeilike dae van harde wedstryde is die toernooi eintlik verby en ons meisies doen as volg:

Dag 1

Wen teen UAS Dubai 40 - 9

Verloor teen AISE Egipte 22 - 24

Verloor teen MES Egipte 18 - 36

Dag 2

Wen teen QA Qatar 33-18

Wen teen BBS Kuwait 19 - 9

Dag 3

Wen teen UAS Dubai 33 - 6

Verloor teen AISE Egipte 26 - 35

Speel vir 3 de plek teen BBS Kuwait en wen 20 - 7.

GELUK LIONS JV DOGTERS MET JULLE 3 DE PLEK !!! GO LIONS!!

Sodra ons meer foto's en stories van die dogters gekry het, vertel ek meer.

Friday, February 23

Eddie se nuutste foto's oor sy "werktrip"


Sal 'n "verslaggie" oor hierdie werktrip gee sodra hy terug kom. Weet net nie hoe hy more gaan voel na die perdry nie

Thursday, February 22

Kom kyk na Bateen Strand

Bateen strand is een van my gunsteling strandjies in die dorp. Dis stil, daar is amper niks verkeer nie, die uitsig is wonderlik en die buurt is iets om te sien. Kyk net die kleur van die water.

'n Paar van die huise in die omgewing, net oorkant die straat van die see.

Hierdie een het nog 'n verdieping onder wat mens nie agter die heining kan sien nie. Al vier verdiepings is een huis. Daai boonste slaapkamers sal 'n verskriklike mooi uitsig hĂȘ.
Nog een van die huisies.

Kyk bietjie hoe rustig is die water. So ver die oog kan sien.
Die hele baaitjie. Kyk hoe loop die Arabiere met hulle abajas en kandooras langs die water

"Hanging around" word nie toegelaat nie. Interessante kennisgewing by die strand.
Sonsondergang by Bateen strand.

Wat dink julle van hierdie klein strandjie?


TES EN ANDRE

DIS JULLE HUWELIKS
- HERDENKING VANDAG
.... HOOP JULLE HET
DIE ETE GENIET!!!
LIEFDE: DIE HOLLOWAYS
Die hoeveelste?